Raqobat muhitini shakllantirishning asosiy vazifalari quyidagilar hisoblanadi:
xo‘jalik majmuilari: savdo, qurilish, sanoat va transportning yirik korxonalarini monopoliyadan chiqarish bo‘yicha birinchi navbatdagi tadbirlarni amalga oshirish;
korxonalarni xususiylashtirishda ular faoliyatining raqobatdoshliligini va samaraliligini oshirish maqsadida bozor tuzilmasi hisobini olish;
O‘zbekiston Respublikasi bozorlarida samarali raqobatlashish uchun zarur tashkiliy-iqtisodiy shart-sharoitlar yaratish;
tadbirkorlikni rivojlantirish;
O‘zbekiston Respublikasi bozorlarida tovarlar, xizmatlar va sarmoyalarning erkin yurishi uchun iqtisodiy hamda ma’muriy to‘siqlarni bartaraf etish;
bozorlarga yangi raqobatlashuvchi tuzilmalarning kirib kelishi uchun moliya-iqtisodiy, tashkiliy va huquqiy to‘siqlarni kamaytirish.
Tashqi iqtisodiy aloqalar va xorijiy investitsiyalarni jalb etish:
«O‘zbekistonda biznesni qanday amalga oshirish kerak» mavzuida xalqaro seminarlar va anjumanlar o‘tkazish;
huquqni himoya qilishga oid qonunchilikni, xorijiy investorlar uchun kafolatlar va imtiyozlar berishni takomillashtirish;
mumkin bo‘lgan potensial xorijiy investorlardan yaxshilarini jalb etishga qaratilgan muzokaralar olib borish yo‘li bilan xususiy firmalarni jalb etgan holda sarmoyani joylashtirish;
ochiq-oydinlik asosida va maxsus investitsiya savdolari orqali, shuningdek, boshqa institutlar va mexanizmlar vositasida tenderlar o‘tkazish;
Soliq va bojxona imtiyozlari berilishini yanada tartibga solish chora-tadbirlari
Mamlakatimizda raqobatbardosh ishlab chiqarishni rag‘batlantirish, tadbirkorlikni va sog‘lom raqobat muhitini qo‘llab-quvvatlash, mamlakatning eksport salohiyatini kengaytirish va rag‘batlantirish hamda ichki bozorni sifatli iste’mol tovarlari bilan ta’minlashga yo‘naltirilgan soliqqa tortish va bojxona-tarif tizimini tartibga solish samarali tizimini shakllantirish bo‘yicha keng qamrovli ishlar olib borilmoqda.
Dostları ilə paylaş: |
