Mundarija kirish

Uskunalar va kommunikatsiyalarni ta’mirga tayyorlash va uni o‘tkazish
Barcha uskunalar va kommunikatsiyalar, «Sanoatkontexnazorat» Davlat inspeksiyasi yo‘riqnomalarining talablari va rejali-ogohlantiruv ta’mirlash grafigiga asosan ko‘rikdan o‘tkazish va ta’mirlashga qo‘yiladi.
Amalga oshirilgan ta’mirlash tavsifi apparat pasportida qayd etiladi. Apparat yoki sig‘im-idishning ichki ta’mirini amalga oshirish uchun quyidagilarni bajarish zarur:
- gazxavfli ishlarni olib borish rejasiga, gazxavfli ishlarni amalga oshirishga naryad-ruxsatnomaga ega bo‘lish;
- apparatni mahsulotdan bo‘shatish;
- mahsulotlarni qabul qilinishi va chiqishi quvuro‘tkazgichlarida berkituvchi moslamalarni zichlab yopish;
- bosimni apparatdan mash’alaga yoki atmosferaga chiqarib yuborish;
- zaglushkalarni o‘rnatish yo‘li bilan barcha quvuro‘tkazgichlardan apparatni izoliyatsiya qilish. Zaglushkalar shartli diametr va bosim, raqamlar qo‘yilgan chiquvchi «dumchalar» larga ega bo‘lishi shart. Zaglushkalar qalinligi tegishli bosimga hisob-kitob qilish bilan tekshirilgan bo‘lishi shart. O‘rnatilgan zaglushkalar soni va ularning joylashgan joyi zaglushkalarni o‘rnatish kitobida qayd qilingan bo‘lishi shart;
- aralashma qoldig‘ini apparatdan bug‘ bilan dam berish yo‘li orqali chiqarib yuborish, bunda bug‘o‘tkazgichning metall qismi yertutashtirish qilingan bo‘lishi shart;
- aralashma qoldig‘ini nasosdan siqiq havo bilan dam berish yo‘li orqali chiqarib yuborish;
- yo‘riqnomaga asosan apparatni yuqori lyukdan boshlab ochish.
Apparat sovugandan va shamollatilgandan so‘ng, mahsulot yo‘qligiga tahlil olinishi zarur. Qoniqarli tahlil olinganda, apparatdagi barcha ishlar, apparat ichkarisida ishlarni amalga oshirishga rasmiylashtirilgan naryad-ruxsatnoma mavjud bo‘lganda olib borilishi mumkin. Ichki ta’mirlashlarda, 12 v kuchlanishdagi portlashxavfsiz yoritkichlardan foydalanish zarur. Olovli ishlarni amalga oshirish zarur bo‘lgan hollarda, ularni o‘tkazishga naryad-ruxsatnoma rasmiylashtirilishi zarur. Olovli ishlar joyi ichkarida ham, tashqarida ham zaruriy o‘t-o‘chirish vositalari bilan jihozlangan bo‘lishi shart. Apparatlar armaturasi, ijro etuvchini ko‘rsatgan holda, defekt vedomostiga asosan ta’mirlanadi. Qozonni nazorat qiluvchi apparatlarning payvandli choklarini tekislash qat’iyan taqiqlanadi.