37
* * *
Mən bu gün bir azərbaycanlı kimi, özündə həm milli-
mənəvi dəyərləri, həm də ümumbəşəri dəyərləri cəm edən bir
insan kimi deyirəm ki, bizim xalqımızın mənəvi-əxlaqi
mentaliteti onun ən böyük sərvətidir, xalqımızın milli-mənəvi
dəyərləri onun milli sərvətidir. Biz bunları qiymətləndirməliyik.
* * *
Bizim xalqımızda əsrlərdən bəri formalaşmış, gəlmiş
adətlər vardır: kiçiyin böyüyə hörməti, böyüyün də kiçiyə
qayğısı, övladın valideynlərinə hədsiz hörməti, valideynlərin də
öz övladlarına olan qayğısı və məhəbbəti. Bu, bizim xalqımızın
mentalitetidir və biz bununla fəxr etməliyik.
* * *
Bizim milli-mənəvi dəyərlərimiz, bizim tarixi milli
köklərimiz, bizim dilimiz və dinimiz - hamısı bizim milli
ideologiyamızın böyük bir hissəsidir, böyük bir qoludur.
* * *
Biz müstəqillik əldə edəndən sonra İslam dinimizi
özümüzə qaytardıq. Yəni bu din insanların qəlbində həmişə
yaşayırdı, ancaq rəsmi deyildi. Bu, rəsmi qayıtdı, bərpa olundu.
* * *
Qurani-Şərifdə böyük əxlaqi normalar əks olunubdur.
Onlardan səmərəli istifadə etmək lazımdır və onları yaymaq,
inkişaf etdirmək lazımdır.
38
* * *
Biz tarixi köklərimizi həmişə iftixar hissi ilə
qiymətləndirməliyik və tarixi köklərimizin mənasını dünyaya
bəyan etməliyik, yaymalıyıq, təbliğ etməliyik, onunla fəxr
etməliyik.
* * *
Öz milli-mənəvi dəyərlərimizi ümumbəşəri dəyərlərlə
birləşdirib,
zənginləşdirib Azərbaycan xalqının ümumi
dəyərlərini, mənəvi dəyərlərini yaratmalıyıq.
* * *
Ümumbəşəri dəyərlərlə milli-mənəvi dəyərlərin vəhdəti,
sintezi bizim milli ideologiyamızın bu günü və gələcəyidir.
* * *
Azərbaycanda əlillər dövlətin, cəmiyyətin daim qayğısı ilə
əhatə olunublar.
* * *
İslam Qafqaz xalqlarına səadət, xoşbəxtlik gətiribdir,
inkişaf, islami dəyərlər gətiribdir. Bu dəyərlər - müqəddəs
kitabımız Qurani-Kərimdən gələn islami dəyərlər Qafqaz
xalqlarının milli-mənəvi dəyərlərinin əsasını təşkil edibdir.
* * *
İslamın dini-mənəvi dəyərləri Qafqaz xalqlarının
qədimdən yaranmış və inkisaf etmiş mənəvi dəyərləri ilə
birlikdə xalqların yüksək milli-mənəvi dəyərlərini təşkil ediblər.
39
* * *
Biz
azərbaycanlılar
öz
tariximizlə,
milli-mənəvi
dəyərlərimizlə fəxr edirik, öz doğma ana dilimizlə fəxr edirik.
Bunlar hamısı bizim milli mənəviyyatımız, milli-mənəvi
dəyərlərimizdir. Bunlara görə də biz İslam dininə, İslam
mədəniyyətinə mənsub olmağımızla da fəxr edirik.
* * *
Başqa dinlərdə dözümlülük, başqa dinlərlə yanaşı və
qarşılıqlı anlaşma şəraitində yaşamaq İslam dəyərlərinin
xüsusiyyətidir. Bu, tarix boyu Azərbaycanda, Qafqazda da öz
əksini tapıbdır.
* * *
İnsanlar hansı dinə, hansı mədəniyyətə mənsubluğundan
asılı olmayaraq, bütün başqa mədəniyyətlərə, dinlərə, mənəvi
dəyərlərə də hörmət etməli, o dinlərin bəzən kiməsə xoş
gəlməyən adət-ənənələrinə dözümlü olmalıdırlar.
* * *
Biz
Azərbaycanda
öz milli-mənəvi dəyərlərimizə
söykənərək, eyni zamanda xalqımızın elminin, mədəniyyətinin
inkişafına, milli-mənəvi dəyərlərin ümumbəşəri dəyərlərlə
zənginləşməsinə və vəhdətinə xüsusi əhəmiyyət veririk.
* * *
Biz Azərbaycanın milli-mənəvi dəyərlərini ümumbəşəri
dəyərlərlə zənginləşdirən və onların vəhdətindən doğan elm,
ədəbiyyat, incəsənət əsərlərini, onları yaradanları həmişə yüksək
qiymətləndirmişik.
40
* * *
Bizim müqəddəs kitabımız Qurani-Şərif heç vaxt funda-
mentalizmin əsasını qoymayıbdır. Kimsə bu fundamentalizm,
ekstremizm meyllərini İslam dinindən istifadə edərək yaradır və
inkişaf etdirirsə, hesab edirəm ki, onlar İslamın əsas prinsiplə-
rindən müəyyən qədər uzaqlaşırlar. Biz İslam mədəniyyətini,
İslam mənəvi dəyərlərini müqəddəs kitabımız Qurani-Kərimdən
olduğu kimi qəbul edirik. Onların təhrif olunması, əgər dini dillə
desək, günahdır. Biz istəmirik ki, kimsə günaha batsın.
* * *
Biz hər bir insan üçün yaxşı bir iş görə biliriksə, bu, bizə
sevinc gətirir.
* * *
Hər bir insan üçün vətənə, torpağa sədaqət ən ülvi
xüsusiyyətdir.
* * *
Həcc ziyarətinin özü insan üçün böyük nemətdir.
* * *
Həcc ziyarətini edən hər bir şəxs nəinki özü mənəviyyatca
zənginləşir, o, aldığı mənəvi zənginlikdən bəhrələnərək öz
ətrafına, ailəsinə, öz dostlarına da təsir edir, kömək edir, onları
daha da düz yola, Allah yoluna dəvət edir.
Dostları ilə paylaş: |