|
![](/i/favi32.png) MühaziRƏ 1 Mülkü müdafiənin əsasları, qüvvə və vasitələriTəhlükəli maddələrin aşkarlanması metodları
|
səhifə | 51/78 | tarix | 29.03.2023 | ölçüsü | 4,5 Mb. | | #103596 |
| mülki müdafiəTəhlükəli maddələrin aşkarlanması metodları
Mülki müdafiə üzrə mülki təşkilatların yaradılmasına dair metodik tövsiyələr kimyəvi təhlükəli və ya kimyəvi təhlükəli maddələr istehsalı və istifadəsi ilə məşğul olan obyektlərdə radiasiya və kimyəvi müşahidə postlarının yaradılmasını tələb edir. Kimyəvi müşahidə postlarının əsas məqsədi aşağıdakılardır:
- radiasiya, kimyəvi, bakterioloji (bioloji) və meteoroloji müşahidələrin aparılması;
- əhalinin radiasiya, kimyəvi və bakterioloji (bioloji) çirklənmə haqqında xəbərdar edilməsi;
- çirklənmə ərazilərinin sərhədlərinin müəyyənləşdirilməsi;
- ərazidə radiasiya və havanın zəhərləyici maddələrlə çirklənməsi səviyyəsinin dəyişməsinə dair nəzarətin aparılması;
- havadan, sudan, torpaqdan, bitki örtüyündən nümunələrin götürülməsi və onların müayinə üçün laboratoriyaya göndərilməsi.
Radiasiya və kimyəvi kəşfiyyat bölməsi öz-özlüyündə bir vahid kimyəvi müşahidə postu (KMP) təşkil edir. Bölmə müşahidəni, adətən, kimyəvi kəşfiyyat avtomobilindən aparır. KMP-la yaxşı görünüş sahəsinə malik olmalı və gizlədilməlidir. Bu kimi postlar meşə kənarında və ya görünən oriyentirlər yanında qurulmamalıdır. Bəzi hallarda müşahidəçilər səngərlərdə və ya xüsusi təchiz edilmiş müşahidə səngərlərində yerləşdirilməlidir. KMP-larda rəhbərlik bölmə komandiri tərəfindən həyata keçirilir. Kəşfiyyat zamanı komandirlə əlaqə radiostansiya və ya simli rabitə vasitəsilə baş verir. Hər hansı bir radiasiya və ya kimyəvi zədələnmə aşkar olunarsa, bölmə komandiri xüsusi həyəcan siqnalı verir və bu barədə komandirə (rəisə) məruzə edir. Bundan sonra müşahidəçi fərdi mühafizə vasitələrini hazır vəziyyətə gətirir və radiasiya səviyyəsini, zəhərli maddələrin növünü müəyyən edərək nəticələr haqqında bölmə komandirini məlumatlandırır, eləcə də növbədənkənar meteoroloji ölçmələr aparır. Növbə təhvil verildikdə yeni gələn müşahidəçi müşahidə nəticələri ilə tanış edilir, ona nəyə xüsusi diqqət yetirilməsi anladılır və müşahidə postunun avadanlığı təhvil verilir.Bölmə komandiri müşahidəçinin məruzəsini alaraq onun verdiyi məlumatları yoxlamalı və kimyəvi müşahidə postunu irəli çəkən komandirə (rəisə) məruzə etməlidir. Sonra müşahidə nəticələri bölmə komandiri tərəfindən müşahidə jurnalında qeyd edilir, nəzarət rayonunda zədələnmiş ərazinin və havanın kəşfiyyatı, radiasiya səviyyəsinə nəzarət təşkil edilir.
Radiasiya və kimyəvi müşahidə jurnalında aşağıdakı parametrlər öz əksini tapır:
- ölçülmə vaxtı;
- radiasiya səviyyəsi, R/san;
- ölçülmə yerinin koordinatları;
- zəhərləyici maddənin istifadə (aşkaredilmə) vaxtı;
- zəhərləyici maddənin tipi;
- istifadə vasitələri;
- zəhərləyici maddələrin istifadə (aşkarlanması) yeri, koordinatları;
- zədələnmiş ərazinin həcmi, m;
- kimə və nə zaman məruzə edilmişdir (vaxtı, adı və soyadı).
Dostları ilə paylaş: |
|
|