kurare», yəni «prokuror» sözünün mənası «qayğıya qalmaq»
deməkdir.
Azərbaycan dövlətinin prokurorluq orqanları qarşısında
qoyduğu vəzifə insan haqlarını, vətəndaş hüquqlarını
qorumaqdan, deməli, onların qayğısına qalmaqdan ibarətdir.
Hələ qədim Romada «prokurator» adlı məmur vəzifəsi
mövcud olub. Qədim Şərq dövlətlərində və Yunanıstanda belə bir
təsisatın əsas təyinatı birinci növbədə dövlət hakimiyyətinin
göstərişlərinin icrasına nəzarətdən, ikincisi isə məhkəmədə
ittihamı həyata keçirməkdən («natiqlər») ibarət idi. İranın tarixinə
dair mənbələrdə Əhəmənilər dövründə müxtəlif məhkəmə işlərinə
baxılması zamanı prokurorluq funksiyalarını həyata keçirən
«mühüm şəxslər» barədə məlumatlara rast gəlinir. Sırf dövlət
idarəetmə mexanizminin tərkib hissəsi kimi prokurorluğun əsası
ilk dəfə XIV əsrin əvvəllərində Fransada qoyulmuşdur. Fransız
prokurorluğunun banisi kral IV Filipp hesab edilir. Həm Qərb
ölkələri, həm də Rusiya prokurorluğuna böyük təsiri olan Fransa
prokurorluğunun təşkili və fəaliyyəti haqqında qanun 1586- cı
ildə qəbul edilmişdir. Rusiyada prokurorluq I Pyotrun 12 yanvar
1722-ci il tarixli fərmanı ilə təsis olunub. Bu orqanın əsas
vəzifələri və prinsipləri «Baş prokuror vəzifəsi haqqında» 27
aprel 1722-ci il tarixli formanla müəyyən edilmişdir.
1813-cü il Gülüstan və 1828-ci il Türkmənçay müqavilələri
ilə Azərbaycanın parçalanmasının əsası qoyulur və Şimali
Azərbaycan işğal olunur. 1841-ci il yanvarın 1-dək Azərbaycanda
çar Rusiyasının komendant idarəçilik sistemi tətbiq edilir. Bundan
sonrakı dövrdə Zaqafqaziya da ümumrusiya mülki idarəetmə
sisteminə keçirilir, prokuror nəzarəti təsis edilir. 1862-ci ildə
qəbul edilən «Prokurorluq haqqında əsas müddəalar» Rusiyada
prokuror nəzarətinin təyinatını, onun predmetini, prokurorların
vəzifə və səlahiyyətlərini müəyyən edir.
— ^ -■
^208
=
Azərbaycanda prokuror nəzarətini Bakı və Yelizavelpol
quberniyaları, dairə məhkəmələrinin prokurorları və onların
müavinləri, Azərbaycan məhkəmələri üçün apellyasiya hüququna
malik Tiflis Məhkəmə Palatasının prokuroru və onun müavinləri
həyata keçirirdilər. 1868-ci ilin fevralında Azərbaycanda
tərkibində müvafiq prokuror nəzarəti və istintaq hissələri olan 13
yeni idarə yaradıldı.
Müstəqil Azərbaycan dövlətinin prokurorluq tarixinə
gəldikdə isə, prokurorluq orqanlarımızın bu tarixi Azərbaycan
Xalq Cümhuriyyəti hökumətinin 1 oktyabr 1918-ci il tarixli qərarı
ilə qoyuldu. Həmin qərarla Bakı Dairə Məhkəməsinin və onun
tərkibində prokurorluq orqanlarının fəaliyyəti bərpa edildi. Xalq
Cümhuriyyəti kimi müstəqil prokurorluğumuzun da həmin
dövrdəki ömrü, təəssüf ki, çox qısa oldu.
