Microsoft Word Zamanin axari 2
Yüklə 1,64 Mb. Pdf görüntüsü
|
189
həmçinin cəmiyyəti narahat edən, ictimai rezonans yaradan, tarixi hadisələri ehtiva edən olaylarla bağlı söhbətlər aparılır, şərhlər və proqnozlar verilir. Verilişdə Milli Məclisdə qəbul olunmuş qanunlar, ölkə prezidentinin fərman və sərəncamları, hökumətin fəaliyyət istiqamətlərinin şərhi də nəzərdə tutulur. Yəqin diqqət yetirmisiniz ki, bu veriliş son vaxtlar çox böyük auditoriya toplayır. Ölkənin ictimai-siyasi həyatında bələdiyyələrin mövqeyi genişləndikcə biz bu sahəyə diqqəti artırırıq. «Bələdiyyələr» verilişi məhz bu barədə olacaq. Proqramda bələdiyyələrin cari fəaliyyət istiqaməti öz əksini tapacaq. Biz proqramda bələdiyyə qanunvericiliyi, bələdiyyələrlə işin təşkili, beynəlxalq əlaqələr, eləcə də regionların sosial-iqtisadi inkişafında bələdiyyələrin rolu məsələlərini işıqlandıracağıq. Ölkəmizin sosial mənzərəsindəki müsbət dəyişikliklər, əhalinin maddi vəziyyətinin yüksəldilməsi və aztəminatlı vətəndaşlara dövlət qayğısının real nəticələri isə «Monitorinq» proqramında öz əksini tapacaq, həllini gözləyən problemlər müxtəlif prizmalardan araşdırılacaq. «Azərbaycan dünyası» verilişi Dünya azərbaycanlıla- rının birlik və həmrəyliyindən, diaspor halında formalaş- masından, lobbiçilik fəaliyyətindən bəhs edəcək. Veriliş dünyanın müxtəlif guşələrinə səpələnmiş azərbaycanlıların bir araya gəlməsinə yönəldilmiş məqsədyönlü proqramdır. Proqramda dövlət başçısının xarici ölkələrə səfərləri zamanı Azərbaycan icma və birliklərinin nümayəndələri ilə görüşləri və onlara tövsiyələri də öz əksini tapacaq. Son illərdə Azərbaycan televiziyasının populyar verilişlərindən olan «Fakt» müəllif proqramı tarix, çağdaş hadisələrin mahiyyətini öyrənən və tamaşaçılara çatdıran verilişlər silsiləsi kimi yenə də ekranlarda olacaq. «Fakt»da daha çox analitik təhlillərə üstünlük verməklə müxtəlif 190
zamanlarda xalqımızın taleyüklü məsələlərindən danışılacaq. Daha çox terror, separatizm, geopolitik maraqların ortaya qoyduğu amillərdən bəhs edən «Fakt» doqquz ildir ki, AzTV- də sabit auditoriyasını təmin edə bilib. – İndi tamaşaçı ilə dialoqa – interaktivliyə daha çox ehtiyac var. Siz bu problemi necə həll edirsiniz? – Tamaşaçı ilə canlı əlaqə yaradan «Dialoq» verilişi neçə ildir ki, sabit efir vaxtını qoruyub saxlayır və həmişə də rəğbətlə qarşılanır. Yaxın günlərdə bu veriliş yeni dizaynda təqdim olunacaq. Zövqlə yaradılmış yeni interyer verilişin effektini daha da artıracaq, forma və məzmunu tamamlayacaq. Verilişə aktual problemlərlə, tamaşaçıları düşündürən mövzularla bağlı cavabdeh şəxslər, yüksək vəzifəli məmurlar dəvət olunacaq, mövzu ətrafında analitik təhlillər aparılacaq, problemin həlli yolları araşdırılacaq. «Dialoq»da telefon bağlantılarından