burada ayrı-ayrı fərdlərin iradə müstəqilliyi minimuma
endirilir və ümumi mənafe əsas olduğuna görə ayrı-ayrı
fərdlərə öz iradələrindən və mənafelərindən ötrü nəyisə
dəyişməyə imkan verilmir. Əlbəttə, bu o demək deyil ki,
konstitusiya hüququ, ümumiyyətlə, dispozitiv nizamasalma
metodundan istifadə etmir. Elə münasibətlər var ki, burada
artıq fərdin müstəqilliyi, yəni öz iradəsinə görə hərəkət etməsi
həm də dövlətin və cəmiyyətin mənafeyinə uyğundur. Ona
görə də konstitusiya hüququnda imperativ metodla yanaşı
qismən dispozitiv metoddan da istifadə edilir. Məsələn,
seçkilərdə iştirak etmək hüququnu realizə etmək fərdin
özündən asılıdır. Burada ona davranış variantını seçmək
imkanı verilir, çünki dövlət özü seçkinin səmərəli olmasında
maraqlıdır. Səmərəli seçkiyə isə ancaq tam iradə azadlığı
hesabına nail olmaq olar. Bu zaman fərdin müstəqilliyi
dövlətin mənafeyi ilə üst-üstə düşdüyündən, imperativ deyil,
dispozitiv nizamasalma metodundan istifadə edilir.
Hüquq
sosial
hadisə
olduğuna
görə
cəmiyyətdən-cəmiyyətə müəyyən qədər fərqlənir. Aydındır
ki, ABŞ-nin konstitusiya hüququ ilə Fransanın konstitusiya
hüququ bir sahə olaraq bir-birindən fərqləndiyi kimi,
Azərbaycan Respublikasının konstitusiya hüququ da Türkiyə
Respublikasının, eləcə də istənilən digər bir ölkənin
konstitusiya hüququndan fərqlənir. Bununla belə, bütün
ölkələrin konstitusiya hüququ dövlət, şəxsiyyət və cəmiyyət
arasındakı əlaqələri tənzimləyir. Əlbəttə, Azərbaycan
Respublikasında da konstitusiya hüquq münasibətləri bu
prinsiplərlə
tənzimlənir.
Bu
baxımdan
deyilənləri
ümumiləşdirərək, konstitusiya hüququna belə bir tərif vermək
olar. Konstitusiya hüququ dövlət və cəmiyyətin təşkilinin, şəx
— 22 —
siyyətin hüquqi statusunun, yerli idarəetmənin və
özünüidarəetmənin əsaslarını tənzimləyən hüquq sahəsidir.
§ 4. Konstitusiya qanunvericiliyi və konstitusiya
hüququnun mənbələri
Qeyd etdiyimiz kimi, sahə elmi olmaq etibarilə konsti-
tusionalistika
konstitusiya
qanunvericiliyini
öyrənir.
Konstitusiya qanunvericiliyi konstitusiya hüququnun obyekti
olan
münasibətləri,
yəni
şəxsiyyət-cəmiyyət-dövlət
münasibətlərini, onların əsaslarını tənzimləyir.
Hər şeydən öncə, qeyd etmək lazımdır ki, qanunveri- cilk
sahəsi ilə hüquq sahəsi bir-birindən fərqlənir. Burada
qanunvericilik sahəsindən bəhs ediləcəkdir. Hüquq sahəsi
müəyyən normalann məcmusundan ibarətdir. Qanunvericilik
sahəsinə isə normativ hüquqi aktların məcmusu daxildir.
Hüquq sahəsi yekcins oxşar normaları özündə birləşdirir,
qanunvericilik sahəsinin konkret normativ hüquqi aktında isə
eyni zamanda bir neçə hüquq sahəsinə xas olan normalar ola
bilər. Hüquq sahələri predmetə və metoda görə
qruplaşdırıldığı halda, qanunvericilik sahəsi yalnız predmetə
görə qruplaşdırılır. Qanunvericilik sahələrinin sayı hüquq
sahələrinin sayından çoxdur.
Konstitusiya
qanunvericiliyi
daha
çox
imperativ
normalardan təşkil olunan və cəmiyyət, dövlət və şəxsiyyət
arasında yaranan hüquq münasibətlərinin əsaslarını
tənzimləyən bir qanunvericilik sahəsidir. Konstitusiya
qanunvericiliyi realhqdakı münasibətlərə tətbiq olunan
qaydaların əks olunduğu mənbə rolunda çıxış edir. Bu
qanunvericiliyə çoxsaylı aktlar daxildir. Hüququn mənbəyi
dedikdə, hüquq normalarının təsbiti üsulları, ifadə formaları
başa düşülür. Konstitusiya qanunvericiliyinin, habelə bütün
normativ hüquqi aktların əsasını konstitusiya təşkil edir.
— 23 —
Konstitusiya əsas münasibətləri tənzimləyən normaları
özündə cəmləyir. Bütün digər münasibətlərin əsasları bu və
ya digər dərəcədə konstitusiyada əks olunmuşdur.
Konstitusiya ən yüksək hüquqi qüvvəyə malikdir. O
yalnız hüquqi akt deyil, həm də hüquqi-siyasi aktdır. Bütün
normativ hüquqi aktlar konstitusiyaya uyğun olmalı, onun
konsepsiyası
və
hüquqtənzimləmə
prinsipləri
ilə
uzlaşmalıdır. Konstitusiya ilə normativ hüquqi aktlar
arasında ziddiyyət olarsa, konstitusiyanın normaları tətbiq
edilməlidir.
Konstitusiya qanunvericiliyinə, həm də müəyyən qrup
normativ hüquqi aktlar daxildir. Bu normativ hüquqi aktlar
dövlətin və cəmiyyətin təşkili əsaslarım müəyyən edən,
konstitusiyanın müddəalarını inkişaf etdirən və dəqiqləşdirən
aktlardır. Konstitusiyadan fərqli olaraq. Konstitusiya
hüququnun mənbəyini təşkil edən digər qanunlar özünün
hüquqi qüvvəsinə görə başqa qanunlardan fərqlənmir. Qanun
ən geniş və mühüm ictimai münasibətləri tənzimləyən
normativ hüquqi aktdır.
Bundan başqa, konstitusiya hüququnun mənbəyinə icra
hakimiyyəti orqanlarının normativ hüquqi aktları da daxildir.
İcra hakimiyyəti orqanlarının aktları qanunqüwəlidir. Yəni
bu aktlar qanunların əsasında verilir və qanunlarda- kı
müddəaları dəqiqləşdirir, inkişaf etdirir. Eyni zamanda bu
aktlar qanunvericilik iyerarxiyasında qanunlardan sonra
durur. Bunların arasında ziddiyyət olduqda isə, qanunun
göstərişi tətbiq edilir.
Dövrümüzdə qanunqüwəli aktların və ya inzibati aktların
konstitusiya hüququnun mənbəyi kimi çəkisi artmaqdadır.
Bir sıra məsələlər, demək olar ki, yalnız inzibati akt
səviyyəsində təsbit olunur və daha aşağı pillələrdə duran
normativ aktlarda inkişaf etdirilir. Buna səbəb odur
— 24 —
Dostları ilə paylaş: |