~ 405 ~
o, yekdilliklə Azərbaycan Mərkəzi İcraiyyə Komitəsinə üzv
seçilib. 1981-ci ilin sonunda 83 yaşında dünyasını dəyişib.
Osmanın anası Əminə Xeyrulla qızı Qəniyeva 1910-cu
ildə dünyaya göz açıb.1928-ci ildə Nəriman kişi ilə ailə həyatı
qurub.Uzun illər kolxozçu, komsomol və partiya təşkilatı
katibi olub. Dünyaya on yeddi övlad gətirən Əminə xanım
“Qəhrəman ana “fəxri adına layiq görülüb. 1996-cı ildə 96
yaşında dünyadan köçüb.
O. Paşayev 1942-ci ildə Dəvəçidəki S. M. Kirov adına
orta məktəbin I sinfinə daxil olub. Məktəbdə oxuduğu illərdə
özünü çalışqan, bilikli və bacarıqlı şagird kimi göstərib. 1952-
ci ildə həmin məktəbi müvəffəqiyyətlə bitirərək kamal attestatı
alıb. Ali məktəbə getməzdən əvvəl bir müddət kənddə qalıb
işləməyi qərara alıb. Rayonun Qələgah kənd 7-illik məktə-
bində katib və pioner baş dəstə rəhbəri vəzifələrində çalışıb.
1953-cü ildə gənc Osman V.İ.Lenin adına Azərbaycan
Pedaqoji İnstitutuna qəbul olub. Ali məktəb illəri gənc
Osmana böyük uğurlar gətirib. Onu institututda müəllim-
tələbə kollektivləri təkcə bilikli, bacarıqlı tələbə kimi deyil,
voleybol üzrə birinci dərəcəli idmançı kimi də tanıyıblar.
1957-ci ildə ali məktəbi bitirdikdən sonra O.Paşayevin
təyinatını doğma rayonu Dəvəçiyə veriblər. Rayonun Gəndov
kənd orta məktəbinə tarix müəllimi təyin olan gənc Osman bu
məktəbdə işə başlayan ilk aylardan pedaqoji sahədə neçə-neçə
uğura imza atıb. Bir neçə vaxtdan sonra o, məktəbin direktor
müavini vəzifəsinə irəli çəkilib. Bu vəzifədə də Osman müəl-
lim yüksək bilik, təcrübə və təşkilatçılıq nümayiş etdirə bilib.
Əvvəlcə sinfin, daha sonra məktəbin idarə olunmasında
zəngin bilik və təcrübə toplamış Osman Paşayevin xidmətləri
nəzərə alınaraq onu 1967-ci ildə Gəndov kənd orta məktə-
binə direktoru vəzifəsinə irəli çəkiblər. Həmin ildə də Azər-
baycan müəllimlərinin V qurultayında nümayəndə kimi
təmsil olunub.
~ 406 ~
O.Paşayev məktəb rəhbəri vəzifəsində 5 il işləyib.1972-ci
ildən müəllimlik fəaliyyətinə qayıtmağı qərara alıb və 1972-
1982-ci illərdə məktəbin ən yaxşı tarix müəllimi kimi fəaliyyət
göstərib.
1982-ci ildə Osman müəllimin sovetlik ərazisində hör-
məti, nüfuzu nəzərə alınaraq Gəndov kənd sovetinin
deputatı və sədri seçilib. Bu vəzifədə işlədiyi altı il ərzində
sovetliyin kəndlərinə mavi qaz yanacağı çəkilməsini təmin
edib. Kəndlərin su, işıq, yol və s. ehtiyaçlarının təmin
edilməsində xüsusi fəallıq göstərib.
1988-ci ildə Azərbaycan KP Dəvəçi rayon Komitəsi O.
