Magistrantların XXI Respublika Elmi konfransı, 17-18 may 2021-ci il
13
ALÇAQ ALKANLARIN AROMATLAŞMA KATALİZATORLARI
Bağırlı F.Z.
Azərbaycan Dövlət Neft və Sənaye Universiteti
E-mail:
fatima.baghirova27@gmail.com
Hal-hazırda aromatik karbohidrogenlərin iritonnajlı istehsalı ölkədə neft-kimyanın
vəziyyəti və
iqtisadi effektivliyinə əhəmiyyətli təsir göstərir. Bu, neft emalında əsas məhsul kimi benzolun külli miqdarda
istifadə olunması ilə əlaqədardır. Həmçinin neftin qiymətinin qeyri-stabilliyi aromatik karbohidrogenlərin
istehsalına çox pis təsir göstərir.
Yaxın gələcəkdə üzvi birləşmələrin istehsalı üçün əsas xammal mənbələrindən biri təbii qaz hesab
edilir ki, onun da dünya üzrə kəşf edilmiş ehtiyatları 144,1 trln. m
3
qiymətləndirilir [1]. Təbii qazın 90%-dən
çoxu
metandan ibarətdir ki, bu da yüksək inertliyi ilə xarakterizə olunur, buna görə də metanın maye
karbohidrogenlərə birbaşa çevrilməsi məhduddur. Praktiki olaraq sənayedə bütün mövcud olan təbii qazın
kimyəvi məhsullara konversiyası yolları mürəkkəb və kapital tutumlu proseslərə əsaslanır. Beləliklə, alınmış
məhsulların maya dəyəri neft analoqlarına nisbətən olduqca yüksəkdir.
Təbii və səmt qazları komponentlərinin maye üzvi birləşmələrə kimyəvi çevrilmələrini bir mərhələdə
həyata keçirmək bifunksional katalizatorlar olmadan mümkün deyil. Onların da əsas komponentləri yüksək
dehidrogenləşmə qabiliyyətinə malik olan az miqdarda metallar ilə modifikasiya edilmiş pentasil tipli seolit
hesab edilir. Həmçinin seolit katalizatorları hesabına xammalın nəmlikdən və kükürdtərkibli birləşmələrdən
təmizlənməsi tələb olunmur.
Alçaq alkanların aromatlaşması üçün müxtəlif metallarla modifikasiya edilmiş
pentasil tipli seolit
katalizatorlarından istifadə olunur, həmçinin müxtəlif tip daşıyıcılar (məsələn, alüminium oksid) üzərinə
hopdurulmuş metal katalizatorları tətbiq olunur. Seolit katalizatorlarının modifikasiyası üçün Zn, Sn, Pb, Mo,
Ga, Pt kimi metallardan istifadə olunur.
Bundan başqa, təbii qazın aromatlaşması prosesində sirkonium və molibden nanotozları ilə
modifikasiya edilmiş ЦВМ tipli seolitin istifadə olunması barədə məlumatlar mövcuddur [2]. İlkin xammal
kimi tərkibində (% küt.) metan – 84.1; etan – 4.5; propan – 6.7; butanlar – 4.2; pentanlar – 0.5
olan təbii
qazdan istifadə edilmişdir. Təbii qazın aromatik karbohidrogenlərə konversiyası kvars reaktorda atmosfer
təzyiqində 600-750
o
C temperatur intervalında xammalın verilməsinin 1000 saat
-1
həcmi sürətində
aparılmışdır.
Tədqiqatlar
göstərir ki, 700-750
o
C temperaturda 81-83% selektivliklə təbii qazın konversiyası və
aromatik karbohidrogenlərin çıxımı, uyğun olaraq, 32.7-41.0% (küt.) və 27.3-33.5% (küt.) təşkil etmişdir.
Tərkibində 1.5 və 6.0% (küt.) miqdarında sirkonium və molibden nanotozları olan seolit katalizatoru
nisbətən daha yüksək aktivliyə və selektivliyə malikdir. Sirkoniumun miqdarının 2.0% (küt.)-dən yuxarı
yüksəlməsi təbii qazın çevrilmə dərəcəsi və aromatik karbohidrogenlərin çıxımını xeyli azaldır.
İşdə [1] molibden ilə modifikasiya edilmiş pentasil nəzərdən keçirilmişdir. İlkin
xammal kimi
aşağıdakıtərkibdə təbii qazdan istifadə edilmişdir: metan – 80.5; etan – 6.8; propan – 7.9; butanlar – 4.8%
(küt.). 750
o
C reaksiya temperaturunda və metanın 500 saat
-1
həcmi verilmə sürətində mövcud katalizator
üzərində konversiya və benzolun çıxımının maksimal qiyməti əldə edilmişdir, bu da 4.8% təşkil etmişdir.
Maye məhsullarda naftalinin miqdarı benzolun miqdarından yüksəkdir və 6.5% təşkil edir.
Metanın maksimal konversiyası və aromatik karbohidrogenlərin nisbətən yüksək miqdarı
tərkibində
4% molibden olan seolit üzərində alınmışdır. Seolit üzərində molibdenin miqdarının sonradan 6%-dən yuxarı
artımı katalitik aktivliyin tam itməsinə gətirib çıxarır. Metanın həcmi verilmə sürətinin yüksəlməsi yalnız
aromatik karbohidrogenlərin çıxımının azalmasına gətirib çıxarır.
İşin [3] müəllifləri tərəfindən Zn-tərkibli pentasili qalay və qurğuşun əlavələri ilə modifikasiya etmək
təklif edilmişdir.
Mövcud işdə Zn-tərkibli pentasilin modifikasiya edilməsi yolu ilə sıxılmış karbohidrogen qazlarının
aromatlaşması zamanı metan və naften karbohidrogenlərinin çıxımının azalması imkanlarının tədqiqat
nəticələri alınmışdır. Müəlliflər tərkibində 5% (küt.) sink olan H-ZSM-5 tipli pentasildən istifadə etmişdir.
Xammal propan və butan qış yanacağı qarışığı hesab edilir (tərkibi, % həcm: metan – 1.5; etan – 3.8; propan
– 67.7; i-butan – 10.7; n-butan – 16.3). Mövcud pentasil qurğuşun və qalay əlavələri ilə modifikasiya
edilmişdir. Seolit sink nitrat və qurğuşun və ya qalay xloridin sulu məhlulları
ilə hopdurulmuş, sonra
katalizator 120-150
o
C-də qurudulmuş və hava axınında 550
o
C-də közərdilmişdir. Təcrübələr atmosfer