Milli-mənəvi dəyərlərimiz və Heydər Əliyev
Yüklə 0,56 Mb. Pdf görüntüsü
|
- Bu səhifədəki naviqasiya:
- Kitabların təqdimat mərasimi
- Muğamın tarixindən
- Qarabağ xanəndələri
- Azərbaycan muğamı
27
bəhs edən “War Against Azerbaijan: Targeting Cultural Heritage” (“Azərbaycana qarşı müharibə: mədəni irs hədəf altında”) kitabının bir neçə dildə nəşri, Azərbaycan reallıqlarının yayılması və maddi-mənəvi dəyərlərimizin dünya ictimaiyyətinə tanıdılması məqsədilə həcmi, məzmunu və material tutumuna görə ölkədə analoqu olmayan www.azerbaijan.az portalının hazırlanması Heydər Əliyev Fondunun həyata keçirdiyi mühüm işlərdəndir. Kitabxanalar Heydər Əliyev Fondunun milli dəyərlərin təbliği ilə əlaqədar nəşr etdirdiyi yeni kitabların təqdimatını keçirə bilər. Kitabların təqdimat mərasimi aparıcının 3 dəqiqəlik giriş sözü ilə başlayır. O, iştirakçıları salamlayaraq, kitabın mövzusu, təqdimatın məqsədi haqqında məlumat verir. Aparıcı təqdim olunan kitabın ya özünü, ya da foto şəklini nümayiş etdirir. İnformasiya mərkəzi olan kitabxanalarda proyektorun köməyilə ekranda kitabın elektron variantı nümayiş etdirilir. 10-15 dəqiqə ərzində kitabın kimlər üçün nəzərdə tutulduğu haqqında danışılır və elektron variantda kitabın için- dəkilər (mündəricatı) göstərilir. İştirakçılara kitabın yerləşdiyi İnternet ünvanlar haqqında məlumat verilir. 10-15 dəqiqə oxucularla dialoq aparılır. Kitabın əhəmiyyəti haqqında rəy və mülahizələr öyrənilir və mövzuya uyğun suallar verilir. Mərasimdə müəllifin iştirakı çox vacibdir, çünki ortaya çıxan bir çox sualları yalnız o cavablandıra bilər. Bütün tədbirlərdə olduğu kimi kitab təqdimatları da 5-10 dəqiqəlik son sözlə yekunlaşdırılır. Bu zaman kitabın əhəmiyyətindən bir daha danışılır, kitabın qiyməti, kitabı necə əldə etmək haqqında mə- lumat verilir. Tədbirdən əvvəl elan hazırlanır. Elanda kitabın müəllifi və annotasiyası öz əksini tapır. Oxucuların rəylərini öyrənmək üçün “anket-sorğu” paylanır. Bundan başqa imkan daxilində kitab haqqında buklet və dəvətnamələr hazırlamaq olar. Müəllif və kitab haqqında qısa məlumat, keçirilmə yeri və vaxtı göstərilmiş dəvətnamələr əlaqədar təşkilatlara göndərilir.
28
Bu gün kitabxanalara oxucu cəlb etməyin əsas şərtlərindən biri elanlarda tədbirin məzmununun necə təqdim edilməsi, nə şəkildə oxucuya çatdırılmasıdır. Keçiriləcək tədbir haqqında səliqəli elan yazılmalı, tədbirdə iştirak edəcək şəxslərin adları və titulları qeyd edilməlidir. Tədbirə maraqlı, göz və könül oxşayan adın seçilməsi də əsas şərtdir.
Tədbirin keçiriləcəyini informasiya vasitələrindən istifadə etməklə də yaymaq olar. Kitabçaların, bukletlərin, elanların, vərəqələrin əhəmiyyəti onların düzgün tərtibindən və operativ paylanmasından asılıdır.
