179
daşımağa başladı. Məhz bu dövrdən AzTV xalqın, dövlətin
taleyi ilə bağlı ən böhranlı anlarda milli maraqlar mənafeyində
dayanaraq xalqı antixalqdan, dövləti xainlərdən qorumaqda
kəsərli silaha çevrildi. Ümummilli liderimiz Heydər Əliyevin
Azərbaycan televiziyasına münasibətlə söylədiyi: «Televiziya
bütün informasiya vasitələrindən ən kütləvisidir. İndi heç kəs
öz həyatını televiziyasız təsəvvür edə bilməz… Azərbaycan
milli televiziyası xalqımızın milli sərvətidir» fikri burada
çalışanların əməyinə verilən ən parlaq qiymətdir.
Yarandığı vaxtdan müxtəlif adlarla daim yeniləşən və
inkişaf edən televiziya məhz 1991-ci ildən 2005-ci ilə qədər
öz fəaliyyətini Azərbaycan Dövlət Teleradio Verilişləri Şirkəti
kimi davam etdirmişdir. Ad dəyişmələri həmişə radio və
televiziyanın inkişafına, müstəqilliyinə xidmət etmişdir. Ötən
ilin martından Qapalı Səhmdar Cəmiyyət kimi fəaliyyətinin
yeni mərhələsinə qədəm qoyan Azərbaycan televiziya və
radiosu yəqin ki, həm də yeni dövrün efir favoritinə
çevriləcək. Bunu deməyə ilk növbədə teleradionun mənəvi
sərvəti olan güclü kadr potensialı əsas verir. Yeni teleradio
kanallarına axın bu potensialın heç on faizini belə təşkil etmir.
İkincisi, AzTV həm də ən müasir texnika və bu avadanlıqdan
məqsədyönlü istifadəyə marağı olan səriştəli mütəxəssislərin
bolluğu ilə seçilir. AzTV-nin geniş yayım, hüdudsuz efir
məkanı, rahat iş şəraiti, başlıcası isə yeni yaradıcılıq həvəsli
gənc, istedadlı kadrları vardır. Dünyanın bir çox ölkələrinə
yayımlanan proqramların yaradıcı heyəti bu gün mənəvi
qazancları ilə fəxr edə bilərlər. Ən nəhayət, yeni yaradıcılıq
sərbəstliyi təkcə məzmun deyil, formaca da ən müasir
intellektual-əyləncəli proqramların hazırlanması üçün imkan
verir.
Bu günlər struktur baxımından da yenidən formalaşan
AzTV daha çox informasiya, maarifləndirici və əyləncəli
180
proqramların yeni üslubi çalarlarla təqdimatında maraqlı
olduğunu nümayiş etdirir, Zəngin tarixi olan ana televiziya öz
ənənələrinə sadiq qaldığını göstərir. Bizim məqsədimiz
dövlətçilik, millilik və müasirlikdir. Radiomuzun 80,
televiziyamızın 50 illik fəaliyyətində dövlətçilik maraqları
burada hər şeydən üstün tutulmuş, xüsusən, son 14 ildə milli
dövlətçilik modelinin formalaşmasında Azərbaycan
televiziyasının da xüsusi rolu olmuşdur. Ötən əsrin 60-70-ci
illərindən teleradiomuzda başlayan milli-mənəvi oyanış
ölkəmiz siyasi müstəqillik qazanandan sonra yeni mərhələyə
daxil olmuşdur. Müasirlik isə zamanın başlıca
tələblərindəndir: məzmun həm də ən müasir təqdimat
formaları ilə ekrana yol almalıdır. Yeni yaranan telekanallarda
formaya aludəlikdən fərqli olaraq AzTV həmişə məzmun-
forma vəhdətinə üstünlük verib. Artıq yeni verilişlərin start
xəttinə düzüldüyü bir vaxtda belə hesabat xarakterli çıxışlar
etməyə dəyər. Çünki çoxmilyonlu dinləyici və
tamaşaçılarımız ən müxtəlif forma və janrlarda yaranan
proqramlarımızın yeni mərhələdəki taleyi ilə maraqlanır, daha
baxımlı verilişlər gözləyirlər. Ekranda hər cür bayağılığın baş
alıb getdiyi efir məkanımızda «ən əxlaqlı televiziya» kimi
qəbul edilən AzTV seçim sayıqlığını bir an belə əldən
verməyəcək. Ucuz sensasiya xatirinə milli mentalitetə yad
süjetlərin ekrana çıxmasına AzTV-də yenə qadağa qoyulacaq.
