11
İstedadlı tənqidçi Q.Yaşar yazır: Elçin Əfəndiyev “ gözəllik
uzaqda deyil, həyatımızda, məişətimizdədir” – prinsipi ilə hərəkət
edərək adi adamların daxilən gizlədib xəlvətdə saxladığı mənəvi
keyfiyyətləri hamımız üçün estetik sərvətə çevirir”. Bu ədalətli
qiymətə belə bir fikir də əlavə etmək olar ki, yazıçı bu adi
adamların heç birinin tərəfində dayanmır, onların həyatını,
mübarizəsini təsvir etdikcə bu adamların daxilində gizlənən və
qətrə-qətrə üzə çıxan bütövlükdə; - İnsan gözəldir! Təbiətin
yaratdığı ən gözəl varlıq insandır! – fəlsəfəsinin ifadəsinə çevrilir.
Müxtəlif əhvali-ruhiyyəli, müxtəlif fərdi həyat yolları keçən
adamların mənəvi aləminə eyni səviyyədə dərindən nüfuz etmək
qabiliyyəti onun yazıçılıq istedadının ən qüvvətli amillərindəndir.
Elçin Əfəndiyev uzun illər boyu Azərbaycan ədəbiyyatının ən
müxtəlif problemləri barədə keçmiş ittifaq mətbuatında çıxışlar
etmiş və bu professional səviyyəli yazıları ilə milli ədəbiyyatın
uğur və problemlərini işıqlandırmağa nail olmuşdur. Onun həm
bədii, həm də elmi-tənqidi yazılarında əsas özül sabitlikdir.
Ədəbiyyat elminin bu və ya digər sahəsi ilə, milli mədəniyyət və
mənəviyyatın ayrı-ayrı problemləri ilə bağlı fikir və qənaətlərin
sabitliyi, daha artıq dərəcədə qəlbən və ağlın gücü və işığı ilə
inandığı, tanındığı həqiqətlərdən üz çevirməmək, onları hər
şeydən qabaq milli mənəviyyatla bağlamaq, araşdırıb öyrənmək
adəti. Yazıçının bir çox tənqidi məqalələri dünya ədəbiyyatı və
mədəniyyəti kontekstini əhatə edir. Bu tipli yazıları diqqətlə
nəzərdən keçirdikdən sonra dərk edirsən ki, əsas məqsəd yenə də
məhz milli ədəbiyyatın indiyə kimi gün işığı düşməyən, kölgədə
qalan cəhətlərini öyrənməkdir. Elçin müəllim təsvir etdiyi
obrazları içinəcən, daxili aləminin bütün çalarlarınacan görməyi
bacarır, bu görüntülərdə ən dəqiq, ən səciyyəvi olan cizgiləri seçə
bilir. Yazıçı nə elmi, nə də bədii yaradıcılığında rəng adiliyi,
12
həyata münasibətin birtərəfliliyi ilə barışmır. Əsərlərində varlığın
şeriyyətini açır, ehtiyac duyanda onun sərt və acı həqiqətlərini
göstərir. Dinamiklik, hadisələri daxildən açıb mənalandırmaq,
surəti təbii və həyati ifadə etmək onun hekayələri ilə povestləri
arasında rabitə yaradır.
Elçin müəllim mövzu seçəndə, həyatın
bir “parçası”nı təsvir edəndə, surətin daxili-mənəvi aləminə
enəndə heç kimə bənzəmir, həmişə özünün üslubuna, şirin və
axarlı yazı tərzinə sadiq qalır, geniş əhatəli təbiət təsvirləri vermir,
əlavə haşiyələrlə düşünmür, bir qayda olaraq mahiyyətə,
psixologiyaya, his və düşüncə aləminə enir, surətin daxilində
gizlətdiyi ziddiyyətləri, qeyri-adi keyfiyyətləri açır. Buna görə də
oxucu bu istedadlı sənətkarın yaratdığı surətlərin taleyi, əxlaqi-
mənəvi keyfiyyətləri, istək və arzuları, onların özlərinə məxsus
hərəkət və fəaliyyətləri ilə maraqlanır.
