53
kategoriyalaridan
“Physics”
boʻlimi tanlanadi. Bu boʻlimdan
“motion”
ya’ni
harakat boʻlimi tanlanadi. Bu boʻlim ichida harakatga bogʻliq simulyatsiyalar
jamlangan. Ular ichidan gravity-and-orbits_en.jar simulyatsiyasi tanlanadi.
Simulyatsiya yuklab olinib oquvchilarga namoyishga tayyorlanadi.
Buning uchun
bizga kompyuter va proektor bilan taminlangan xona zarur boʻladi.
Simulyatsiya yangi mavzuni oʻtish jarayonida ma’ruza haqida qisqacha
ma’lumot berilgandan keyin namoyish qilinishi maqsadga muvofiq. Shunda biz
ma’ruza jarayonini namoyish bilan uygʻunlikda olib borishimiz mumkin.
Oʻquvchilarda eshitish sezgi organi bilan koʻrish sezgi organlaridan birgalikda
qabul qilinayotgan informatsiyalar xotirada chuqirroq saqlab qolinadi.
Simulyatsiya ochilganda ekranda quyidagi oyna ochiladi.
Koʻrib turganimizday markazda sariq
rangda Quyosh tasvirlangan, uning
yonida esa yer sayyorasi tasvirlangan. Oʻng tomondagi uskunalar paneli orqali
harakatning turli koʻrinishlarini koʻrishimiz mumkin. Bular:
1. Yerning Quyosh atrofidagi harakati.
2. Yer va Oyning Quyosh atrofidagi harakati.
3. Oyning Yer atrofidagi harakati.
4. Sun’iy yoʻldoshning Yer atrofidagi harakati.
54
Bundan tashqari bu panelda gravitatsiyani yoqish yoki oʻchirish, gravitatsiya
kuchining yoʻnalishini
koʻrsatish, tezlanishning yoʻnalishini koʻrsatish,
traektoriya va koordinatani koʻrsatish tugmalari joylashtirilgan.
Undan tashqari
Quyosh va Yerning hajmi(massasi)ni oʻzgartirish mimkin. Simulyatsiyada aylanish
tezligini oshirish yoki koʻrinish maydonini kattalashtirish mumkin. Reset va Reset
all tugmalari orqali esa barcha oʻzgartirishlar va harakat jarayonini qaytadan
boshlashimiz mumkin. Tugmasi orqali harakatni boshlashimiz mumkin. Mavzu
yuzasidagi harakat turini oʻquvchilarga namoyish qilish uchun 2-harakat
turini
tanlab harakatni boshlash tugmasini bosaniz. Oy va Yerning traektoriyasini koʻrish
uchun Path tugmasini yoqamiz. Bu holda ekranda quyidagi koʻrinish hosil
boʻladi.
Oʻuvchilarga mavzu yuzasidan nazariy ma’lumotlarni berish bilan birgalikda
simulyatsiya namoyish qilinadi va buning orqasidan ularning koʻnikmalari
shakillantiriladi. Gravitatsiya kuchi va tezlanishning yoʻnalishi yoqilib
oʻquvchilarga koʻrsatiladi. Gravitatsiyani oʻchirsak yoki Quyosh va Yer
massalarini har xil tarzda oʻzgartirsak qanday holat yuz berishini koʻrsatiladi. Bu
esa oʻquvchilarda mavzu yuzasidagi qonun va qonuniyatlarni
chuqur anglashda
katta samara beradi.
Xulosa
Bugungi kunda ta’lim sohasida ta’lim jarayonini interfaol tarzda tashkil qilish,
darslarni yangi pedagogik va axborot texnologiyalariga boyitgan holda oʻqitish
kerakligi bot-bot takidlanmoqda. Lekin shuni aytib oʻtish joizki, koʻp hollarda bu
faqat quruq gapligicha qolib ketmoqda. Dars jarayoni avvalgidek ananaviy tarzda
oʻtkazilmoqda. Toʻgʻri har bir darsni pedagogik texnologiyalar, interfaol metodar
bilan oʻtish toʻgʻri kelmas. Bunda oʻquvchilar dars jarayonidagi «oʻyin» holatiga
koʻnikib qolib, dars jarayonidagi ma’lumotlarni jiddiy qabul qilmasliklari mumkin.
Lekin texnologiyalar oʻz oʻrnida meyorida qoʻllanilsa ta’lim sifatini oshirishi
shubhasiz.
Texnologiya birinchi navbatda oʻquvchilarni dars jarayoniga qiziqtira olishi va
ikkinchi tarafdan bilimlarni osonroq egallashlariga yordam berishi kerak.
Shu jihatlarni hisobga olgan holda bitiruv malakaviy ishim orqali “PhET
Interactive Simulations dasturi yordamida Yer
va Oyning Quyosh atrofidagi
harakati mavzusini oʻqitish”ni yoritib berdim.
Bitiruv malakaviy ishimni yoritishda zamonaviy axborot va pedagogik
texnologiyalarini qoʻlladim. Bu, bugungi kunda biroz oʻquvchilar qiziqishlaridan
chetda qolayotgan astronomiya sohasiga qiziqishlarini orttirishiga ishonaman.
Undan tashqari oʻquvchilarni axborot texnologiyalardan toʻgʻri foydalanishlariga
undaydi deb oʻylayman.
Bitiruv malakaviy ishim orqali umumiy oʻrta ta’lim maktablari 9-sinflari uchun
va akademik litsey talabalari uchun Yer va Oyning
Quyosh atrofidagi harakati
mavzusida namunaviy dars ishlanmalar taqdim qildim. Bu dars ishlanmalarni
amalda dars jarayonida qoʻllashni taklif qilaman va bu darsning samarali oʻtishini
ta’minlaydi deb oʻylayman.
Dostları ilə paylaş: