Microsoft Word Zahid ikinci kitab
Yüklə 2,17 Mb. Pdf görüntüsü
|
- Bu səhifədəki naviqasiya:
- Milli Kitabxana
Milli Kitabxana
226
ağırlaşırdı. Çünki pişiyin iştahası hər gün artır, siçanların tapıb gətirdikləri şeylərin demək olar ki, hamısını tələb edirdi. —Əlinizə düşən ən ləzzətli şeyləri mənə gətirə bilər- siniz, sizə qətiyyən acığım tutmaz, — deyə Pişik onlara mehribanlıq göstərirdi. İlk vaxtlar bu mehribanlıq siçanların ürəyindən idi. Onlar belə bir padşahları olduğu üçün hətta günlərlə ac qalmağı özlərinə şərəf hesab edirdilər. Amma şərəf öz yerində, yeməsən ölə bilərsən, axı! Siçanlar həqiqəti başa düşəndə artıq çox gec idi. Demək olar ki, hər gün kolların dibindən 3-4 siçan ölüsü tapılırdı. Pişik həmin siçan ölülərini görüb deyirdi: —Padşahın yolunda ölümə gedən siçanlar da bizim üçün əzizdir. Bu siçanların ətini yeməliyik ki, onların da ruhu şad olsun. Bu sözləri deyib özü işə girişirdi. Siçanlar gözlərini açana qədər Pişik onları yeyib qurtarırdı. Günlərin bir günü siçanların ən axmağı dedi: —Deyəsən bu Pişik bizim axırımıza çıxacaq axı. Ağıllı siçanlar o saat axmaq yoldaşlarını başa saldılar ki, boş-boş danışmasın. Belə danışdığı üçün onu hamı sarsaq adlandırırdı. —Yox, axı, — deyə həmin o sarsaq siçan davam etdi. —Necə edək ki, bu Pişikdən canımız qurtarsın. Yaxşı deyiblər ki, dəlidən doğru xəbər. Siçanlar elə bil indicə ayıldılar və başa düşdülər ki, Pişik həqiqətən onların axırına çıxacaq. Pişik gələndə hamıdan zirək tərpənən, padşahın ayaqlarını çiynində gətirən həmin o siçanlar indi deşiklərindən çölə çıxmayıb əhvalatın axırını gözləyirdilər. Dünyanın işini nə bilmək olardı. Siçanlar sözü bir yerə qoyub yuvalarından çölə çıxmadılar. Pişik əvvəlki kimi yuxudan durub gərnəşdi, bığlarını yağlayıb iştahla dedi: —Acımışam mənə yağlı kökə gətirin! Amma nə qədər gözlədisə ona yağlı kökə gətirən olmadı.
Milli Kitabxana
227
—Bura baxın, siz deyəsən kar olmusunuz, eşitmirsiniz, yağlı kökə istəyirəm? Siçanlar balaca yuvalarından balaca burunlarını çıxarıb diqqətlə baxırdılar. Onlar Pişiyin çıxıb getməsini istəyirdilər. Amma hələ Pişik işin nə yerdə olduğunu başa düşmürdü. Bayaqkı axmaq siçan balaca burnunu bir az da çölə çıxardıb dedi: —Biz daha sənin padşahlığını istəmirik, çıx get! Bu zaman yüzlərlə yuvadan eyni vaxtda hər siçan iki dəfə "ah" və üç dəfə "uyy" edib işin axırını gözlədi. Pişik işi belə görüb yuvalara hücum çəkdi. Amma siçanlar o saat geri çəkildilər. Pişiyin pəncəsi onlara çatmadı. Axşamüstü Pişik o qədər acıdı ki, haldan düşdü. Bayaqkı sarsaq siçana dedi: —Bura bax, dost, bunların içində yenə sən yaxşısan, çıx çölə səni yeyim. Onsuz da siçanlar arasında elə bir hörmətin yoxdu. Daha yaşamağının da bir mənası qalmayıb. —Mənasız yaşayan sənin kimi olar. Biz qazanırıq sən ötürürsən içəri. Bundan sonra daha siçanlarla danışmağına dəyməzdi. Beləcə Pişik çıxıb getdi və siçanlarla ömürlük düşmən oldu. İndi pişiklər harda siçan görsələr babaları Pişik padşahın intiqamını almaq üçün onların üstünə atılırlar.
