185
görkəmli muğam ifaçılarının iştirakı ilə hazırlanacaq «Sarı
sim», estrada musiqisinin problemlərindən bəhs edəcək
«Metronom», eləcə də «Mahnı festivalı» və s. proqramlar
indidən nikbinliklə danışmağa əsas verir.
Məhsuldarlığı, populyar proqramlarının say və sanbalı
ilə seçilən «Ədəbiyyat və publisistika», «Kino və dublyaj»,
«Xalq yaradıcılığı» redaksiyaları da AzTV-nin yeni
yaradıcılıq marafonuna bir-birindən maraqlı layihələrlə
qoşulublar. «Ədəbiyyat və publisistika» redaksiyası mövzuca
aktual olan «Azərbaycan dili», «Molla Nəsrəddin» kimi
proqramları yeni forma və dizaynla davam etdirmək, bu
verilişlər sırasına «Pillələr» (elmi-kulturoloji proqram),
«Ədəbi abidələr», «Nar ağacı», «Dünya», «Şəbi-hicran» kimi
proqramları da əlavə etmək istəyir.
«Azərbaycantelefilm» Yaradıcılıq Birliyi isə artıq bir
çox maraqlı filmlərin çəkilişinə start verib. Son illərin yaradı-
cılıq axtarışları forma və məzmunca onlarla yeni filmin uğurlu
ekran taleyi ilə nəticələnib. Uzun zaman üçün əhəmiyyətini
qoruyub saxlayan bu filmlər həm də sənətkarlıq baxımından
televiziyamızın gündəlik fəaliyyətinə öz töhfəsini verir.
Ədəbi-əyləncəli proqramlara geniş tamaşaçı marağı
«Kino və dublyaj» redaksiyasının planlarında da nəzərə alınıb.
Bu iki redaksiyanın bir strukturda fəaliyyəti filmlərin, dublyaj
materiallarının təqdimatındakı təkrarları tam aradan
qaldıracaq, yeni kino-proqramların ekrana vəsiqə alması ilə
nəticələnəcək. Təzə verilişlər dalğasına ciddi hazırlıq görən
redaksiya əməkdaşları «Kino-şou» proqramında oyun-yarışma
formasından istifadə etməyi nəzərdə tutublar. «Musiqi və
kino» proqramında isə kino musiqisi sahəsində tanınan
bəstəkarlarla kino işçilərinin birgə sənət axtarışlarından bəhs
olunacaq.
Dublyaj filmlərinin seçimində də yeni tələblər irəli
186
sürüləcək. «Oskar» mükafatı alan, bəşəri mövzulu filmlərin,
humanist duyğular aşılayan kinolentlərin, təbiətin
qəribəliklərindən bəhs edən nadir kino-süjetlərin dublyajına
üstünlük veriləcək.
Ədəbi-əyləncəli proqramlar sırasında folklor, xalq
yaradıcılığı xüsusi yer tutur. Təsadüfi deyilməmişdir ki, dünya
xalqları miflərdə, folklorda birləşir. Buna görə də folklor
proqramları dünya efirində xüsusi maraqla izlənilir.
Azərbaycan televiziyasında 6 ildir ki, bu işlə «Xalq
yaradıcılığı» redaksiyası sistemli şəkildə məşğul olur. «Qala»,
«Karvan», «Buta», «Qaravəlli», «Yallı» kimi populyar
proqramlar tamaşaçı yaddaşında özünə daimi yer qazanıb.
Redaksiyanın əməkdaşları yeni layihələrində Azərbaycan efir
məkanı üçün orijinal görünən mövzular və çəkiliş məkanları
nəzərdə tutublar. Dağıstandakı soydaşlarımızın «Dəmirqapı
Dərbənd» proqramındakı maraqları Cənubi Azərbaycandakı
soydaşlarımız üçün «Xudafərin» toplusunda öz həllini
tapacaq.
Bu il əlamətdar yubileylərini qeyd etməyə hazırlaşdı-
ğımız televiziya və radiomuzda zəngin yaradıcılıq ənənələrinə
əsaslanan populyar proqramlarla yanaşı addımlamağa, yeni
günün sözünü deyib problemlərini həll etməyə, düşün-
dürməyə, əyləndirməyə qadir olan saysız-hesabsız layihələr
ekran həllini gözləyir. Məzmun-forma vəhdəti AzTV-nin yeni
efir taleyində də öz təsirli rolunu oynayacaq və strateji
maraqlara xidmət edəcək. Dövlətçiliyə, milliliyə, müasirliyə
əsaslanan bu maraqlar özül daşları kimi siyasətimizin,
mədəniyyətimizin, əxlaqımızın əsasında dayanan məqsəddir,
daim AzTV ilə qorunub yaşadılan maraqlardır.
