~ 397 ~
Yetmiş-səksəninci illər Aliyə müəllimənin həyatında və
əmək fəaliyyətində silinməz izlər buraxıb. Söhbətimiz zamanı
o, bu illəri ömrünün ən məhsuldar dövrü - yəni, qızıl illəri ad-
landırdı. Doğrudan da geriyə qayıdıb keşmiş illərin nəticəsini
təhlil etdikdə görürük ki, beş uşaq böyüdüb, boya-başa
çatdırmış, onlara yaxşı təhsil və tərbiyə vermiş ziyalı ananın
bu qədər zəhmətə qatlaşmasını, ictimai və məsul vəzifələrlə
yüklənməsini ancaq möcüzə saymaq olar.
Birlikdə diqqət yetirək: 70-80-ci illərdə məktəbdə rus-dili
fənnini tədris etməklə yanaşı o, neçə-neçə ictimai vəzifəni
yerinə yetirib. Rayon XMŞ-nin rus - dli üzrə ştatdankənar
metodisti (Həmin illərdə ştatdankənar metodist hər ay rayonun
bir neçə məktəbində rus-dili fənninin tədrisi vəziyyətini
yoxlayıb RXMŞ-nın şura iclasına müzakirəyə çıxarırdı),
Dəvəçi şəhər 2 saylı orta məktəbin rus -dili üzrə fənn me-
todbirləşməsinin sədri, məktəb ilk partiya təşkilatının
katibi, Azərbaycan KP Dəvəçi rayon Komitəsinin üzvü,
rayon sovetinin deputatı və s.
1981-ci ildə Aliyə müəllimə Azərbaycan KP XXX
qurultayına nümayəndə seçilib və yüksək fəallıqla həmin
ali məclisdə iştirak edib.
1981-ci ildə Attestasiya Komissiyasının qərarına və
Azərbaycan Respublikası Maarif Nazirliyinin əmrinə
əsasən ona “baş müəllim “adı verilib.
İctimai işlərdə, eləcə də pedaqoji və siyasi mühazirələrdə
fərqləndiyinə görə 05 mart 1988-ci ildə AMN-nin Mərkəzi
Müəllimləri Təkmilləşdirilməsi
İnstitutunda keçirilən
konfransda ona “mühazirəçi “vəsiqəsi təqdim edilib.
Uzun illər pedaqoji sahədə səmərəli əmək fəaliyyətinə
görə Aliyə Nəzirova 20 avqust 1986- cı ildə “Şərəf nişanı
“ordeni ilə təltib edilib. Bu ali təltif qabaqcıl müəllimi yeni
əmək qələbələrinə səsləyib, əvvəlkindən daha yaxşı işləməyə
həvəsləndirib.
~ 398 ~
Aliyə müəllimə qurultay nümayəndələri arasında
A.Nəzirovanın başqa təltifləri də vardır. Bu təltiflər onun
təhsil sistemində və ictimai sahədə yerinə yetirdiyi
nümunəvi
işlərə görə verilib. Çoxlu sayda olan təltiflər arasında
Azərbaycan Respublikası Təhsil Nazirliyindən, Şabran
(keçmiş Dəvəçi) rayon Təhsil Şöbəsindən və TİAHİ-nın
RK-dan olan Fəxri Fərmanlar ona daha doğmadır.
2009-cu ildə işlədiyi məktəbdə qabaqcıl müəllim və
ictimaiyyətçi Aliyə müəllimənin 70 illiyi xüsusi qeyd edildi.
O, Fəxri Fərmanla və qiymətli hədiyyələrlə mükafatlandırıldı.
2016-cı ildə A.Nəzirovanın rayon rəhbərliyi tərəfindən 8
mart beynəlxalq qadınlar bayramı münasibətilə təltifi onu
~ 399 ~
xüsusilə sevindirdi. Şabran rayonun ictimai-siyasi və mə-
dəni həyatında fərqləndiyinə görə Şabran rayon İcra
Hakimiyyəti Başçısının 07 mart 2016-cı il tarixli 32 saylı
sərəncamı ilə o, Fəxri Fərmanla təltif edildi.