Milli Kitabxana
228
iri var idi, biri yox idi, bir pul şəhəri var idi. Həmin bu pul şəhərində Şahı şahlıq edirdi. Günlərin bir günü bu Şahı fikirləşdi ki, bir halda ki, mən şaham, onda gərək ləqəbim də olsun. Yoxsa ləqəbsiz də şah olar? Axırda belə qərara gəldi ki, özünə Abbası ləqəbi götürsün. Doğrudur, tarixdə onun adına və ləqəbinə uyğun bir şah da yaşamışdı: Şah Abbas. Amma diqqətlə fikir versəydiniz bu şahın həm adının, həm də ləqəbinin axırına bir "ı" hərfı artırılmışdı ki, bunun da mən bilən çox böyük mənası vardı. Əvvəla Şahı Abbası pul şəhərinin şahı idi. İkincisinə qalanda onun fıkrincə o, Şah Abbasdan çox-çox ədalətli idi. Elə bugünkü nağılımız Şahı Abbasının ədalətli işləri haqqındadı. Elə ki, şahlıq tacını başına qoydu, əvvəl belə bir ədalətli qərar çıxardı. Bütün Şahılar, üçqəpikliklər, ikiqəpikliklər və birqəpikliklər saraya işləməyə dəvət olunur. Çünki Şahı Abbasının fıkrincə bu pullar onun nəslindən idi və şah gərək öz nəslinin qədrini biləydi. Şahın dəvət etdiyi adamlar saraya toplaşandan sonra qohum əqrəbaları şahın ləqəbindən narazılıq etməyə başladılar. Necə ola bilərdi ki, bu qədər qohum əqrəbası olan bir şah özünə Abbası ləqəbi götürsün. Axı sarı rəngli pullardan birini ləqəb götürmək olardı. Məsələn, Üçqəpiklik. Nəyi pis idi hə? Yox, bu şah deyəsən ağlını itirmişdi. Abbası nə pul idi ki, onu da özünə ləqəb götürsün. Axırda qohumlar arasında dedi-qodu o qədər genişləndi ki, gedib şahın qulağına çatdı. Şah qohum-əqrəbalarını başına yığıb dedi:
yoxdur. Abbası ləqəbini isə ona görə götürmüşəm ki, qeyri ölkələrin şahları məni qohumbazlıqda təqsirləndirməsinlər. İndi isə mənim əmrimə qulaq asın. Ölkədəki bütün pullar siyahıya Milli Kitabxana
229
alınmalıdır. Kim nə işlə məşğuldur. Kimin əlindən nə gəlir və s. Axı bizim şahımızın özü bir iş görməlidir ya yox? Kənardan baxan elə bilər ki, əlimizdən padşahlıq-zad gəlmir. Qohumlar özlərinin işgüzarlığını bir-birinə sübut etmək üçün əl-ayağa düşdülər. Əvvəl bazarı nəzərdən keçirməyə başladılar. Ay aman, bazarda nə dəhşətli işlər baş verirmiş. Əgər şahın adamları vaxtında bu işlərdən xəbər tutmasaydılar görəsən nə olardı. Əvvəl qapının ağzında cındır geyimli bir adamla qarşılaşdılar: —Ey, adın nədir? —Qızıl, — deyə həmin cındır geyimli adam dilləndi. —Qızıl? — deyə birqəpiklik mümkün qədər özünü dartdı ki, onun daha qiymətli olduğunu başa düşsünlər. — Yaxşı, ey qızıl, de görək nə işlə məşğul olursan. —Mən torpaq adamıyam. Əkirəm, biçirəm, gətirib bazarda satıram. —De görək buğdanın pudunu neçəyə verirsən? — Kilosu bir şahıdı. Çox götürsən, tonunu bir qızıla verə bilərəm.
dəfə fırlandı. — Bu necə bazardı belə?! Deməli kilosunu bir şahıya, tonunu bir qızıla? Nə danışdığını bilirsən? Bəs sən başa düşmürsən ki, əksinə danışmalısan. Məsələn belə: kilosu bir qızıl, tonu bir şahı. Şahı qızıldan bahadı axı. Cındır geyimli kişi birqəpikliyin sözünü ağzında qoydu. —Oğul, sən hələ cavansan, ona görə də pulları yaxşı tanımırsan. Şahı nədi ki, qızıldan qiymətli ola. Ağzında qızıl deyirsən. —Gör bir nələr eşidirəm? — deyə üçqəpiklik qıyya çəkdi. — Necə yəni qızıl şahıdan bahadı?! Məgər sizə xəbər verməyiblər ki, Şahı ölkənin padşahıdı. Sən, cındırından cin ürkən qoca, Şahdan qiymətlisən?
Yüklə 2,17 Mb. Dostları ilə paylaş:
|