Microsoft Word Zamanin axari 2
Yüklə 1,64 Mb. Pdf görüntüsü
|
198
bütün bunlar adlarını çəkdiyimiz redaksiyaların son illərdə gördüyü böyük işin yalnız bir hissəsidir. Daim yaradıcılıq axtarışlarında olan bu redaksiyalar indi imkanlarını səfərbər edərək yeni layihələr üzərində işləyir. «Pillələr» elmi-kulturoloji proqram, «Şəbi-hicran» adlı klassik poeziya məclisi, «Dünya», «Ədəbi abidələr», «Nar çiçəyi» və s. yeni telelayihələr yaxın vaxtlarda ekran ömrünü yaşamağa başlayacaq. Bu yeni verilişdə Azərbaycan və dünya ədəbi prosesi izlənəcək, dünya mədəniyyətinin bədii-estetik inkişaf meylləri, günümüzün əsas aktual problemləri, uğur və çətinlikləri telepublisistikanın əsas hədəfi olacaq. «Xalq yaradıcılığı» redaksiyası isə dünya mədəniyyəti incilərini, folklor, məişət, həyat tərzi nümunələrini Azərbaycan tamaşaçısına çatdıran bir saatlıq yeni veriliş təqdim edəcək. Elmi-kütləvi, ədəbi, əyləncəli, xalq sınaqları ilə müasir texnologiyaların vəhdətində informasiya, bilgi verən, milli-vətənpərvərlik duyğuları üstə köklənən, şərti adı «Günlərin bir günü» olan proqram modern və milli ruhlu yeni teleproyekt olacaq. Hər bir layihə həyatın tələbindən doğur. Qloballaşan dünyamızda bəzən insan unudulur, onun özünə yük olan qayğıları ətrafdakıları narahat etmir. Belə köməksiz və tənha insanlara cəmiyyətin diqqətini ünvanlamaq, onları tənhalıqdan və qayğılardan xilas etmək məqsədilə «Sorağına gəlmişik» adlı proqram hazırlamaq nəzərdə tutulur. İstər milli, istər dini görüşlərdə köməksizə əl tutmaq, onun harayına yetişmək savab sayılır. Jurnalist təhqiqatı əsasında hazırlanan bu proqram yüzlərlə köməksizin qəlbində ümid işığı yandıracaq. – Nizami müəllim, dediklərinizdən bu qənaətə gəlmək olar ki, hər halda ən yaxın günlərdə tamaşaçılar AzTV ekranında çox böyük dəyişikliklərin şahidi olacaqlar. 199
– 2006-cı il Azərbaycan televiziya və radiosu əməkdaşlarının həm təntənələr, həm də yeni yaradıcılıq ili olacaq. Radiomuzun 80, televiziyamızın 50 illik təcrübəsi XXI əsrin əvvəllərində yeni sənət marafonuna start verəcək. Əlbəttə, haqqında danışdığımız layihələrin gerçəkləşdirilməsi üçün qızğın işlər gedir. Yeni ideyalar çəkiliş pavilyonları və montaj otaqlarında reallaşdırılır. Redaktor və rejissorlarımız, texniki əməkdaşlarımız gərgin əmək sərf edirlər. Əslində, ekrandakı dəyişiklikləri dövr, zaman özü həyati zərurətə çevirir. Biz də zamanın nəbzini tutmağa, müstəqil Azərbaycanın dinamik həyatını işıqlandırmağa, müstəqilliyimizin obyektiv salnaməsini yazmağa çalışırıq. Bununla da həm tamaşaçı marağına cavab verir, həm də dövlətçiliyimizin möhkəmlənməsinə xidmət etmiş oluruq. – Müsahibəyə görə sağ olun!
