Microsoft Word Zamanin axari 2
Yüklə 1,64 Mb. Pdf görüntüsü
|
195
musiqili-əyləncəli proqramlar, musiqinin bütün janrlarını əhatə edən verilişlər üzərində çalışır. Bu işə respublikanın tanınmış musiqi və sənət xadimləri cəlb olunmuşdur. Redaksiya xüsusilə muğam sənəti və xalq musiqisinin gələcək nəsillərə ötürülməsi, yeni istedadlı xanəndə və ifaçıların məhz sənət biliciləri tərəfindən üzə çıxarılması üçün təşkilat işlərini də unutmayacaq. Bu məqsədlə «Sarı sim», «Metronom» və s. bu kimi verilişlər ekrana çıxacaq. Məşhur musiqi xadimlərimizin ev muzeylərindən verilişlər silsiləsində onların yaradıcılığı daha geniş təqdim olunacaq və bu proqramlar dəyərli video-materiallarla rövnəqləndiriləcək. Hər bazar günü efirə çıxacaq «Sübh çağı» musiqili şou proqramı bir növ həm dünyanın, həm də ölkəmizin musiqi həyatından bəhs edən maraqlı informasiyalar üzərində qurulacaq. Respublikamızın nüfuzlu musiqi ocaqları – Milli Konservatoriya, Musiqi Akademiyası, Mahnı və Muğam teatrları, Opera və Balet Teatrı, Dövlət Filarmoniyası ilə müştərək tədbirlərin – yaradıcılıq gecələrinin, telebenefislərin keçirilməsini də planlaşdırırıq. – Bu il Azərbaycan radiosunun 80, televiziyasının 50 yaşı tamam olur. Siz bu mühüm mədəniyyət hadisəsi ilə bağlı hansı tədbirləri nəzərdə tutursunuz? – Bəli, biz Azərbaycan hökumətinin köməyilə bu əlamətdar yubileyləri qeyd edəcəyik. Bu münasibətlə kitab və bukletlər nəşr etməyi, kütləvi musiqi tədbirləri keçirməyi nəzərdə tuturuq. Yubiley ərəfəsində mədəniyyət tariximizə səyahət etmək, radio və televiziyanın inkişafında xidmətlər göstərmiş yaradıcı adamlar haqqında verilişlər hazırlamaq, ən yaxşı sənət nümunələrini yada salmaq fikrindəyik. Bilirsiniz ki, radio və televiziyamızın fondu görkəmli bəstəkar və müğənnilərin yaradıcılığı ilə zəngin bir xəzinədir. Təəssüf ki, bu gün həmin bəstələrə və ifa manerasına az müraciət olunur. 196
Müasir mahnı sənətinin düzgün yolla istiqamətləndirilməsi və tamaşaçıların bu zəngin irslə tərbiyə olunması zərurətini nəzərə alaraq, yubiley ərəfəsində mahnı festivalı keçirməyi planlaşdırırıq. Müasir ifaçıların, xüsusilə teleradiomuzun solistlərinin ifasında səslənəcək ən yaxşı mahnılar bir daha bu sənətin gözəl ənənələr üzərində inkişafına təkan verəcək. İşə indidən başlamışıq. Ü.Hacıbəyov, S.Rüstəmov, T.Quliyev, H.Xanməmmədov, R.Hacıyev, C.Cahangirov, E.Sabitoğlu və başqa tanınmış bəstəkarların mahnıları, onların ilk ifaçılarının lent yazıları seçilir. Və onların yeni ifalarda təqdimatı üçün təşkilati işlər görülür. Festivalın ən gözəl konsert salonlarında layiqincə keçirilməsi üçün tanınmış sənət ustaları dəvət olunacaq. Bir sözlə, məqsəd müasir tamaşaçı zövqünü ən yaxşı nümunələrlə tərbiyə etmək, bununla da zövqsüz ifa axınının qarşısını