Microsoft Word Zahid ikinci kitab
Yüklə 2,17 Mb. Pdf görüntüsü
|
- Bu səhifədəki naviqasiya:
- Milli Kitabxana
Milli Kitabxana
193
—Baxarıq — tülkü hirslənib canavarları yamsılamağa başladı. Arxasını pəncərəyə tərəf çevirib qarı sоvurmağa başladı. Qar sovruğu pəncərəyə dəydikcə dovşan uğunub gedirdi. Doğrudur onun güluşünü eşidən olmurdu. Çünki dovşan ürəyində gülürdü ki, ev sahibi oyanmasın. Amma pəncərə şaqqıltısı ev sahibini yuxudan oyatdı və o, tülkünün cani-dildən necə işlədiyini görəndə bərkdən şaqqanaq çəkib güldü. Tülkü bu gülüş səslərini qətiyyən gözləmirdi. Bircə anda işin nə yerdə olduğunu başa düşdü və qaçıb meşədə gözdən itdi. Dovşan isə ev sahibini ehtiyatsızlıq üstündə qınadı. Axı belə bir səfeh tülküyə kim bilir, bir də nə zaman rast gələcəkdilər. Milli Kitabxana
194
iz bəlkə də belə adamları ömrünüzdə görməmi- siniz. Onlara Qara adamlar deyirlər. Bədənləri, paltarları, hətta gözləri də qara olur. Gecə qaranlığında gəzəndə onları görmək demək olar ki, mümkün deyil. Elə güman etməyin ki, mən zəncilərdən danışıram. Yox canım, zəncilərin dişləri və bəbəkləri qar kimi ağ olur. Elə zənci var ki, hətta adam onun nə qədər gözəl olduğuna heyran qalır. Amma Qara adamlar başqadır. Belələrinin fikri xəyalı da qara olur. Ona görə də gecələr gəzirlər ki, onları görüb tanıyan olmasın. Onların adları da bir-birinə oxşayır: Qara Mirzə, Qara Gürzə, Qara Fərzə, Qara Hürzə... Günəş olan yerdə qara adamları görmək çətindir. Çünki Günəş onların gözlərini qamaşdırır. Bir də onlar qorxur ki, günəş bu adamların ürəyindəki qara-qura fikirləri açıb göstərə bilər. Bax buna görə də onlar həmişə qaranlıq yerlərdə gəzib dolanırlar. Bir dəfə qara adamların hamısı dərin bir dərəyə toplaşdı. Bura o qədər qaranlıqlaşdı ki, göz-gözü görmədi. Qara adamlar çox danışdılar, az danışdılar bilmirəm, axırda belə qərara gəldilər ki, dünyada onların yeganə düşməni varsa o da Günəşdi. Günəş olmasa xalqın canı rahatlanar, camaatın gözü qamaşmaz, qara adamlar bu dünyada rahat ömür sürər. Onlar axırda belə qərara gəldilər ki, Günəşi söndürsünlər. Qərar qəti idi. Qara adamların ən güclüləri bir yerə toplandı. Onlar qaranlığın ən qatı yerindən özlərinə qılınc
Milli Kitabxana
195
qalxan düzəltdilər. Qara fikirlərdən patron hazırladılar. Doğrusu çox qaranlıq olduğu üçün onların daha nə iş gördüklərini ayırd edə bilmədim. Qapqara döyüş paltarlarını geyinib Günəşin yolunu gözləməyə başladılar. —Sabah xalqın canı bu parlaq avaradan qurtaracaq — deyə bir—birinə ürək dirək verirdilər. Qara Mirzə üzünü qara buludlara tutub dedi: —Hətta buludlar da bizimlədir. Bütün xalq bizim tərəfimizdədir. Qara Hürzə ehtiyatla onun sözünü kəsib dedi: —Mən bir dəfə təyyarənin kölgəsinə çevrilib buludun o