2003-cü ildə Azərbaycan muğamının YUNESKO-nun bə- şəriyyətin şifahi və qeyri-maddi mənəvi irsinin şah əsərləri siyahısına daxil edilməsi Azərbaycan mədəniyyəti üçün hə- qiqətən də tarixi bir hadisə oldu. Azərbaycan dünyada muğam operası, simfonik muğam, hətta caz-muğam yaratmış yeganə ölkədir. Milli musiqimiz xarici dövlətlərdə təmsil olunmaqla bərabər, YUNESKO-nun xətti ilə geniş məkanlara yol açdı. Son vaxtlarda həyata keçirilən layihələr, milli musiqimizin, mənəvi dəyərlərimizin inkişafı istiqamətinə yönəlmişdir. “Muğam ensiklopediyası”nın, “Muğam antalogiyası”nın hazırlanması milli musiqimizə maraq hissini çox artırmışdır. Xalqımızın möhtəşəm mədəniyyət abidəsi olan, əsrlər boyu milli mənəvi dəyərlərimizi özündə əks etdirən, professional musiqimizin yaranıb formalaşmasında əvəzsiz rol oynayan muğam sənətini təbliğ etmək hər bir kitabxanaçının da öhdəsinə düşür. Bunun üçün kitabxanaçılar kütləvi tədbirin müxtəlif formalarından istifadə edə bilərlər. Müxtəlif adlarda “Muğamın tarixindən”, “Azərbaycan muğamları dünya
məruzələrin, söhbətlərin keçirilməsi “Qarabağ xanəndələri”, “Unudulmuş səslər”, “Azərbaycanın qədim xanəndələri”, “İnstrumental muğamlar”, “Muğam ustadları” CD albom- larının sərgi və təqdimatını təşkil etmək məsləhətdir. Muğam sənəti haqqında yazılmış kitablar, dövri mətbuatda çap edilmiş məqalələr xüsusən də 2007-ci ildən nəşrə başlamış
29
“Muğam” (üç dildə: azərbaycan, rus, ingilis) jurnalının mate- riallarından istifadə etməklə “Azərbaycan muğamı” adlı karto- teka yaratmaq, kartoteka varsa “Muğam ənənələri”, “Muğam adlarının etimologiyası”, “Muğam dəstgahları”, “Muğam dün- yası” və s. adlarda yeni rubrikalar yaratmaq olar. İnternetdə muğamla bağlı audio və video materialları özündə əks etdirən müxtəlif saytlardan istifadə etmək, imkan daxilində xanəndələr və muğam biliciləri ilə birlikdə muğam məclisləri və dərnəklər də təşkil etmək məqsədəuyğun olardı. Mədəniyyət və Turizm şöbəsinin köməyi ilə görkəmli müğam ustadlarına həsr olunmuş muğam müsabiqələri (muğam ifaçılarının yarışı) keçirmək olar. Müsabiqələri müxtəlif təşkilatlar ilə birlikdə, müxtəlif yaş səviyyələrində təşkil etmək olar. Məktəblilər arasında muğam müsabiqələrinin keçirilməsi də ənənəvi hal almışdır. Bu müsabiqələrin münsiflər heyətinə görkəmli muğam ustadları dəvət olunur. Keçirilən bu müsabi- qələr muğam sənətini davam etdirən gənc nəslin üzə çıxarılması məqsədini daşıyır. Mədəniyyətlərin dialoqu və folklor nümunələri ilə beynəlxalq mədəni aləmə inteqrasiya kontekstində əhəmiyyətli istinad nöqtəsi olan muğam sənəti həm də xalqımızın dünya mədəni irsinə bəxş etdiyi ən böyük ərməğandır. Odur ki, onu yaşatmaq, orijinallığını qorumaqla öyrənmək və öyrətmək hər kəsin borcudur. Qədim ənənələrə xas Azərbaycan xalqının maddi və mənəvi mədəniyyət nümunələrinin, incəsənətinin, folklorunun, musiqisinin qorunması, eləcə də dünya miqyasında təbliğ olunması məqsədilə 1996-cı ildən “Azərbaycan-İrs” jurnalının nəşrə başlaması da son dərəcə təqdirəlayiq məqam kimi xatırlanmalıdır. Azərbaycan, rus və ingilis dillərində işıq üzü görən jurnalda son 10 ildə milli mədəniyyətimizin, tarixi-milli irsimizin qorunub saxlanılması və gələcək nəsillərə ötürülməsi vacibliyi ilə bağlı çoxsaylı məqalələr işıq üzü görmüşdür. Azərbaycanın mədəniyyəti və incəsənəti ilə bağlı ən aktual problemlərin, böyük məzmun yükünə malik materialların dərc
Yüklə 0,56 Mb. Dostları ilə paylaş:
|