4} Konstitusiya hüquq normaları bir çox hallarda
özünəməxsus realizə mexanizminə malikdir. Konstitusion
normaların bir hissəsi digər hüquq sahəsi normalarında
olduğu kimi bilavasitə konkret hüquq normalarında realizə
edilmir. Bu cür normaların realizə edilməsi üçün çoxmər-
hələli geniş fəaliyyət tələb olunur. Belə normaların bəziləri
birbaşa dövlət quruluşu, ölkədə demokratiyanın səviyyəsi ilə
bağlıdır.
Məsələn,
Azərbaycan
Respublikası
Konstitusiyasının 4-cü maddəsində müəyyənləşdirilir ki,
xalqın seçdiyi səlahiyyətli nümayəndələrdən başqa, heç kəsin
xalqı təmsil etmək, xalqın adından danışmaq və xalqın
adından müraciət etmək hüququ yoxdur. Bu normanın realizə
edilməsi üçün xalqı təmsil edən orqan yaradılmalı, onun
səlahiyyətləri müəyyənləşdirilməli, hansı hallann bu normaya
zidd olması cinayət qanunvericiliyi ilə müəyyən edilməli,
təmsilçilik nəzəriyyəsi işlənib hazırlanmalı və praktikaya
çevrilməlidir. Bütün bunlar isə çoxsaylı tədbirlərin
görülməsini tələb edir və konkret bir hüquq münasibəti ilə bu
normanın göstərişlərini realizə etmək qeyri-mümkündür.
5)
Konstitusiya hüquq normaları həm də özünün təsbi-
tolunma mənbəyinə görə fərqlənir. Əsas konstitusiya hüquq
normaları Azərbaycan Respublikasının ali hüquqi qüvvəyə
malik aktında - Konstitusiyasında öz əksini tapır. Bu
normalar digər konstitusiya hüquq normalarından daha
əhəmiyyətlidir, ona görə ki, burada ən əsas məsələlər tənzim
olunur və bu normalar xalqın birbaşa iradəsinə söykənir.
Konstitusiya hüquq normaları özünün məzmununa görə
də bir-birindən fərqlənir. Bu normalar konstitusiya
hüququnun predmetinə daxil olan ən müxtəlif münasibətləri
nizamlayır. Normaları bu əsasla institutlar üzrə qruplaş-
— 34 —
dırmaq olar. Məsələn, vətəndaşlıqla bağlı normalar,
özünüidarəetmə ilə bağlı normalar və s.
6)
Hüquq normaları, o cümlədən konstitusiya hüquq
normaları özünün hüquqi qüvvəsinə görə də fərqlənir. Ən
yüksək hüquqi qüvvəyə malik normalar konstitusiyada əks
olunur. Daha sonra qanunlarda nəzərdə tutulan normalar
gəlir. Qanunqüwəli aktlarda nəzərdə tutulan normalar
qanunlara zidd ola bilməz.
7)
Göstərişin xarakterinə görə konstitusiya hüquq
normaları səlahiyyətverici, məcburedici və qadağanedici
normalara bölünür. Səlahiyyətverici normalar subyektə
müəyyən hərəkəti etmək imkanı verən normalardır.
Azərbaycan Respublikası Konstitusiyasının 109-cu, 94-cü və
95-ci maddələri belə normaya misal ola bilər. Məcburedici
normalar aktiv şəkildə müəyyən davranış aktını həyata
keçirməyi subyekt üçün öhdəlik kimi müəyyən edir. Subyekt
normada müəyyənləşdirilən qaydanı məcburən həyata
keçirməlidir. Vətəndaşlann konstitusion vəzifələrinin təsbit
olunduğu normalar məcburedici normalardır. Qadağanedici
normalar subyektə hər hansı hərəkəti etməyə imkan vermir və
onu müvafiq hərəkəti etməyə deyil, etməməyə təhrik edir. Bu
cür normalara qadağa qoyulan konkret hərəkəti etməməklə
riayət edilir. Qadağa qoyulan hərəkəti etməklə subyekt
normanın göstərişini pozmuş olur. Məsələn, Azərbaycan
Respublikası Konstitusiyasının 6-cı maddəsi hakimiyyətin
həyata keçirilməsi səlahiyyətinin mənimsənilməsini qadağan
edir. Hakimiyyəti yalnız sivil, konstitusion yolla - seçkilər
yolu ilə əldə etmək olar. Hər hansı başqa şəkildə hakimiyyəti
əldə etmək onu mənimsəmək hesab olunur. Belə əməllər isə
6-cı maddə ilə qadağan olunduğuna görə subyektin
qanunvericilikdə
— 35 —
nəzərdə tutulan məsuliyyətə cəlb edilməsi üçün hüquqi əsas
olacaqdır.
8)
Konstitusiya hüquq normaları həm də göstərişlərinin
subyektə davranış sərbəstliyi verib-verməməsinə görə
fərqlənirlər. Bu əsasla normalar dispozitiv və imperativ
normalara bölünür. İmperativ normalar subyektə normada
nəzərdə tutulan davranışla bağlı hər hansı bir müstəqillik
vermir və subyektin əlavə davranış variantını seçmək imkanı
yoxdur. Məsələn, Azərbaycan Respublikası Konstitusiyasının
145-ei maddəsinin III hissəsində birbaşa müəyyən edilir ki,
«yerli vergilər və ödənişlərlə bağlı qərarlar bələdiyyə
üzvlərinin üçdə iki səs çoxluğu ilə qəbul edilir». Bu norma
birmənalı olaraq bələdiyyələr üçün yerli ödənişlər və
vergilərlə bağlı qərarların qəbulu qaydasını müəyyən edir.
Həmin normadan kənara çıxmağa və öz iradəsinə müvafiq
olaraq bələdiyyənin hər hansı əsasla yerli vergi və ödənişlərlə
bağlı qərar qəbul etməsi artıq qeyri-hüquqi sayılır. Dispozitiv
normalar isə əksinə, subyektə normada nəzərdə tutulan
göstərişi yerinə yetirən zaman davranış sərbəstliyi verən
normalardır. Adətən, belə normalarda ya davranışın bir neçə
variantı təsbit edilir və subyekt də onlardan birini seçməyə
haqlıdır, ya da ümumiyyətlə, normanın müəyyən etdiyi
davranışı həyata keçirib-keçirməmək məsələsi subyektin öz
ixtiyarına buraxılır. Məsələn, Azərbaycan Respublikası
Konstitusiyasının 62-ci maddəsi müəyyən edir ki, «hər kəsin
onun işinə qanunla müə
5
^ən edilmiş məhkəmədə baxılması
hüququ vardır. Şəxsin razılığı olmadan onun işinə başqa
məhkəmədə baxılmasına yol verilmir». Burada şəxsin razılığı
məsələsi onu göstərir ki, bu normanın tətbiqi dispozitiv
xarakterlidir. Yəni norma subyektə müəyyən davra
— 36 —
Dostları ilə paylaş: |