biri üzünü görmüşəm. O, ikiüzlü və yaltaqdır. Yerə baxan üzünün qaralığı sizi aldatmasın. Günəşə baxan tərəfdə onun rəngi ağdır. Özü də o biri üzü ilə Günəşə elə yaltaqlanır ki, görsəniz hirsinizdən ağararsınız. Qara Mirzə onun sözünü kəsdi: —Sən hələ uşaqsan və yəqin ki, belə şeyləri başa düşməzsən. Buludlar bizim dostumuzdur. Birləşməsək Günəş kimi bir düşmənin öhdəsindən gələ bilmərik. Qara Gürzə, Qara Fərzə və başqa qara adamlar Qara Mirzənin sözünü təsdiq etdilər və Qara Hürzə daha danışmadı. Bu zaman buludlar da baş-başa verib Qara adamların barəsində düşünürdülər. Onların üst üzü də daha elə sən deyən ağ deyildi. Günəş görünmədiyinə görə onlar kimə yaltaqlana bilərdilər?! Qara buludların da ürəyində qara sular cövlan edirdi. Onların da maraqlı adları vardı: Ala Bulud, Tala Bulud, Qala Bulud, Çala Bulud... —Biz sabah bütün gücümüzü göstərməliyik. Günəşin nazı ilə bu qədər oynamağın mənası yoxdur — deyə Ala bulud coşmuşdu. —Qara adamlar da bizim tərəfimizdədir, — deyə Tala Bulud onun sözünə qüvvət verdi.
Milli Kitabxana
196
—Ancaq onlar olduqca qorxaq və yaramazdılar. —Heç bilmirəm bu söz Qala Buludun dilindən necə çıxdı. Orasını deyim ki, Qala Bulud cavan olsa da sözü üzə deyə bilirdi və buna görə də o biri buludların ondan xoşu gəlmirdi. —Nə danışırsan, canım, Qara adamlar bu sözü eşitsə bizdən inciyə bilər və bütün işlərimiz alt-üst olar — deyə Ala Bulud Qala Buludu danladı və bərkdən guruldadı ki, Qara adamlar onun səsini eşidib ürəklənsinlər. Amma birdən Qala Bulud Şimşək yaratdı və Şimşək dərəni necə işıqlandırdısa Qara adamlar bir anda gözdən ilim-ilim itdilər. Onların bu qədər qorxaq olduğunu görən Qala Bulud necə şaqqanaq çəkib güldüsə dağ-daş lərzəyə gəldi. Belə anlarda onun gözündən bir qığılcım çıxıb ildırıma cevrildi və qaranlıq dərədəki nəhəng bir qayanı parça-parça elədi. —Bir az yavaş gül də, deyə yoldaşları onu danladı. Bir də belə gülsən dünyanı yandırarsan ki. Amma Qara adamların qorxaqlığı Qala Buludu elə həyəcanlandırmışdı ki, o, uzun müddət gülüşünü saxlaya bilmədi və gözlərindən çıxan ildırımlar daha bır neçə qayanı оvхaladı. İldırım çaxanda dərədəki daşlar bir anda necə parıldadısa elə bil nəhəng bir tonqalın qığılcımlarıdı. İşıq sönən kimi Qara adamlar dərəyə toplaşdılar və parıldayan daşların hamısını yığıb çaya tulladılar: —Onlar hamısı Günəşin qohumlarıdı. İldırım çaxanda bir görsəydiniz sevincdən necə parıldaşırdılar —deyə Qara Mirzə bütün daşları çaya tulladı ki, daha heç zaman parıldaya bilməsinlər. Amma Qara Mirzə çayın necə parıldadığını görməmiş- di. Göydə ildırım parıldayanda çayın gümüşü ləpələri xоşbəxt- xoşbəxt gülümsünmüşdü və bununla da Günəşin dostu olduğunu bildirmişdi. Yüklə 2,17 Mb. Dostları ilə paylaş:
|