Milli Kitabxana
215
BAĞIRMAQ İSTƏYƏN ADAM
Dostum Fikrət Sadığa
lk baxışda onun qeyri-adi adam olduğunu hiss
etmək çətindi. Enlikürək, kök adamdı.
Gizlənqaç oyunu zamanı enli kürəyinin arxasın-
da dördünüz rahat gizlənə bilərsiniz. Ağarmış
gur saçlarının dibi hələ də qaralığını saxlayır. Bundan hiss
olunur ki, əvvəl onun saçlarının ucu ağarmağa başlayıb. Nə isə,
bu adam günlərin birində bərkdən bağırmaq fikrinə düşdü.
Amma şəhər yerində belə bir işi görmək qеyri-müşkül məsələ
idi. Qarşısına çıxan dost-tanışa deyirdi:
—Səsim gəldikcə bağırmaq istəyirəm. Amma bilmirəm
neyləyim.
—Meşəyə getmək lazımdır, qardaş, meşəyə, — deyə
ona məsləhət görürdülər.
Bu adamın axırda əlacı kəsildi və bağırmaq üçün
meşəyə getdi. Gonbul budlarını oynada-oynada yeridikcə
şalvarının enli balaqları yellənirdi. İşıq zolağı kimi ağaran dar
cığırlar onu Şamaxı dağlarının qalın meşələrinə gətirib çıxartdı.
— Bu başqa məsələ, — deyə bağırmaq istəyən adam
canı-dildən nəfəs aldı. Əlini qulağının dibinə qoydu, ağzını
geniş açıb bağırmaq istədi və bu zaman gözü palıd ağacının
başına sataşdı. Ağacda səbətə oxşayan bir yuva vardı. Yuvadan
bir leylək baxırdı. Qanadlarını və dimdiklərini şaqqıldadırdı.
Lap diqqətlə baxanda gördü ki, yuvada bir yumurta ağarır. Bu
yumurtanın qırıldığını və onun içində ətcə leylək balasının necə
Milli Kitabxana
216
çıxdığını gözləri ilə gördü. Bu zaman bir sığırçın cır səslə
qışqırdı:
—Cır, cırrrr.
—Suss! — deyə bağırmaq istəyən adam barmağını
dodağına qoyub sığırçından xahiş etdi ki, oxumasın!
Sığırçın isə cani-dildən cəh-cəh vurdu:
—Cırrr, cırrr.
—Elə bil meşədə böyümüsən, görmürsən təzə körpə
doğulub? Sakit ol da!
Yox, deyəsən bu sığırçın sakit olmaq fikrində deyildi.
Bağırmaq istəyən adam sığırçın qonan budağı bərk-bərk
silkələdi, yalnız bundan sonra quş uçub getdi.
Bağırmaq istəyən adam rahat nəfəs aldı. Yuvaya baxıb
uzaqlaşdı. Leylək qanadlarını şaqqıldatdı. Ona elə gəldi ki,
Leylək deyir:
—Sağ ol, qardaş, sığırçını qovduğuna, bir də yuvamın
yanında bağırmadığına görə sənə təşəkkür edirəm!
Yollar onu yaşıl bir talaya çıxartdı. Göz işlədikcə
çəmənlik idi.
—Burda nə qədər desən qışqırmaq olar, — deyə o
düşündü.
Torpağa uzandı və bərkdən bağırmaq üçün dərindən
nəfəs aldı.
—Ay aman, qarışqalara baxın! Bunlar neynəyir belə?!
Qarışqalar sırayla yuvalarına dən daşıyırdılar. Qarşı-
qarşıya gələn qarışqalar hökmən burun-buruna toxunur, bir-
birinə nəsə deyir, sonra yollarına davam edirdi.
Körpə qarışqalar da böyüklərdən geri qalmır, buğdanın
ən irisini aparmaq istəyirdi.
Adam öz-özünə fikirləşdi ki, əgər bu saat bağırsa
qarışqaların bağrı yarılar. Onda gör nə olar?! Buna görə də
qışqırmadı. Qarışqaların ürəklə işləmələrinə heyrətlə baxa-baxa
qaldı...
Milli Kitabxana
217
—Bura bax, gəlsənə elə şəhərdə, lap bu mərkəzi
küçələrin birində qışqırasan, hə? — deyə bir dəfə o, öz-
özündən soruşdu və qəfıldən bağırdı. Bağırdı deyəndə ki, əvvəl
bir nərə çəkdi. Sonra boğuq bir gurultu adamları səksəndirdi.
Qarşıdakı nəhəng binanın pəncərələri cingildədi, çilçıraqlar
yelləndi. Adamlar heyrətlə ətrafa boylanıb baxdılar ki,
görsünlər nə olub. Qoca bir qarı deyirdi:
—Qaz partladı. Evin bir qolu tamam uçdu. Başqa birisi
qarının sözünü yarımçıq kəsdi:
—Nə danışırsan? Bir bina elə dağıldı ki, daşı da
qalmadı.
Bu adam isə arzusuna çatmışdı. Nəfəsi gəlincə,
bağırmışdı. Heç bir ev uçmamışdı, hətta bir adamın burnu belə
qanamamışdı. Yox. Yox, belə bir iş qətiyyən olmamışdı.
Sadəcə olaraq bu qəribə adam ürəkdən bağırmışdı, vəssalam.
Həmin adam hələ də doğma şəhərinin küçələrində xoşbəxt-
xoşbəxt gəzir. Axı o, səsi gəldikcə bağıra bilmişdi...
Milli Kitabxana
218
BÜTÜN DÜNYANI FƏTH EDƏN
PADŞAHIN TACI
ir padşah bütün dünyanı fəth etmişdi. Buna görə də
belə qərara gəldi ki, dünyanı fəth edən padşahın tacı
da gərək həm yekə, həm də yaraşıqlı ola. Əmr etdi
ki, ölkənin bütün zərgərləri saraya yığışıb, ona
təzə bir tac düzəltsinlər.
Səhəri saraya o qədər zərgər yığışdı ki, hamısı şahın
sarayına yerləşmədi, xeyli hissəsi küçədə gözlədi ki, görsünlər
onları niyə çağırıblar. Padşahın əmri zərgərlərə çatdırıldı.
Zərgərlər hərəsi bir fıkir söylədi. Birinci zərgər dedi:
— Mənə elə gəlir ki, təzə tac yalnız brilyantlarla
bəzənməlidir.
İkinci dedi:
—Qətiyyən yox. Brilyant qiymətli olsa da tac üçün
yaramır. Qoy onu qızlar barmaqlarında oynatsınlar. Şah uşaq
ha deyil, durub brilyant oynada.
Doğrudan da şah uşaq deyildi ha.
—Tac almaz və yaqutla bəzənməlidi, — deyə ikinci
usta təntənə ilə sözünü tamamladı.
Üçüncüsü dedi:
—Canım, yaqut, almaz nədi. Bunlar boş-boş şeylərdi.
Tac balıq qulaqları ilə bəzənməlidir ki, şahımızın qulağı
balıq kimi həssas olsun. Dördüncüsü dedi:
—Məncə bu tac balaca çay daşları ilə bəzənsə daha
sadə görünər.
Beləliklə, hər zərgərin ağzından bir avaz gəldi. Axırda
padşah:
Dostları ilə paylaş: |