istifadə ona tamaşaçı marağını artırır. Yaxın vaxtlarda verilişdə «İnteraktiv», «İnternet» səhifələrinin açılması da planlaşdırılır. «Hüquq kanalı» verilişində də interaktivliyi gücləndi- rəcəyik. Burada əsasən məhkəmələrdə baxılmış cinayət iş- lərindən hazırlanacaq süjetlər göstəriləcək, ayrı-ayrı süjetlərdə məhkəmə-hüquq sistemində gedən islahatlardan, yeniliklərdən söhbət açılacaq. Təbii ki, bu proqram öz qarşısına qoyduğu hüquqi maarifləndirmə vəzifəsini yerinə yetirəcək. – AzTV iqtisadi mövzuda maraqlı verilişləri ilə fərqlənir. Bu sahədə hər hansı yenilik gözlənilirmi? – Doğru deyirsiniz ki, biz bu sahəyə həmişə xüsusi diqqət yetiririk və hətta «İqtisadiyyat» adlı ayrıca verilişimiz var. Bu mövzuda daha bir veriliş də hazırlanır. «Sahibkarlıq» verilişində dövlət qurumları ilə sahibkarların qarşılıqlı əlaqələri, iqtisadiyyatın inkişafında bu sahənin payı, qarşıya çıxan problemlər, onların həlli yolları, sahibkarların qayğıları 191
öz əksini tapacaq. 2004-2008-ci illərdə «Regionların sosial-iqtisadi inkişafı haqqında» Dövlət Proqramında Azərbaycanın bütün əyalətlərində geniş quruculuq işlərinin aparılması, yeni sənaye obyektlərinin tikintisi və bununla da yeni iş yerlərinin açılması nəzərdə tutulur. Bu isə yerlərdə yeni infrastrukturun yaranması, əhalinin məşğulluğunun artması, gün-güzəranın yaxşılaşması deməkdir. Bütün bunlar yeni layihəmiz kimi ekrana çıxacaq «Regionların sosial-iqtisadi inkişafı» və «Kənd həyatı» verilişlərində öz əksini tapacaq. Verilişdə ölkəmizin ayrı-ayrı bölgələrinin özünəməxsus xüsusiyyətlərinə, xarakterik cəhətlərinə, inkişaf tempinə xüsusi diqqət yetiriləcək. – Mübaliğəsiz demək olar ki, Azərbaycan silahlı qüvvələrinin həyatı AzTV-də prioritet mövzulardandır. Bu mövzu ayrı-ayrı verilişlərdə daha sistemli işıqlandırılır. – Mən televiziyaya rəhbər təyin olunandan bu günədək hərbi-vətənpərvərlik diqqət yetirdiyimiz ən önəmli mövzu- lardandır. Azərbaycan televiziya və radiosunun «Birləşmiş hərbi proqramlar» redaksiyası hazırda «Hərb tariximizdən», «Azərbaycan Silahlı Qüvvələri», «Zəfər yolu», «Zireh», «Sən mənə oğul de» kimi tamaşaçılar tərəfindən maraqla izlənən hərbi-vətənpərvərlik mövzulu verilişləri təqdim edir. İndi bunlarla yanaşı, yeni proqramlar da hazırlamaq planlaşdırılır. Bir faktı da qeyd etmək lazımdır ki, əsgərin və komandirin özünə və düşmən üzərində qələbəyə inamının formalaşmasında, arxa cəbhə ilə ön cəbhənin bir-birinə dayaq olmasında, müharibə dövrünün gəncliyinin hərbi-vətənpər- vərlik ruhunun artırılmasında Azərbaycan televiziyasının misilsiz xidmətləri var. «Əsgərlə birgə», «Müharibə dövrünün gündəliyi» proqramları bu müqəddəs missiyanı müasir tamaşaçı zövqünü nəzərə almaqla daha baxımlı bir şəkildə Yüklə 1,64 Mb. Dostları ilə paylaş:
|