almaqdır. – Azərbaycan televiziyasında ən məhsuldar strukturlardan biri də «Kino və dublyaj» redaksiyasıdır. Bu yaradıcılıq qurumunun qarşısında hansı vəzifələr dayanır? – Tarixən bu qurumun əsas vəzifəsi incəsənətin çox geniş yayılmış sahəsi olan kinonu, o cümlədən milli kinomuzu, kino sənətkarlarımızı təbliğ etmək, tamaşaçıların kino haqqında məlumatlarını daha da zənginləşdirməkdir. Hazırda bu vəzifənin gerçəkləşdirilməsi üçün maraqlı forma axtarışları aparılır, yeni veriliş layihələri nəzərdən keçirilir. Bu sahədə yeni layihələrdən biri «Kino-şou» adlanır. Bu veriliş iki komanda arasında yarış şəklində təşkil ediləcək və bu komandalar kino sahəsində biliklərini nümayiş etdirəcəklər. Suallar kino sənətinin bütün sahələrini əhatə edəcək. Qalib komandanın üzvlərinə qiymətli hədiyyələr veriləcək. «Musiqi və kino» adlanacaq verilişdə isə peşəkar musiqişünaslar iştirak edəcəklər. Proqramda Azərbaycan, 197
habelə Türkiyə, ABŞ, İtaliya, Fransa, Hindistan və digər ölkələrin kino musiqisi barədə danışılacaq. Bədii filmlərdə musiqinin rolundan, kino musiqisi janrının özünəməxsus xüsusiyyətlərindən və mövzu ilə əlaqədar bir sıra məsələlərdən ətraflı söhbət açılacaq. «Qrim-şou» da maraqlı verilişlər sırasında diqqəti cəlb edəcək. Təbii ki, biz milli kinomuzun təbliğinə daha geniş yer ayıracağıq. Elə bu məqsədlə də «Azərbaycan kinosu: rəylər, mülahizələr» adlı yeni veriliş açmağı düşünürük. Məqsəd tarixi 100 ili adlamış milli kinomuzda gedən proseslərə, mövcud problemlərə, bu problemlərin aradan qaldırılması üçün görülən tədbirlərə diqqət yetirməkdən ibarətdir. Verilişə kino xadimlərinin və əsasən Azərbaycan Mədəniyyət və İncəsənət Universitetinin tələbələrinin dəvət olunması nəzərdə tutulur. Tamaşaçılarda maraq doğuracaq bu veriliş dialoq şəklində qurulacaq, kino xadimləri tamaşaçıları və tələbələri maraqlandıran suallara cavab verəcək, mövzu ilə bağlı Azərbaycan filmlərindən fraqmentlər göstəriləcək. – Bu gün Azərbaycan televiziyasının proqramlarında əsas yer tutan ədəbi-bədii verilişlər sahəsində tamaşaçıları hansı yeniliklər gözləyir? – Tamaşaçıların estetik zövqünü formalaşdıran bu verilişlər «Ədəbiyyat və publisistika», «Xalq yaradıcılığı» redaksiyalarının süzgəcindən keçir. Ekranda sevilə-sevilə baxılan «Molla Nəsrəddin», «Azərbaycan dili», «Vətəndaş», «Şam işığında», «Cazibə qüvvəsi», «Yol», «Yurd yaddaşı», «Dəmirqapı Dərbənd», «Karvan», «Qaravəlli», «Sazın, sözün sehrində» kimi verilişlər, həmçinin bir-birindən maraqlı Novruz və Yeni il proqramları, ümummilli liderimiz Heydər Əliyevin şərəfli həyat yoluna, fədakar fəaliyyətinə həsr olunan silsilə filmlər, Milli park, Azadlıq meydanı və digər guşələrdən əlamətdar günlərə həsr olunan canlı yayımlar – Yüklə 1,64 Mb. Dostları ilə paylaş:
|