İnformasiya və əyləncəli verilişlərin şəbəkəsi ən müasir
telekommunikasiya vasitələri hesabına genişləndiriləcək və
bütün dünyaya çatdırılacaq. Ölkədaxili xəbərlərin
operativliyinə diqqət yetiriləcək, hadisələrə yanaşmada balans
gözləniləcək. Ən müasir texnikanın informasiyaya ayrılması
sistemli şəkil alacaq. İşin yüksək səviyyədə təşkili,
informatorların, reportyor-jurnalistlərin hazırlanması konkret
sahələr üzrə şərhçilərin yetişdirilməsi istiqamətində işlər
181
sürətləndiriləcək.
Biz tamaşaçı ilə dialoqa – interaktivliyə xüsusi diqqət
yetiririk. «Xəbərlər»dən sonra hər gün canlı şəkildə efirə
çıxan «Günün nəbzi» proqramında interaktivdən istifadə olu-
nur, tamaşaçı zənglərinə, rəy və təkliflərinə üstünlük verilir.
Daha bir ictimai-siyasi proqram – «Dialoq» hər həftə canlı
yayımlanmaqla tamaşaçı sualları əsasında qurulur. Əslində bu
proqramlar dövlət məmurlarının xalqa telehesabatıdır.
«Səhər» proqramında da informasiyanın xüsusi çəkisi
artırılacaq, «Şəhər zəngi» rubrikası ilə mühüm hadisələrə
görkəmli şəxsiyyətlərin münasibəti öyrəniləcək. Canlı
bağlantılarla «Səhər»i tamaşaçılara daha da doğmalaşdırmaq
nəzərdə tutulur.
Yarandığı gündən əhalinin maarifləndirilməsi, xalq
təhsili ilə ciddi məşğul olan radio və televiziya dövlət
proqramlarının həyata keçirilməsi işinə, gənc nəslin düzgün
tərbiyə olunmasına yardım edir. Biz bu missiyanı indi də
yerinə yetiririk. Azyaşlıların maraqlarının təmin olunması,
yeni təhsil metodlarının təbliği, gənclərin hərbi vətənpərvərlik
ruhunda tərbiyə olunması, onlara torpaq hissinin aşılanması
istiqamətində AzTV-də məqsədyönlü iş gedir. Bu işin
səmərəliliyini artırmaq məqsədilə aparılan islahatlar
nəticəsində gənclər, idman və uşaqlar üçün proqramlar
hazırlayan redaksiyaların fəaliyyətini yeni strukturda
birləşdirmişik. Bu addımın tezliklə səmərə verəcəyi təqdim
olunan layihələrdən də hiss olunur. Xüsusən azyaşlıların və
yeniyetmələrin düşündürücü, intellektual verilişlər
istiqamətindəki arzuları yaxın günlərdə öz həllini tapacaq.
Artıq bir neçə yeni proqramın hazırlıq işləri başlanmışdır.
«Bizim ekran» adı ilə hazırlanması nəzərdə tutulan bu
verilişdə uşaqların təhsildə və həyatda uğurları, problem və
çətinlikləri öz əksini tapacaq. Uşaqlar üçün sərbəst düşüncə,
Dostları ilə paylaş: |