Aliyyə müəllimə öz ardıcıllarını yetişdirməyi də unut-
mayıb. Onun Faina Kərimova, Sevil Dəmirova, Güllü Əliyeva
və başqaları kimi neçə-neçə rus-dili müəlliminin yetişməsində
xüsusi əməyi vardır.
Aliyə Nəzirovanın çox gözəl ailəsi var.
Aliyə müəllimə mərhum həyat yoldaşı Vaqif müəllimlə birlikdə
O, həyat yoldaşını ali təhsil aldığı illərdə valideynlərinin
köməyi olmadan özü sevib- seçib. Bu düzgün seçim ona bütün
həyatı və əmək fəaliyyəti dövrü yüksək ruh, güc-qüvvət, şən
ovqat bəxş edib. 1961-ci ildə institutun III kursunda oxuyarkən
V. İ Lenin adına APİ-nin fizika-riyaziyyat fakültəsinin tələbəsi
Vaqif Nəzirovla ailə həyatı qurub. Vaqif 1939-cu ildə igid
~ 400 ~
partizan Məmmədağa Nəzirovun ailəsində dünyaya gəlib. Ali
məktəbi bitirən gənc Vaqif əvvəlcə rayonun Kilvar kənd 8-illik
məktəbində və rayon fəhlə-gənclər orta məktəbində müəllim,
sonralar rayon XMŞ-nin Filmotekasında müdir işləyib.
Ömrünün sonrakı dövründə 44 saylı dəmir yol məktəbində və
Dəvəçi şəhər 3 saylı ümumi orta məktəbində müəllim kimi
çalışıb. 2009-cu ildə 70 yaşında dünyasını dəyişib.
Aliyə müəllimənin 5 övladı var.
Qızı Sədaqət M.F.Axundov adına APİ-ni bitirib.
Anasının peşə yolunu seçib. Hal-hazırda Riqa şəhərində
yaşayır. Ailəlidir üç ovladı var. Övladlarından iki nəfəri ali
təhsilli həkim, biri isə VII sinif şagirdidir.
Oğlu Fuad Moskvada Yeyinti Sənaye İnstitutunu bitirib.
“Altun - Saray “ restoranında inzibatçı vəzifəsində işləyir. Bir
qız, bir oğlan övadı var. Qızı ali təhsillidir.
Qızı Məlahət anasının peşə yolunu seçərək M.F.Axundov
adına APİ-ni bitirib. Dəvəçi 3 saylı ümumi orta məktəbində
müəllim işləyir. İki övladı var.
Qızı Həqiqət Respublka Pioner Baş Dəstə Rəhbərləri
hazırlayan məktəbi bitirib. Hazırda Şabran şəhər T. Abbasov
adına 1 saylı tam orta məktəbində UBR işləyir. Ailəlidir, 3
övladı var. İki qızı ali təhsillidir. Oğlu orta məktəbin IX
sinfində oxuyur.
Ailənin son beşiyi Məmmədağa babasının adını daşıyır.
Orta təhsillidir. Ticarət sistemində işləyir. 1994-1998-ci illərdə
4 il milli orduda xidmət edib. Ailəlidir, bir övladı var.
Söhbətimizin sonunda Aliyə müəllimə sözünü belə
yekunlaşdırdı: “İnsan yaşa dolanda tez-tez dönüb geriyə baxır.
Bu gün mən də həyat kitabımı vərəqləyərək özümü çox
xoşbəxt hiss etdim. Mənalı həyat keçirdiyimə görə özümdən
razı qaldım. Çünki gənclik illərimdən indiyədək həyatımda
xoşagəlməyən məqamlarım olmayıb.