176
qanad vermişdir. Xüsusən 90-cı illərin milli müstəqillik
düşüncələrinin kütləviləşməsində RTV-nin böyük rolu
olmuşdur. Təkcə 90-cı illərin «Meydan hərəkatında» AzTV
kameralarının Azadlıq meydanına gətirilməsi bütün ölkəyə əsl
həqiqətlərin (Azərbaycana qarşı erməni-daşnak təcavüzünün,
Sov.İKİ liderlərinin xəyanətkar mövqeyinin, respublika
rəhbərlərinin mərkəzə itaətkar münasibətinin) yayılması və
xalqın mübariz Vətən əsgərinə çevrilməsi ilə nəticələndi.
RTV-nin ən kütləvi mübarizə vasitəsi olduğu sonrakı
dövrlərdə də özünü göstərdi. Düzdür, bu illərdə bəzi səbatsız,
xalqa xəyanətkar rəhbərlər ondan yalan informasiya yaymaq,
cəmiyyətdə laqeydlik, arxayınçılıq yaratmaq imkanı kimi də
istifadə edirdilər. Lakin bütövlükdə taleyinə xalqın arzuları
yazılmış RTV müstəqillik illərində yeni cəmiyyət
quruculuğunda, müstəqilliyin qorunub saxlanılması, itirilən
torpaqlarımızın geri qaytarılması istiqamətində təbliğatını
quraraq ümummilli maraqların müdafiəsinə qalxdı.
Göründüyü kimi, istər postsovet rejimi zamanında,
istərsə də müstəqillik illərində RTV xalqın ən yaxın
həmsöhbəti, fikir düşüncə ortağı kimi ona simsarlıq etmiş,
ağır günlərində həyanınа çevrilmişdir. Ümumiyyətlə, RTV
yarandığı gündən hərbi məlumatların xüsusi əlifba ilə
məsafəyə ötürülməsindən bugünkü ən kütləvi informasiya,
əyləncə, bədii-estetik düşüncə sahəsinə kimi zəngin inkişaf
yolu keçmişdir. Mütəxəssislər zamanca qısa, məzmun,
formaca hüdudsuz görünən bu dövrü bir neçə mərhələyə
bölürlər. Bu bölgülər şərti olduğundan ölkəmizdə RTV-nin
inkişaf dinamikasını şəxsi təcrübə əsasında göz önündən
keçirmək imkanımız var. Bizə belə gəlir ki, Azərbaycan
məkanında RTV-nin boy artımı və inkişaf dinamikasını
izləmək bugünkü efir məkanında bir sıra vacib mətləblərə
aydınlıq gətirərdi.
177
Azərbaycanda radio 1926-cı il noyabrın 6-da fəaliyyətə
başlayıb. 1976-cı ildə radionun 50 illik yubileyi dövlət
səviyyəsində ümumxalq bayramı kimi qeyd olunub.
Televiziyanın Azərbaycanda fəaliyyət tarixi 30 il sonraya –
1956-cı il fevralın 14-ə təsadüf edir. İstər radioda, istərsə də
televiziyada bu dövr ərzində on minlərlə insan ilk əmək
fəaliyyətinə başlayıb və bugünkü Azərbaycan mədəniyyətinin
ən aparıcı simaları Azərbaycan radiosunda və televiziyasında
çalışmaları ilə fəxr ediblər. Demək, Azərbaycanda RTV təkcə
efir məkanı üçün deyil, respublika mədəniyyəti üçün də əsaslı
baza rolu oynamışdır.
Bu məntiqə görə, Azərbaycan radio və televiziyasının
şərəfli tale yolunu (ictimai, iqtisadi, sosial-siyasi, milli-mənəvi
dəyərlər sistemi kimi izlənərkən) bir neçə mərhələyə bölmək
olar:
1) təşəkkül illəri və yeni yayım formalarının üzə
çıxarılması;
2) siyasi təbliğatdan tədricən mənəvi-estetik, sənət
dünyasına dönüş mərhələsi;
3) əyalət statusundan müstəqil Azərbaycanın RTV-sinə
keçid.
Şərti bölgü əsasında müəyyənləşdirdiyimiz bu dövrlərdə
də ictimai-siyasi, texniki-iqtisadi, milli-mədəni amillərin təsiri
özünü göstərməkdədir. Bu dövrlərin hər birində RTV
Azərbaycan dilində xalqın həyatına daha yaxından nüfuz
etmiş, getdikcə milli-mədəni, etik-estetik dünyagörüşün
formalaşmasına təsir göstərərək zənginləşmişdir. Tam
məsuliyyətlə demək olar ki, ötən illərdə Azərbaycan
ziyalılığının kamilləşməsində, onun öz sənət yanğısını
bütövlükdə ifadə etməsində radio və televiziya misilsiz rol
oynamışdır. Üzeyir Hacıbəyov, Müslüm Maqomayev,
Məmməd Səid Ordubadi, Süleyman Rüstəm, Səməd Vurğun,
178
Osman Sarıvəlli, Cövdət Hacıyev, Qara Qarayev, Fikrət
Əmirov və başqa sənət şəcərəsini sonralar gənc bəstəkar və
yazıçılar RTV-də şərəflə davam etdirdilər. Radio və televiziya
üçün yazılan musiqi əsərlərinin, marş və romansların,
pyeslərin, telefilm ssenarilərinin sayı kimi sanbalı da artmağa
başladı. N.Xəzri, Ə.Əlibəyli, K.Rüstəmbəyov, S.Dağlı,
A.Dadaşov, R.Kazımovski kimi radio-televiziya ustadlarına
çevrilmiş incəsənət xadimləri zamanı üçün yeni növ
televiziyanın formalaşmasında iştirak etdilər. S.Vurğunun
«Aygün» pyesi də həmin illərdə lentə alındı.
70-80-ci illərin televiziyası yeni dövr siyasətinin, milli
müstəqillik və azadlıq ideyalarının leqal, qeyri-leqal təbliğat
mərkəzinə, milli proqramlarla müstəqillik duyğularının qaynar
mərkəzinə çevrildi. Azərbaycan radio və televiziyasında efir
ömrü yaşayan, milli müstəqillik «qaranquşları» olan «Bulaq»,
«Ozan», «Araz» kimi proqramlar mövzu və formasına, milli
düşüncənin yüksək sənətkarlıqla təqdimindəki bənzərsizliyinə
görə bu gün də böyük hörmətlə xatırlanır. Təkcə «Ozan»ın
«Koroğlu» uvertürası ilə yayıma başlamasındakı milli ruh
nəyə desən dəyərdi. Televiziyanın «Araz» proqramı hər iki
sahildə qardaş həsrəti çəkən insanların fiziki, mənəvi
görüşünü təşkil etmək kimi riskli bir missiyanın öhdəsindən
bacarıqla gəlirdi.
Bu gün ətrafında yeni istedadlar birləşdirən Azərbaycan
televiziya və radiosu həmin o mürəkkəb və ziddiyyətli
şəraitdə məhz sənətkarlıq hesabına sözünü zamanında,
məqamında kifayət qədər deyir, Azərbaycanın milli
müstəqilliyinə insanlarda inam hissi tərbiyə edir.
Azərbaycanda RTV-nin əsas və yetkin fəaliyyət
mərhələsi müstəqillik dövrünə təsadüf edir. Bu dövrün
televiziya və radiosu ümummilli liderimiz Heydər Əliyevin
hakimiyyətə ikinci dəfə gəlişindən sonra xüsusi məzmun
Dostları ilə paylaş: |