Azərbaycan SSR MİK 1922-ci ildə Azərbaycan SSR
Prokurorluğunu təşkil etdi. Prokurorluq Ədliyyə Komissarlığının
tərkibində təşkil olundu. Ona ədliyyə komissarı - Respublika
prokuroru rəhbərlik edirdi.
1936-cı ildə müttəfiq respublika prokurorluqları, eləcə də
Azərbaycan SSR prokurorluğu müttəfiq respublika ədliyyə
komissarlıqlarından ayrılaraq birbaşa SSSR Prokurorluğuna tabe
edildi. O vaxtdan indiyə kimi prokurorluq orqanlarının
fəaliyyətini tənzimləyən bir çox qanunvericilik aktları qəbul
edilmişdir.
30 noyabr 1979-cu il tarixdə SSRİ Ali Sovetinin 2-ci
sessiyasında «SSRİ Prokurorluğu haqqında» Qanun qəbul
edilmişdir. Bu qanun 1,2, 15, 16, 17, 18, 22, 23, 26, 27, 28, 29, 32,
33-cü maddələrində qanunların icrasında prokurorun nəzarət
funksiyalarını, vəzifələrini, müttəfiq respublikaların muxtar
respublika, diyar, vilayət, şəhər, müxtar vilayət, muxtar mahal,
rayon və şəhər proku-rorluqlarmın, hərbi prokurorluqların
prokurorlarının, müstəntiqlərinin tabeçiliyini, quruluşunu,
prokurorun qanunların dövlət idarə orqanları,
^
-
-------
209
----------- —
müəssisələr, idarələr, təşkilatlar, vəzifəli şəxslər və vətəndaşlar
tərəfindən icrasına nəzarət formasını, səlahiyyətini, ibtidai
istintaqa nəzarət formalarım, səlahiyyətləri, məhkəmə qərarlarının
qanunliyinə nəzarət formasını təsdiq etmişdir.
«SSRİ prokurorluğu haqqında» Qanunla prokuror
nəzarətinin ənənəvi olaraq təşəkkül tapmış sahələri, bu sahələrin
hər birində prokurorların vəzifə və səlahiyyətlərinin dürüst
müəyyən edilməsi ilə inkişaf etdirilirdi.
Qanunda prokuror nəzarətinin sahələri, anlayışı və onların
sayı ənənəvi olaraq aşağıdakılar üzrə müəyyən edilirdi:
1)
dövlət idarəçilik orqanları, müəssisələr, idarələr,
təşkilatlar, vəzifəli şəxslər və vətəndaşlar tərəfindən qanunların
icrasına nəzarət (ümumi nəzarət); Qanunun 22-ci maddəsinə
əsasən, ümumi nəzarətin iki istiqamətdə həyata keçirilməsi
nəzərdə tutulurdu: a) hüquqi aktların qanuniliyinə nəzarət; b)
vəzifəli şəxslər və vətəndaşlar tərəfindən qanunların dürüst və
eyni cür icrasına nəzarət;
2)
təhqiqat və ibtidai istintaq orqanları tərəfindən qanunların
icrasına nəzarət;
3)
məhkəmələrdə işlərə baxılması zamanı qanunların icrasına
nəzarət;
4)
müvəqqəti saxlama yerlərində, ibtidai həbs yerlərində,
məhkəmə tərəfindən təyin edilən cəzaların, məcburi xarakterli
digər tədbirlərin icrası zamanı qanunlara əməl edilməsinə nəzarət.
Bundan əlavə, prokurorluğun fəaliyyətinin aşağıdakı əsas
istiqamətləri də müəyyən edilirdi:
-
sosialist mülkiyyətinin mühafizəsi haqqında qanunların
pozulmasına qarşı mübarizə;
-
cinayətkarlığa və digər hüquq pozuntularına qarşı
mübarizə, cinayətlərin istintaqı, cinayət törətmiş şəxslərin cinayət
məsuliyyətinə cəlb edilməsi, cinayətə görə məsuliyyətin
labüdlüyünün təmin edilməsi;
--------
210
-^--^=- -
Dostları ilə paylaş: |