Müsahibəni apardı: Nərgiz Qurbanova «Respublika» qəzeti, 11 fevral 2006-cı il
200
YENİ ƏSRİN TELEVİZİYASI
Bu il Azərbaycan radiosunun 80, televiziyasının 50 yaşı tamam olur. Zəngin yaradıcılıq yolu keçmiş bu mənəviyyat ocağında Azərbaycanın bir çox görkəmli mədəniyyət, incəsənət xadimləri ilk əmək fəaliyyətinə başlamışlar. Milli radiomuz və televiziyamız tarixi ənənələrini müasirlik işığında bu gün də davam etdirərək ən modern teleradio yayım mərkəzi kimi dinləyicilərin, tamaşaçıların xidmətində dayanmışdır. Ötən ilin mart ayından Azərbaycan Teleradiosu Qapalı Səhmdar Cəmiyyət adı ilə fəaliyyətini davam etdirir. Cəmiyyətin sədri, əməkdar elm xadimi, professor Nizami Xudiyev teleradionun müasir problemləri və vəzifələri ilə bağlı suallarımızı cavablandırır. – Nizami müəllim, ad dəyişmələri televiziyanın və radionun fəaliyyətinə necə təsir edəcək? – Azərbaycan radio və televiziyasının inkişaf tarixini izləyəndə ardıcıl olaraq belə ad dəyişmələrinin şahidi oluruq. Bu dinamikada bir cəhəti mübahisəsiz demək mümkündür: hər şey teleradionun siyasi, mənəvi müstəqilliyinə xidmət edir. Lakin dövr çox şeylərə yenidən baxmağı, təhlil etməyi, nəticələr çıxarmağı tələb edir. Bu gün Azərbaycanda geniş efir şəbəkəsi, inkişafda olan teleradioların efir yarışı mövcuddur. Ana teleradio kimi yenilik və müasirliyin ilkin ünvanı da Azərbaycan televiziya və radiosu olmalıdır. Dünyaya qapılar açıldığı bir şəraitdə köhnə, sxolastik üsullarla işləmək heç kəsə səmərə verməz. İnkişafı ən modern yayım teleşirkətlərinin təcrübəsinə uyğunlaşmaqla təmin etmək olar.
201
Dünya, Avropa təcrübəsi və milli ənənələr gələcək fəaliyyətimizin əsasında dayanacaq. Ad dəyişməsi isə kollektivimizin yaradıcılıq sərbəstliyini bir az da artırır, struktur baxımından yeniliklər efirdə işin dinamikasına nail olmaq imkanı verir. – Sözün açığı, çoxları struktur dəyişikliyini kütləvi işçi ixtisarı kimi gözləyirdi. Yaxşı ki, belə olmadı. – AzTV böyük təcrübə məktəbidir. Burada çalışanların hər biri zəngin yaradıcılıq yolu keçmiş, dövlətə, dövlətçiliyimizə dəyərli xidmətlər göstərmiş adamlardır. Radio və televiziyanın salnaməsi hesab olunan belə insanların təcrübəsindən öyrənmək daha düzgün yoldur. Deyə bilərsiz ki, xüsusən televiziya cavanlıq sevən sənətdir. Amma problemləri həmişə cavanlarla həll etmək bəzən istənilən nəticəni vermir. Orta nəslin əmək intizamı, işə ciddi münasibəti, dövlətçilik mövqeyi, yaxşı mənada fanatizmi bugünkü bəzi gənclərdə daha yüksək əmək haqqına aludəçilik, əsas iş yerinə biganəliklə əvəz olunub. AzTV-də təcrübə ilə gücü, enerjini birləşdirmək əvvəldən ənənə olub. İşin ritmi, zamanın tələbi ilə ayaqlaşa bilməyənlərə qarşı isə bizdə güzəşt yoxdur. Təbii seçim, yeniləşmə həmişə qüvvədədir. Bu günlərdə bizdə də müəyyən struktur dəyişikliyi oldu. Oxşar xarakterli redaksiyaların birləşdirilməsi hesabına daha dinamik qurumlar yaradıldı. Xüsusən, informasiya, musiqi sahəsindəki pərakəndəliyi aradan qaldırmaq üçün ciddi addımlar atıldı. Gənclik, idman və uşaq redaksiyalarının birləşməsində də istehsalat məntiqi gözlənilmişdir. Əsas məqsəd fiqurların yerini dəyişmək deyil, daha rasional seçim etmək, işin ahəngdarlığını, sürətini artırmaqdır. «Xəbərlər» və «İctimai-siyasi proqramlar» redaksiyalarının bu vaxta qədər əlaqəsiz fəaliyyəti çətinliklər yaradırdı. Bu sahədəki dəyişikliklər yəqin ki, xəbərin operativliyinə, bolluğuna, Yüklə 1,64 Mb. Dostları ilə paylaş:
|