Elçin Əfəndiyev “Yaxın, uzaq Türkiyə” əsərində özünü işgüzar
bir tədqiqatçı kimi göstərir. Türkiyədəki kitabxanalardan,
arxivlərdən əldə etdiyi məlumat, dövri mətbuatı hərtərəfli
nəzərdən keçirməsi nəticə etibarilə onun oçerklərinin elmi və
faktik sanbalını daha da artırır. Elçin Əfəndiyevdə görmək,
seçmək, səciyyəvini sənətə gətirə bilmək, ümumiləşdirmək və
mənalandırmaq, gözəlliyi məişətdə, yaşayışda, davranış və
münasibətdə axtarıb tapmaq bacarığı çox güclüdür. Onun bədii
nəsrində hər şeyin, hər kəsin öz yeri, öz məqamı, öz məna və
məzmunu var. Yazıçı rəmzdən, bədii-fəlsəfi şərtilikdən, kəskin
məcazdan cəsarətli istifadə edir, psixoloji əhvali-ruhiyyəni detalda
əyaniləşdirən mizanlar və cizgilər axtarır, onları görümlü, baxımlı,
obrazlara çevirən epitetlər tapır. Məhz bu epitetlərin təşkil etdiyi
bir mozaikada bəzən nağıl və hekayə, əfsanə və həqiqət bir- biri
ilə
barışa və qaynayıb qarışa bilir. Elçin müəllimin
laboratoriyasında yerində istifadə oluna bilən bir çox vasitələr
13
vardır. Hazırla keçmişi, ayıqlıqla yuxunu, həqiqətlə xəyalı, real
hadisələrlə nağılı, əfsanəni yanaşı təsvir etmək, daxili
dioloqlardan öz-özü ilə söhbətdən, dramaturji səhnələrdən,
mozaik parçalardan, mübaliğə, şişirtmə üsulundan istifadə etmək,
onun təsvirlərinin emosional qüvvəsini artırır, fikrimizi də bir
qədər hərəkətə gətirir.
Elçin Əfəndiyevin dünyanın şah əsərləri arasına girən və ədəbi
dəyəri üzərində həssaslıqla durulan “Ağ dəvə”, “Ölüm hökmü”,
“Mahmud və Məryəm” əsərlərini də türk ədəbiyyatsevərlər
tanıyırlar, bu əsərlər ədəbiyyat tarixinə düşmüşdür. Mənim
fiktimcə, insanlar nə ilə iftixar edərlər? Ya keçmişi, tarixi,
ədəbiyyatı, mədəniyyəti, ya da bugünkü beynəlxalq siyasət
səhnələrindəki
müvəffəqiyyətləri
ilə.
Bu
xüsusiyyətlərin
əksəriyyəti Elçin Əfəndiyevdə var.
Elçin Əfəndiyev atası, müəllimi olmuş İlyas Əfəndiyevdən
müasir həyatı dərindən duymağı, insan taleyinə, insan mənəviyyat
və psixologiyasına sənət qayğısı ilə yanaşmağı, mövzuya vətəndaş
münasibəti bəsləməyi, bədii yaradıcılığın sirlərini və dilin daxili
imkanlarını axtarışda mənimsəməyi, oxucunun zövqü və yüksək
tələbi səviyyəsində dayanmağı öyrənmişdir. Çünki yazıçıda İlyas
Əfəndiyev sənətinə bir obyektiv yazıçı-tənqidçi məhəbbəti vardır.
Elçin Əfəndiyev bu görkəmli ədibi yaradıcı şəkildə duyur, onun
boya və rənglərindən təzə axarda istifadə edir. Sirr deyildir ki,
“Aman ovçu, vurma məni” kinopovesti İlyas Əfəndiyevin “Mahnı
dağlarda qaldı” pyesinin motivləri əsasında, “Hökmdarın taleyi”
kinopovesti isə İlyas Əfəndiyevin qələmə aldığı “Hökmdar və
qızı” faciəsinin motivləri əsasında yazılmışdır. Elçin Əfəndiyev
fasiləsiz yaradıcılıq axtarışındadır, onun bədii şəkillərin
hamısından eyni dərəcədə istifadə edə bilmək imkanı vardır. Ona
görə də oxucu Elçin Əfəndiyevin istedadına, onun daha tutumlu,
Dostları ilə paylaş: |