130
misrada oxuyuruq: “Türk bilgə kağan ilinə bitidim ben
bilgə Tonyukuk.” Burada iki əvvəlki incə ahəngli
sözdən sonra qalın hecalı “kağan”leksemi işlənmişdir.
Ardınca yenə də dörd incə hecalı sözdən sonra qalın
hecalı beşinci olaraq“Tonyukuk” sözü gəlmişdir.
Görüdüyü kimi, bu şeirin başlıca ritmik ünsürü
sintaktik paralelizmlərlə bahəm, ondakı qalın və incə
hecalı sözlərin özünəməxsus əvəzlənməsi nəticəsində
meydana çıxan bədii harmoniyadır. Bu cür gözəl daxili
ahəng yaradan bədii təsvir üsuluna ən yeni dövr
Azərbaycan şeirində də sıx-sıx rast gəlinir. Məsələn,
Məmməd Arazın aşağıdakı heca vəznli misrasına
diqqət yetirək:
-- Dünya mənim, dünya sənin, dünya heç kimin.
Üç dəfə təkrarlanan qalın hecalı “dünya” sözünün hər
birindən sonra incə hecalı sözlərin növbələşməsi
misrada necə də gözəl ahəgdarlıq yaratmışdır. Bütün
bu bədii təsvir və ifadə vasitələrində, heç şübhəsiz,
qədim türk şeirinin dərin təsiri duyulmaqdadır.
Müasir
verlibr
təcrabəsi
şairlərin
bədii
axtarışlarının çox geniş vüsət aldığını əyani əks etdirir.
Belə ki, Bəxtiyar Vahabzadənin, İsa İsmayılzadənin,
Ramiz Rövşənin yaradıcılığında Heca və Əruz rükünlü
ritmik ünsürlərin strofik sabitliyi pozaraq, sərbəst şeir
şəkli aldığını görürük. Bu şeirlərdə verlibr sözlərinin
musiqiləşmiş diffuz səs axını deyil, differens ritmik
131
qruplar sisteminə çevrildiyini görürük. Müasir
Türkiyədə Nzaim Hikmətlə ənənəsi qoyulmuş bu cür
şeir üsulunun yeni davamçılarının əsərlərninin daha
çox Musiqi əsərlərinin söz mətnini təşkil etməsi hesab
edirəm ki, daha çox bu üzdəndir. Azərbaycan
musiqisində bu yeri hələ də əksəriyyətlə Heca
mətnləri tutur. Bu da, milli musiqimizin mətn
arsenalında monotonluq yaradır. Musiqimizin kütləvi
arenada əcaib “Üç badam, bir qoz”ritminin
hüdudlarından kənara çıxışını əngəlləyir. Dahi Üzeyir
Hacıbəyli “Azərbaycan xalq musiqisisnin əsasları ”
kitabında Azərbaycan musiqisində elmi baxışın
güclənməsi üçün aydın şəkildə bildirirdi: “Dəstgahların
qəzəlləri mütləq əruz vəzni ilə yazılmış şeir və qəzəllər
olmalıdır... Əruzla yazılmış qəzəlin vəzni dəstgahın
musiqisi üçün dəxi vəzn məqamını tutur. ”Biz bu statı
“Vahidiyəm Azərbaycanımın” ilk qəzəllər divanımızda
da yazmışıq. (Bax, Göst. əsər, Bakı-2014, səh: 11).
Müasir musiqi harmoniyasının geniş ritmik imkanları,
çağdaş bəstəkarlıq tələbləri müasir Azad şeir
poetikasının
da
dərindən
araşdırılmasını
musiqişünaslarımız üçün zəruri edir. Azərbaycan
Səfiyəddin Urməvi (XIII əsr) kimi ölməz musiqi
nəzəriyyəçilərinin vətənidir. Onun müasir musiqi
sənəti ahəngin 7 notunda da səslənməlidir. Azad
şeirin polifonizmi çağdaş vokal janrların – kantata,
132
oratoriya, romans, mahnı- hamısın üçün əsl mənəvi
məxəz ola bilər və olmalıdır. Məhz yeni poeziyanın yol
yoldaşlığı ilə müasir musiqimizdə instrumental,
simfonik və teatr janrlari dövrün zövqünə və
ictimaiqayələrə müvafiq inkişaf etdirilməlidir.
