Microsoft Word Zamanin axari 2
Yüklə 1,64 Mb. Pdf görüntüsü
|
192
yerinə yetirəcək. İstirahət günü səhər saatlarında efirə çıxması nəzərdə tutulan «Əsgərlə birgə» proqramında tamaşaçı Azərbaycan əsgərinin – artıq döyüş hazırlığı barədə qürurla danışa bildiyimiz əsgərin mənəvi dünyası, arzuları, düşüncələri, həyata baxışı ilə də yaxından tanış olacaq. Səhərini Azərbaycan əsgəri ilə birgə açmaq, gününü Azərbaycan əsgəri ilə birgə başlamaq istəyən tamaşaçı üçün «Əsgərlə birgə» proqramı böyük maraq kəsb edəcək. Bu mövzuda yeni proqramlardan biri də gözü yolda, qulağı səsdə olan analarımızın, qız-gəlinlərimizin Azərbaycan əsgərinə ünvanladığı ürək sözlərindən, arzularından ibarət «Gözü yolda qalan var» proqramı olacaq. «Əsgər sözü» proqramında isə ön xətdə düşmənlə üz-üzə dayanan, həmçinin təlim meydanlarında hərbin sirlərinə yiyələnən əsgərimizin yazılı və şifahi məktubları tamaşaçılara çatdırılacaq. – Müasir dünya televiziyası qarşısında tamaşaçını maarifləndirmək kimi ciddi vəzifələr qoyulur. Şübhəsiz, AzTV də bu prosesdən kənarda deyil. – Bilirsiniz, heç kəsə sirr deyil ki, təhsilin, elmin, maarifçiliyin inkişafı xalqın ümumi səviyyəsinin, elmi dünyagörüşünün artmasına xidmət edir. Hər bir ölkə həm də elmin tərəqqisi, onun iqtisadiyyata, həyata tətbiqi ilə inkişaf edir. Bu baxımdan bizim TV-də hazırlanan verilişlər müasir inkişafa, elmi-texniki tərəqqiyə cavab verməlidir. Məhz bunları nəzərə alaraq biz bu istiqamətdə yeni proqramların hazırlanmasını nəzərdə tuturuq. Məsələn, «Azərbaycan, Azərbaycan!» adlanacaq layihədə səyahət formasında Azərbaycanın füsunkar təbiəti, tarixi yerləri, ta qədimdən bu günə kimi yaşayan adət-ənənələr və s. öz əksini tapacaq. «Gəlin düşünək» elmi-kütləvi proqramı viktorina formasında hazırlanaraq tamaşaçıda elmi təfəkkürün inkişaf etməsinə xidmət edəcək. «İdrak» verilişi tərbiyəvi əhəmiyyət 193
daşımaqla, kamilliyə gedən yollar, onun fəlsəfi, pedaqoji, psixoloji cəhətlərini işıqlandıracaq. İnsan hüquqları, onun qorunması dünyanın aktual problemlərindəndir. Bu mənada «Sənin hüquqların» adlı proqramda hüquqi biliklərin təbliği, onun öyrədilməsi prinsiplərini əsas götürəcəyik. Ayrı-ayrı ölkələrdə baş verən elmi-texniki tərəqqini öyrənib mənimsəmək məqsədilə «Dünya» proqramı hazırlanacaq. Burada həmçinin dünya coğrafiyası, təbiəti, tarixi də öz əksini tapacaq. Hər bir dövlətin, xalqın inkişafı onun təhsilindən asılıdır. Məhz buna görə tədris və təhsilin inkişafı, onun problemləri barədə yeni verilişlərin hazırlanmasına üstünlük veriləcək. – Apardığınız struktur dəyişiklikləri nəticəsində «Uşaq verilişləri» və əvvəllər ikinci kanalda efirə çıxan «Xəzər» redaksiyası «Gənclik və idman» baş redaksiyası ilə birləşdirilib. Bəs bu yeni struktur tamaşaçılara hansı yeniliklər vəd edir? – Təbii ki, bu struktur dəyişikliyinə uyğun olaraq yeni layihələr hazırlanıb. Yaxın günlərdə efirə çıxacaq «Hər vaxtınız xeyir» verilişində ölkənin ictimai-siyasi, mədəni həyatında, eləcə də uşaq, gənclər və idman aləmində baş verən son yeniliklər kollektivin tam gücü ilə hazırlanmış maraqlı, rəngarəng süjetlərdə tamaşaçılara təqdim olunacaq. Bu süjetlər tamaşaçı üçün maraq doğuracaq «Üz-üzə», «Xəbəriniz olsun», «Özünü qoru» və s. rubrikaları altında efirə çıxacaq. Bundan əlavə, yaxın vaxtlarda həftə ərzində 2 dəfə canlı olaraq «Gecə kanalı» proqramının efirə çıxması nəzərdə tutulur. Hər verilişdə konkret mövzu ətrafında diskussiyalar aparılacaq, studiyaya dəvət olunmuş qonaqlarla fikir mübadiləsi olacaq və tamaşaçıların telefon zəngləri cavablandırılacaq. 194
Hər zaman yeni yaradıcılıq həvəsi ilə çalışan kollektivimiz uşaq verilişlərinin səviyyəsini yaxşılaşdırmaq üçün də axtarışlar aparır. Yaxın zamanlarda tamaşaçılarımız ekranda həm forma, həm də məzmunca yeni uşaq proqramları görəcəklər. Azərbaycanın Avropaya inteqrasiyası baxımından yeni tələblər, tamaşaçı zövqü, istəyi, başlıcası isə Azərbaycan uşaqlarını yeniliklərə hazırlamaq, sivil cəmiyyət quruculuğunda fəal iştiraklarını təmin etmək bu proqramların əsas qayəsi olacaq. Hazırda efirə gedən populyar uşaq verilişləri ilə yanaşı bir sıra yeni layihələr də təqdim olunub. Bu sırada mən intellektual veriliş kimi düşünülən «Bizim ekran» proqramını və Azərbaycana Birgə Yardım Fondunun hazırladığı «Valideynlər üçün televiziya proqramları» layihəsini xüsusi qeyd etmək istərdim. Bu layihə Böyük Britaniyanın Azərbaycandakı səfirliyinin və «Dünyaya baxış» təşkilatının maliyyə dəstəyi hesabına gerçəkləşdiriləcək. Layihəyə əsasən, 11 proqramdan ibarət verilişin hazırlanması nəzərdə tutulub. Verilişdə ana və uşaqların sağlamlığı, uşaq inkişafının mərhələləri və s. mövzusunda məlumatlar əks olunacaq. – Tamaşaçıların televiziyadan narazılığı çox vaxt musiqi verilişləri, zövqsüz və bayağı müğənnilərin efirə çıxması ilə bağlı olur. Deyəsən, bu sahədə də əsaslı yenidənqurma işlərinə başlamısınız? – Azərbaycan radiosunda musiqi verilişlərinin ənənəsi dahi Üzeyir Hacıbəyov tərəfindən yaradılmışdır. Biz də bu sahəyə diqqəti artırmışıq. Müəyyən nəticəyə nail olmaq üçün ilk növbədə struktur dəyişikliyi aparmışıq. Yəni, musiqi və incəsənət redaksiyalarını birləşdirmiş və yeni qurum – «İncəsənət və əyləncəli proqramlar» redaksiyası yaratmışıq. Böyük ümidlər bəslədiyimiz bu struktura təcrübəli və istedadlı jurnalist Mailə Muradxanlı rəhbərlik edir. İndi redaksiya yeni Yüklə 1,64 Mb. Dostları ilə paylaş:
|