düşkünü olduğu aşkar sezilirdi. Qarı bappalaca, acı
alma kimi bürüşmüş vücudu ilə məndə qəribə hisslər
oyadırdı.
Diqqətlə baxdığımı hiss edən qarı yumuq gözlərini
mənə zilləyib baxdı və gülümsədi. Mən də cavabında
onun üzünə gülümsədim. Hiss olunurdu ki, qarı
ayıqdı. Gözlərinin altı da dünən, ya srağagün içib-
keflənəndə özü də bilmədən, hiss etmədən harasa bərk
dəyib əzilmiş, göyərmişdi. İndiki ayıqlığı da, görünür,
ya hələ içkinin vaxtının gəlib yetişməməsi, ya da
içməyə bir şey olmaması üzündən idi.
Qarının yanındakı qoca mujik öz aləmindəydi.
Sərxoş olduğu hərəkətlərindən, ləngərindən bəlli
olurdu. Elə ləngərlənə-ləngərlənə əlində tutduğu üzüm
salxımını gözlərinə yaxınlaşdırır, solğun gözlərini
qıya-qıya diqqətlə baxır (hiss olunurdu ki, gözləri çox
zəif görür) əzik, bürüşük, bəziləri yarıyacan xarab
olmuş gilələri bir-bir qoparıb ağzına atır, ləzzətlə
yeyirdi. Bu zaman gilələrdən bəzisi, sanki, qocanın
gözlərinin zəif görməsindən istifadə edir, onun
barmaqları arasından sivişib çıxır, yerə düşüb bir
qədər kənara diyirlənirdi. Qoca yerə düşən həmin
gilələri təzədən götürüb yemək istəyəndə, qarı bir
mənə, bir də ona baxdı. Hiss etdim ki, qocanın yerinə
xəcalət çəkdi, tez ona təpinib təkid etdi ki, yerdən
götürdüyü üzüm giləsini zibil qutusuna atsın. Amma
artıq gec idi, qoca toza bulaşmış gilələrdən birini
udmuşdu. Bundan daha da xəcalət çəkirmiş kimi, qarı
yenə mənə baxdı, acı təəssüflə başını bulayıb qocaya
ikrahla güldü. Bu gülüşlə, sanki, mənə dedi:
“Bağışlayın!.. Mən onun əvəzindən sizdən çox-çox
üzr istəyirəm!..”
Olduqca qəribə, düşündürücü, ürək ağrıdan
Milena
101
mənzərəylə üzləşmişdim. Bu miskin görünüşlü
insanların acı həyatını, taleyini düşünə-düşünə çox
acıyırdım. Digər bir tərəfdən də onlar nəyə görəsə, elə
bil, məndən ötrü dünyanın ən maraqlı, həm də sevimli
insanları idilər.
Qoca üzümün son giləsini də qoparıb ağzına atdı,
sonra giləsi tamam arıtlanmış saplağı ortalığa tulladı.
Qarı onun bu hərəkətini görüb, bir daha mənə baxdı,
nə reaksiya verəcəyimi bilmək istədi; mənim dinib-
danışmadan bu acı mənzərəyə tamaşa etdiyimi
görəndə hiddətlə qocaya dedi:
-Tfu, yaramaz inək, adam da zibili ortalığa atar?..
Dur, qalx, zibili götür, at zibil qutusuna!
Mujik, dinməz-söyləməz, yuxulu, mürgülü adam
kimi ayağa durdu, yırğalana-yırğalana əyilib üzüm
saplağını yerdən götürdü, aparıb küncdəki zibil qu-
tusuna atdı. Həmin an qarının üzündə fərəh, məğrurluq
əlaməti sezdim. O öz əməlindən razı halda mənə baxıb
gülümsəyirdi.
Düşünürdüm ki, yəqin o qoca qarının əridi, ya da
içki yoldaşıdı. Əri olmasa belə, onlar “əqidə”,
“məslək” dostuydular. Hər halda, onların yanaşı
oturmaları, hər ikisinin sir-sifətindəki təzə çapıq və
yaralar belə deyirdi.
Qoca üzüm saplağını zibil qutusuna atandan sonra
ətrafına baxmadan, ayaqları biri-birinə dolaşa-dolaşa
təzədən qarının yanına qayıdıb öz yerində oturdu.
Cəmi bir neçə dəqiqə sonra isə başı sinəsinə sallanmış
vəziyyətdə yatıb, xoruldamağa başladı.
