Mühazirə Ümumtəhsil məktəblərində riyaziyyat kurikulumununun əsas xüsusiyyətləri. Plan

8. Məzmun xətləri

Məzmun xətti fənn üzrə ümumi təlim nəticələrinin reallaşdırılamsını təmin etmək üçün müəyyən edilən məzmunun zəruri hesab olunan hissəsidir. Məzmun xətləri şagirdlərin öyrənəcəyi məzmunu daha aydın təsvir etmək üçün müəyyən olunur və onu sistemləşdirmək məqsədi daşıyır.

Mövcud dünya təcrübəsinin öyrənilməsi və təhlili əsasında riyaziyyat təliminin aşağıdakı məzmun xətləri müəyyən edilmişdir:

• 
  Ədədlər və əməllər;
  
• 
  Cəbr və funksiyalar;
  
• 
  Həndəsə;
  
• 
  Ölçmələr;
  
• 
  Statistika və ehtimal.
  

Riyaziyyat fənninin məzmun standartları sinifdən-sinifə dəyişsə də məzmun xətləri müəyyən mənada bütün siniflərdə dəyişməz qalır( Lakin kurikulumun hazırlanması prosesdə məzmun xətlərinin hər birindəki məzmunun sadədən mürəkkəbə doğru dəyiməsi, dərinləşməsi və genişləndirilməsi nəzərdə tutulmalıdır). Buna görə də məzmun xətləri yalnız kurikulumun quruluşunu tərtib etməyə və bu halda mülahizə yürütməyə xidmət edir.