Ədəbiyyatımıza belə bir nəzəri-təcrübi münasibət
sahəsində dahi ədibimiz və musiqişünasımız Üzeyir
Hacıbəylinin xüsusi xidmətləri, bədii yaradıcı
simasından əlavə dahi tədqiqatçı-alim kimi yorulmaz
fəaliyyətləri də bu gün hər birimiz üçün ölməz
nümunə, əsl mənəvi məktəbdir. Nə qədər acı etiraf
olsa da, deməliyəm ki, çağdaş Türkiyə müsiqisində
vokal oxunuşda Sözün “səsi”musiqi alətinin səsini
batıra bilir, müasir Azəri mahnısında isə əksinə olaraq,
çox vaxt Sözdən ziyadə alətin çıxardığı səslər qulağı
dəlir. Bunun əsas səbəbi Türkiyədə çadaş mahnı
mətnlərinin daha çox azad şeir nümunələri
olmasından irəli gəlir.
Müəyyənləşdirdiyimiz bəzi mühüm xüsusi cəhətlər
vardır ki, onlar milli verlibristikada şeirin vəzn və ritm
xüsusiyyətlərini müəyyənləşdirmək üçün bu gün ən
vacib oriyentrlər ola bilər. Bunlar azad şeirin daxili
ritmik sistemi, forma xüsusiyyəti, qafiyə sistemi, bədii
məzmun cəhətləri, janrlaşma meyli və sairədən
ibarətdir. Aşağıda bu cəhətləri nəzərə alaraq, Azad
133
şeirin milli ədəbiyyatşünaslığımız üçün ilk dəfə olaraq
növ təsnifat sistemini təqdim edirik.
I. Azad şeirin zahiri forma-şəkil üzrə növləri:
1. Nəsr tərtibli növ. (Əsasən, Əski Türk və slavyan
eposlarının poetik mətni,XIX əsrdən başlayaraq, Uolt
Uitmenin, bir çox amerikalı şairlərin və çağdaş
Türkiyə
şairlərinin
bəzilərinin
yaradıcılığında
təsadüfedilir. Ədəbiyyatımızda mənsur şeir, bəhri-
təvil, bəzi atalar sözləri və 60- cı illər yazıçılarımızın
bəzilərinin poetik nəsri bu növ verlibrist mətnlərə
nümunə sayıla bilər ).
2. Dalğa tərtibli növ. (Rəsul Rzadan başlayaraq,
Azərbaycan şeirində bu növ çox geniş yayılmışdır.)
3. Həndəsi (kvadrat, kub və s.) tərtibli növ. (bu
növün ilk yardıcısı şeirimizdə Mikayıl Rəfili
olmuşdur).
4. Rəsm tərtibli növ. (bu forma şeirimizdə Ərəb
əlifbasına aid xəttatlıqənənəsi kimi yaşamaqdadır).
5. Qeyri-müəyyən tərtibli növ.
II. Verlibr ritminin leyt-ünsürü baxımından növləri:
1.
Azad heca təqtili növ.
2.
Azad əruz təfiləli növ.
3.
Qarışıq ritmli növ.
4.
Nəsr ritmli növ (mənsur şeir və s.)
5.
Qafiyəli, qafiyəsiz (disrifmik şeir, yəni ağ
şeir) və qarışıq qafiyəli növ.
6.
Disstopik (təqti, bənd və s. daxili ritmik
ünsürsüz)növ.
Dostları ilə paylaş: |