Paşayevin siyasi savadını və yüksək təşkilatçılıq qabiliyyə-
tini nəzərə alınaraq onu rayon kino birliyinə müdir
vəzifəsinə irəli çəkib. O, iki ilə yaxın bu məsul vəzifədə
çalışıb. 1989-cu ildən yenə də Osman müəllim məktəbə-
sevimli müəllim peşəsinə qayıdıb. Düz doqquz il bu sahədə
pedaqoji fəaliyyətini davam etdirib.
Rayonumuzda hüquq işçilərinin və tarix müəllimlərinin
yetişdirilməsində Osman müəllimin böyük əməyi olub.
Rəhimli kəndindən Məmməd Kərimov ADU-nun hüquq
fakultəsini bitirərək rayon məhkəmələrində hakim vəzifə-
sinədək yüksələ bilib. Gəndovdan Vahid Cəbrayılov, Hafiz
və Cavanşir Quliyevlər, Qələgahdan Vasif Məcidov,
Aygünlü kəndindən Cavid Əliyev və Məcid Həmidov,
Pirəmsəndən Əlimuxtar Əzimov və başqaları ADU-nun
tarix fakültəsini bitirərək özlərinə müəllim peşəsini
seçmişlər. Lakin onlar pedaqoji sahədə çalışmaqla yanaşı
Azərbaycan KP Dəvəçi rayon Komitəsində, rayon İcra
Hakimiyyətində, rayon Təhsil Şöbəsində, kənd inzibatı
ərazi dairələrində, məktəblərdə və s. təşkilatlarda rəhbər
vəzifələrdə işləmişlər.
O.Paşayevin 50 ildən artıq əmək fəaliyyətinə hökümə-
timiz tərəfindən yüksək qiymət verilib. O, 1985-ci ildə “Əmək
~ 407 ~
igidliyinə görə “, 1986-cı ildə isə “Əmək veteranı “medalı
ilə təltif edilib.
Osman müəllimin arxivində işlədiyi dövrdə onun əmə-
yini dəyərləndirən onlarla fəxri fərman var. Bu fəxri fərmanlar
təkcə rayonun rəhbər təşkilatlarından verilməyib. Bu təltif-
lərin səsi-sorağı keçmiş SSRİ Statistika Komitəsindən,
Azərbaycan Bilik Cəmiyyətindən, Azərbaycan LKGİ MK-
dan, Azərittifaqdan, Respublika Kinomatoqrafiya Komitə-
sindən və s.-dən gəlir.
Osman Paşayev həm də bütün müsbət keyfiyyətləri
özündə cəmləşdirən gözəl və mehriban ailə başçısıdır. Həyat
yoldaşı Fəzilə Ağarzayeva ali təhsilli ingilis dili müəllimi
olub. Uzun illər Gəndov kənd orta məktəbinin müəllim
kollektivi ilə çiyin-çiyinə çalışıb.
O.Paşayevin beş övladı var.
Qızı Mətanət Bakı Sovet Ticarəti Texnikumunu bitirib.
Ailəlidir, bir övladı var.
Oğlu Oktay M.F.Axundov adına İnstitutu və Sumqayıt
Musiqi Texnikumunu bitirib. Hazırda Şabran Musiqi məktə-
bində müəllim işləyir. Ailəlidir.
Qızı Aygün Azərbaycan Sənaye İnstitutunu bitirib.
Evlidir, iki övladı var.
Oğlu Elçin Bakı Sovet Ticarəti texnikumunu bitirib. Hal-
hazırda Bakıda “İnşaat ” şirkətində mexannik işləyir. Ailəlidir,
üç övladı var.
Oğlu Yaşar Bakı şəhərində “Paşa “şirkətində elektrik
vəzifəsində çalışır. Ailəlidir, üç övladı var.
O. Paşayev təkcə övladları ilə deyil, nəvələri ilə də fəxr
edir. Nəvələrindən Sərxan və Aygül müəllimdir. İlkin isə ali
təhsilli elektrik mühəndisdir.