«Azərbaycan» qəzeti,
14 fevral 2006-cı il
187
GÜNÜMÜZÜN EKRAN SALNAMƏSİ
Bu gün bütün dünyada televiziyanın ən çevik və geniş
təsir gücünə malik informasiya vasitəsi olması şübhəsizdir.
Bu, qloballaşan dünyada və informasiyalı cəmiyyətdə özünü
daha qabarıq şəkildə büruzə verir. Bu gün Azərbaycan
cəmiyyəti və hər birimizin həyatı da televiziya ilə sıx bağlıdır.
Çünki hər bir vətəndaş gündəlik informasiyanın xeyli hissəsini
məhz teleekrandan alır. Bəs teleməkanımızın ağır artilleriyası
olan AzTV bu sahədə bizlərə nə vəd edir? Bu barədə
suallarımıza AzTV-nin sədri, tanınmış türkoloq-alim,
professor Nizami Xudiyev cavab verir.
– Nizami müəllim, ötən il statusunu dəyişərək bu gün
Qapalı Səhmdar Cəmiyyətə çevrilmiş AzTV-nin
fəaliyyətini necə qiymətləndirirsiniz?
– Mövcud teleməkanımızda kanalların sayca çoxluğuna
baxmayaraq, indi bir çox cəhətdən liderlik məhz AzTV-yə
məxsusdur. Bəli, istər kəmiyyət, istər keyfiyyət, istərsə də
yayım dairəsinin genişliyi, tamaşaçı auditoriyasının miqyası
baxımından bu gün Azərbaycan Televiziyası və Radiosu
Qapalı Səhmdar Cəmiyyəti milli telemühitimizdə
müqayisəolunmaz maddi-texniki, mənəvi-intellektual
imkanlara malik olan əsas ağırlıq mərkəzidir. Neçə il əvvəl
Türkiyə səfəri zamanı qardaş ölkə rəsmilərinin AzTV
haqqında mərhum prezidentimiz Heydər Əliyevə dedikləri,
yəqin ki, hamının yadındadır. Onlar bütün Türkiyənin milli
televiziyamıza maraqla, məftunluqla baxdığını deyərək, bizim
mənəvi, əxlaqi dəyərlərə, misilsiz intellektual bazaya, bədii
188
səviyyəyə söykəndiyimizi təqdir edirdilər. Türkiyədən bu gün
də Azərbaycan Televiziyası və Radiosu QSC-nin ünvanına
göndərilən çoxsaylı məktublar, teleqramlar bunu dönə-dönə
təsdiq edir. Bu gün peyk vasitəsilə bütün Türkiyəyə, İnternet
vasitəsilə isə bütün dünyaya yayımlanan Azərbaycan
televiziyası azad, müstəqil Azərbaycan dövlətinin planetar
miqyasda ən güclü təbliğat maşınıdır, Azərbaycan
həqiqətlərini dünyaya çatdıran, informasiya blokadasını
cəsarətlə yarıb öz sözünü deyən təbliğat tribunasıdır.
– Tamaşaçı ilk növbədə ekrandan informasiya almaq
istəyir. Bu sahədə hansı yeniliklər olacaq?
– Biz informasiya xidmətini yaxşılaşdırmaq üçün ciddi
struktur dəyişikliyi aparmış, «Xəbərlər» redaksiyasının kadr
və intellektual bazasını genişləndirmişik. Əvvəllər müstəqil
qurumlar kimi fəaliyyət göstərmiş «İctimai-siyasi
proqramlar», «Səhər» proqramı və «Beynəlxalq proqramlar»
redaksiyası «Xəbərlər»ə birləşdirilmişdir. Bu addım
informasiya mənbələrindən, kadr potensialından və texniki
vasitələrdən daha səmərəli istifadə etməyə imkan vermişdir.
İndi bizim həm gündəlik xəbər proqramlarımızda, həm də
analitik verilişlərimizdə operativlik artmış, aktual məsələlərin
işıqlandırılmasına diqqət çoxalmışdır. Hazırda əsas xəbər
buraxılışının strukturunu yeniləşdirmək istiqamətində ciddi
işlər aparılır.
– Nizami müəllim, indi televiziyalarda gündəlik
analitik proqramlara geniş yer ayrılır. Bu cəhətdən AzTV-
də hansı yeniliklər olacaq?
– Biz sosial-siyasi proqramlar sırasında hər gün efirə
çıxan «Günün nəbzi» proqramına diqqəti artırmışıq. Bu veriliş
təkcə Azərbaycanda deyil, həmin gün dünyada baş vermiş ən
vacib hadisə, onun ictimai-siyasi əhəmiyyəti və mahiyyətinin
şərhinə həsr olunur. Canlı olaraq efirə gedən verilişdə,
Dostları ilə paylaş: |