ki, inzibati aktlarla həll olunan məsələlərin dairəsi getdikcə
genişlənir. Bu aktlar içərisində Azərbaycan Respublikası
Prezidentinin fərmanları xüsusilə seçilir. Prinsipcə digər icra
hakimiyyəti orqanlarının normativ hüquqi akt- lan da
konstitusiya hüququnun mənbəyi ola bilər. Lakin bu, əslində
çox nadir hallarda olur. Konstitusiya hüququnun predmetini
təşkil edən məsələlərlə bağlı yerli icra hakimiyyəti başçıları
və ya mərkəzi icra hakimiyyəti orqanlarının rəhbərləri, demək
olar ki, hər hansı bir səlahiyyətə malik deyillər. Nəzərə almaq
lazımdır ki, qanunlardan fərqli olaraq, inzibati aktlar heç də
həmişə normativ olmur, konstitusiya hüququnun mənbəyini
isə yalnız normativ hüquqi xarakterli inzibati aktlar təşkil
edir.
Hər bir hüquq mənbəyi - qanun, fərman, qərar və s.
müəyyən əlamətlərə görə xarakterizə olunur. Hüquq üçün
belə özünəməxsus «ölçü vahidi» qanunun (normativ hüquqi
aktın) hüquqi qüvvəsidir. Aktın hüquqi qüvvəsi onun tətbiq
olunma həddini, imkanını bildirir. Hər bir akt 3 aspektdən
(ölçüdən) müəyyən hüquqi qüvvəyə malikdir:
1)
zamana görə;
2)
məkana görə;
3)
şəxslərə görə.
Aktın zamana görə hüquqi qüvvəsi onun hansı zaman
kəsiyində və ya hansı müddətə normativ hüquqi akt kimi
tətbiq ediləcəyini bildirir. Bir qayda olaraq, bütün normativ
hüquqi aktlar yalnız qəbul edildiyi vaxtdan sonra əmələ gələn
münasibətlərə şamil edilir. Normativ hüquqi aktın onun qəbul
edildiyi vaxta qədər yaranmış münasibətlərə şamil
olunmasına çox nadir hallarda təsadüf olunur. Azərbaycan
Respublikası Konstitusiyasının 149-cu maddəsinin VII
bəndində göstərilir ki, yalnız subyektin vəziyyətini
yaxşılaşdıran, hüquq məsuliyyətini aradan qaldıran
— 25 —
və ya yüngülləşdirən normativ hüquqi aktlar geriyə şamil
edilir. Başqa normativ hüquqi aktların qüvvəsi geriyə şamil
edilmir. Normativ hüquqi aktın qüvvəyə minməsi, adətən,
onun özündə göstərilir. Əgər normativ hüquqi aktın özündə
onun hüquqi qüvvəyə minmə tarixi göstəril- məyibsə,
0
zaman dəre olunduğu gündən qüvvəyə minir. Məsələn,
«Dövlət qulluğu haqqında» 21 iyul 2000-ci il tarixli
Azərbaycan Respublikası Qanununun 35-ci maddəsinə görə,
bu qanun 2001-ci il sentyabrın 1-dən qüvvəyə minmişdir.
Normativ hüquqi akt, bir qayda olaraq, ya bilavasitə
özündə müəyyən edilən tarixdə, ya yeni qəbul edilmiş
normativ hüquqi aktla, ya da onun nizamladığı münasibətləri
faktiki olaraq nizamlayan başqa akt verildikdə qüvvədən
düşür.
Normativ hüquqi aktın məkana görə qüvvəsi onun hansı
ərazidə tətbiq edildiyini bildirir. Normativ hüquqi aktın
qüvvədə olma məkanı dedikdə yalnız dövlətin sərhəddi- nin
hüdudları
daxilindəki
torpaq,
su
əraziləri
başa
düşülməməlidir. Normativ hüquqi aktın hüquqi qüvvəsi
dövlətin bayrağı altında üzən gəmilərinə, qurğularına, xarici
ölkələrdəki
səfirliklərinə,
konsulluqlarına,
hərbi
birləşmələrinə, dövlətin ərazisi üzərindəki hava məkanına,
habelə yerin təkinə də tətbiq edilir. Bir dövlətin qanununun
başqa dövlətin ərazisində tətbiqinə yalnız dövlətlərarası
müqavilələrlə yol verilir. Buna eksterritoriallıq deyilir.
Vətəndaş öz dövlətindən kənarda olduqda belə, mənsub
olduğu dövlətin qanunlarının hüquqi qüvvəsinin təsiri
məkanında hesab edilir. Dövlətin hərbi qüvvələri olduğu
yerdən asılı olmayaraq, yalnız öz dövlətinin qanunlanna tabe
olur.
26 —
Qanunun şəxslərə görə qüvvəsi həmin qanunun kimlərə
şamil edilməsini ifadə edir. Məsələn, hərbi qulluqçuların
statusunu müəyyən edən qanunlar hərbi qulluqçulara, sosial
müdafiəyə ehtiyacı olan şəxslərə imtiyazlar müəyyən edən
normativ hüquqi aktlar yalnız bu qəbildən olan vətəndaşlara,
dövlət qulluğunu tənzimləyən qanunvericilik dövlət
qulluqçularına şamil edilir.
§ 5. Konstitusiya hüququ hüququn aparıcı sahəsi kimi
Artıq məlum olduğu kimi, konstitusiya hüququ digər
hüquq sahələrindən fərqli olaraq, yalnız ən əsas münasibətləri
tənzimləyir. Bu münasibətlər digər hüquq münasibətlərinə
nisbətən ilkin və əsasdır. Bu isə konstitusiya hüququnu bir
hüquq sahəsi kimi digər sahələrdən fərqləndirən müəyyən
xüsusiyyətlər yaradır. Əslində konstitusiya hüququnun
aparıcı hüquq sahəsinə çevirilməsində bütün konstitusiya
qanunvericiliyi deyil, bilavasitə konstitusiya özü əsas rol
oynayır. Çünki qanunvericilik sistemində ən yüksək pillədə
istənilən konstitusiya qanunvericiliyi aktı deyil, yalnız
konstitusiya durur. Digər qanunvericilik aktları (qanunlar,
fərmanlar, təlimatlar, əsasnamələr və s.) qanunvericilik
sisteminin müxtəlif pillələrində qərar tuturlar və başqa
sahələrə aid olan qanunlardan özlərinin hüquqi qüvvəsinə
görə və ya hər hansı xüsusiyyətinə görə fərqlənmirlər.
Konstitusiya hüququnun hüququn aparıcı sahəsi olmasına
səbəb konstitusiyanın normalarıdır. Bu normalar xalqın
iradəsini bilavasitə əks etdirməkdən və əsas, vacib
münasibətləri müəyyən etməkdən əlavə, həm də başqa hüquq
sahələri üçün, belə demək mümkünsə, inkişaf istiqamətini,
onların başlıca prinsiplərini müəyyən edir. Məsələn, mülki
hüquq üçün ən əsas kate
— 27 —
Dostları ilə paylaş: |