Tez-tez mənə aşkar-gizli göz qoyan qarı sözlü
adama oxşayırdı. Elə bil, nəsə deməyə can atır, nəsə
soruşmaq istəyir, ancaq çəkinirdi.
O məndən nə istəyə bilərdi; məsələn; məncə,
Zəka Vilayətoğlu
102
soruşardı ki, sizdə iyirmi qəpik, ya əlli qəpik və ya bir
manat pul olar?.. Mən bu barədə düşünəndə, nəhayət,
qarı dilə gəldi:
-Bağışlayın, cənab, sizdən bir şey soruşmaq
olarmı? - Qarı cavan qız kimi utana-utana nazlandı.
Onun nazlandığını duyanda məni gülmək tutdu; ol-
maya, qarı mənə elani-eşq etmək fikrinə düşmüşdü?!.
Beləcə, gülə-gülə dedim:
-Buyurun, eşidirəm.
-Bağışlayın cənab, üzr istəyirəm! Siz çox alicənab,
mədəni və yaraşıqlı adamsınız… - Qarı kübar
xanımlara xas ədayla dilləndi.
Görünür, o qocanı “mədəniləşdirməyindəki
xidmətimin” üzrxahlığını etmək istəyirdi. Dinməzcə
gülümsünüb başımı tərpətdim. Sonra düşüncələrimin
səmti dəyişsə də aradabir başımı qaldırıb oğrunca bir
daha qarıya baxır,, onun cavanlığını təsəvvür edirdim
- güman ki, bir vaxtlar gözəl, ağıllı, savadlı bir
qadınmış. Eləindi də onun simasındakı şirinliyin,
cazibənin, az da olsa, əlamətləri hiss olunur, bütün
bunlar qadın kimi gözəl keçmişindən xəbər verirdi. O,
məndən hələ də nə isə soruşmaq istəyirdi. Amma
niyəsə cürət etmirdi...
Düşüncələrim uzun çəkmədi. Ləngər vura-vura
mənə yaxınlaşan başqa bir sərxoş əhvalımı xeyli
yaxşılaşdırdı. O bir baş üstümə gəlib dilləndi:
-Zdravstvuyte!.. Vı azerbaydjanes?.. Oçen
prekrasno, oçen rad!.. Çok yakşi, çok yakşi!
Sərxoş, sözünün gerisini türkcə söylədi, elə azəri
türkcəsində də Zeynəb Xanlarovanın repertuarından
mahnını oxumağa başladı:
-Dedim: ala (əla) nadi? Dedi: gozumdi (gözümdü).
Dedim: lala (lalə) nadi? Dedi: uzumdi (üzümdü)
Milena
103
Dedim: opmaliyam (öpməliyəm) Soyladi (söylədi):
yok, yok (yox, yox).
Onu diqqətlə və fərəhlə dinlədiyimi görən sərxoş
rus gülə-gülə dedi:
-Eto pesnya, vaşa pesnya! Eto azerbaydjanskaya
pesnya! Moy lyubimıy pesnya! Ya oçen, oçen lyublyu
azerbaydjanskiy narod, azerbaydjanskiy pesnya!
Bəlkə də bu onun “siyasəti” idi - yarım litr araq
qazanmaq üçün bizimkilərin ürəyini ələ alıb beş-on
manat qoparmaq üçün bu mahnını oxumağı
öyrənmişdi. Hər halda, onun bu “siyasəti” ürəyimcə
idi, ona beş-on rubl verməyə dəyərdi.
-Molodoy çelovek, skajite pojaluysta, u vas yest
pyat rubley? - Sərxoş gözlədiyim kimi soruşdu.
-Yest, yest, koneçno yest!-Gülə-gülə söylədim
Əlimi cibimə atdım, yüz rublluq çıxarıb ona
uzatdım. Sərxoş yüzlüyü görüb heyrətləndi, göydəcə
qapıb qarşımda ikiqat əyildi, əlimdən öpmək
istəyəndə, qoymadım. O dönə-dönə minnətdarlığını
bildirib yarımçıq kefini araqla tamamlamağa tələsdi.
Gedə-dedə də oxumağından da qalmadı: “Dedim:
“ala” nadi?...”
... Nəhayət, qatara minik başlandığını elan elədilər.
Çantamı götürüb qatara tələsdim. Qarının səsi isə elə
hey qulaqlarımda səslənirdi: “Bağışlayın, cənab,
sizdən bir söz soruşmaq olarmı?..”
Zəka Vilayətoğlu
104
Dostları ilə paylaş: |