müxtəlif nəticələri barədə mütləq xəstəyə məlumat
verilməlidir. Şəxsin fiziki toxunulmazlığı bir sıra hallarda,
xüsusilə də cinayət prosesində məhdudlaşdırıla bilər. Burada
fiziki toxunulmazlığın məhdudlaşdırılması cəmiyyətin və işin
istintaqı naminə əslində şəxsi müəyyən hərəkətə məcbur
etmək anlamına gəlir.
Psixi
toxunulmazlıq
şəxsin
psixikasının,
onun
orqanizminin psixi funksiyalarının toxunulmazlığını bildirir.
Bu səhhətə və psixi sağlamlığa zərər vuran metodlann
tətbiqinin yolverilməzliyi, hipnoz və digər xüsusi
metodlardan istifadə etməklə dindirmənin yolverilməzliyi,
psixi təzyiq göstərmənin yolverilməzliyi şəklində təzahür
edir. Bundan başqa, Azərbaycan Respublikasının Cinayət
Məeəllə- sində əks olunan bir çox normalar şəxsə psixi təzyiq
göstərməklə əldə edilmiş ifadə alınmasını qadağan edir,
prosessual qanunvericilik isə bu cür qanundan kənar yolla
əldə edilmiş sübutları sübut kimi qəbul etmir. Vətəndaşların
birbaşa özü və yaxın saydığı insanlarla bağlı olan,
açıqlanması onların mənafeyinə hər hansı şəkildə ziyan vuran
hər cür həyati məsələlər şəxsi həyat anlayışı ilə ehtiva edilir.
İnsan bəzən öz fəaliyyətinin müəyyən bir hissəsini
başqalarından gizlədir. Adətən, bu ya əxlaq normalarına görə
belə tələb olunduğu üçün həyata keçirilir, ya da şəxs
başqalarının münasibətinin onun üçün vacib məsələyə mənfi
təsir edəcəyini nəzərə alaraq bunu edir. Bu yolla fərd ona
məxsus olanı nəinki dövlətdən, həm də cəmiyyətin
arzuolunmayan təsirindən qorumuş olur. Bundan başqa,
insan fəaliyyətinin bir çox tərəfləri özünün xüsusiyyətlərinə,
mahiyyətinə görə daim gizli saxlanılır (məsələn, intim
münasibətlər). Bu cür məsələlərdə toxunulmazlığın
pozulması mövcud münasibətlərə mənfi təsir edir və
vətəndaşın mənafeyinə toxunur. Odur ki, qanun
— 158 —
vericilik şəxsi həyatın qorunması üçün sirr anlayışını
qanunvericilik sisteminə daxil edir. Lakin nəzərə almaq
lazımdır ki, sirr sadəcə olaraq şəxsi həyatla bağlı deyil, daha
geniş anlayışdır və zəruri hallarda fəaliyyət və ya başqa
hüquqi məsələ ilə bağlı cəmiyyətə informasiya ötürülməsinin
qarşısını alan xüsusi hüquqi institutdur. Sirr sayılan hər bir
məlumat və ya digər məsələ kütləvi informasiya kimi
cəmiyyətə çatdırıla, müzakirə edilə və qiymətləndirilə
bilməz. Yalnız qanunla qoyulan şərtlər tam ödəndikdən sonra
bu məsələlər sirr kimi onlara şamil edilmiş hüquqi rejimdən
çıxarıla bilər. Şəxsi münasibətlərin də böyük bir hissəsi lazım
gəldikdə sirr hesab olunur. Lakin insanın sirr hesab edib
başqalarından təbii olaraq gizlətdiyi məsələlərlə qanunun sirr
hesab edib müdafiəyə aldığı məsələləri fərqləndirmək
lazımdır. Bəzən bunlar üst-üstə düşməyə də bilər. Sırf şəxsi
sirlə peşə sirrini də fərqləndirək lazımdır. Peşə sirri, adətən,
şəxsə peşə fəaliyyətindən irəli gələrək etibar edilən, lakin
birbaşa ona deyil, başqasının şəxsi məsələlərinə aid olan
sirdir. Peşə sirrini şəxs ona görə qorumalıdır ki, burada
başqasının mənafeyi vardır. Peşə sirrinin daşıyıcıları
(vəkillər, müstəntiqlər, hakimlər, həkimlər, övladlığa
götürmə məsələləri ilə məşğul olan müvafiq işçilər və s.) bu
sirrin yayılmasına görə məsuliyyət daşıyırlar və bu sirr yalnız
qanunla və ya sirrin əslində məxsus olduğu şəxsin razılığı ilə
açıla bilər. Əlbəttə, peşə sahiblərinə həvalə edilən hər bir
şəxsi informasiya özlüyündə sirr əhəmiyyətinə malik deyil,
lakin müvafiq peşə sahibləri müraciət edənin tələbi olduqda,
məzmunundan asılı olmayaraq hər bir informasiyanı sirr kimi
qorumalıdırlar. Qanunla müəyyən edilmişdir ki, şəxsi sirr və
istintaq sirri sayılan məsə
— 159 —
lələrə dair işlərə məhkəmə baxışı zamanı qapalı məhkəmə
iclasında baxıla bilər.
Hər bir peşə sin'inə müəyyən faktlar daxildir. Məsələn,
tibb peşəsində bu faktlar tibbi yardım üçün müraciətin
özündən, pasientin xəstəliyinin prosesindən (diaqnoz-
qoyma, müalicə), xəstənin patoloji vəziyyəti haqqında hər
hansı digər məlumatlardan ibarətdir. Vəkil peşəsinin sirri
hüquqi yardımdan, müdafiə üçün müraciət faktının özündən,
cinayət hadisəsi və onun iştirakçıları haqqında hər cür
məlumatdan, iş üzrə iştirakçırahn şəxsi həyatı haqqında
cinayət və ya mülki işdən əldə edilən məlumatlardan, vəkilin
müttəhimlə hər hansı şəkildə saxladığı əlaqədən (yazışma,
ikitərəfli söhbət və s.) ibarətdir. Vəkilin şahid kimi
dindirilməsi qadağandır. İstənilən peşə üçün müvafiq peşə
sirrinin komponentlərinin göstərilən qaydada şərhini vermək
olar.
Şəxsi sirrin açılması ancaq qanunla qoyulmuş qaydada və
həddə həyata keçirilə bilər. Adətən, şəxsi sirr cinayətkarlıqla
mübarizə, sağlamlığın mühafizəsi və fövqəladə və ya hərbi
vəziyyətin tətbiqi zamanı açıla bilər. Şəxsi sirr və
toxunulmazlıq məsələləri daha çox şəxs cəza çəkərkən
məhdudlaşdırılır (göndərilən məhsulların, yazışmaların
yoxlanılması və s.). Şəxsi həyatla bağlı məlumatlar bəzən
cinayətin açılması üçün zəruri olur və bu zaman sirrin
daşıyıcısının istintaqa cəlb olunmasından asılı olmayaraq, bu
şəxsi sirr öz statusunu saxlayır. Şəxsi həyata aid məlumatlar
ekspertiza və s. istintaq hərəkətləri yolu ilə də müəyyən edilə
bilər. İnsanların bir-birinə müxtəlif rabitə vasitələri ilə
ötürdükləri informasiya da senzuraya məruz qala bilməz və
onların şəxsi sirr sayılıb-sayılma- masından asılı olmayaraq,
şəxs özü razı olmadığı təqdirdə ondan bu barədə hər hansı
əsas olmadan məlumat tə
— 160 —
Dostları ilə paylaş: |