26
qadınların əhvalına də nəzər etməyə məcbur olurlar‖. (―Açıq söz‖ qəzeti, 1914,
№
716
).
Əlbəttə, Azərbaycanda qadın məsələsinin qoyuluşu ilə Avropada qadın
məsələsinin qoyuluşu bir – birindən kəskin şəkildə fərqlənir. Hər şeydən əvvəl ona
görə ki, Azərbaycan müsəlman, Avropa isə xristian aləminə mənsubdur. Bundan
başqa Azərbaycan xalqı özünün spesifik qanunları ilə inkişaf etmişdir. Bu və ya
digər amillər tarixin müəyyən məqamlarında Azərbaycan xalqının məişətinə güclü
təsir etmişdir. Qadınla bağlı müsəlman aləmində, o cümlədən də Azərbaycanda bir
təsəvvür yaranmışdısa, Avropada tamam başqa bir təsəvvür təşəkkül tapmışdı.
Qadın azadlığı problemi (feminizm) ilk dəfə olaraq Avropada vüsət almışdı.
Mütərəqqi fikirli Azərbaycan ziyalıları Avropadakı vüsəti görüb bəyənmiş, onu
xalqın tərəqqisi üçün məqbul saymışdılar. Azərbaycan ziyalılarının əksəriyyəti ona
görə Avropanı özlərinə bir örnək sayırdılar. Avropa ictimai fikri onların
dünyagörüşünün formalaşmasında böyük rol oynamışdır.
Ümumiyyətlə, 1914 – 1917-ci illərdə Azərbaycan qadınlarının ictimai
fəallığının artdığı müşahidə edilir. Qadınlar məqalələr yazıb qəzet və jurnallarda öz
hüquqlarını tələb edir, müxtəlif məsələlər barədə fikir yürüdür, arzu və istəklərini
oxucularla bölüşdürürdülər. Həm də müxtəlif tədbirlərdə iştirak edirdilər.
Cəmiyyətlər, təçkilatlar yaradırdılar. Bir sözlə, millətin həyatında fəal mövqe
tutmağa çalışırdılar.
M. Ə. Rəsulzadənin ―Müsəlman unas – cəmiyyəti – xeyriyyəsi‖ məqaləsi
qadınların təşəbbüsü ilə yaradılmış xeyriyyə cəmiyyəti haqqındadır. O, Qafqaz
türkləri arasında ilk dəfə olaraq yaradılmış qadın xeyriyyə cəmiyyətini ürəkdən
alqışlamış, qadın xeyriyyə cəmiyyəti yaradılmasının xalqın həyatında əlamətdar
hadisə olduğunu, qadınların millətin tərəqqisi uğrunda kişilərlə birlikdə fəal
mübarizəyə qalxdığını qeyd etmişdir. Qadına olan münasibətə görə müsəlman
aləmini sanki iflic vumuşdu və qadınların ictimai həyatda iştirakı bu iflicin aradan
qalxmasına kömək etməliydi. ―İctimai məsələlərdə ciddiyyətlə bəyani - əfkar
edənlər müsəlmanlar vücudunu bizdəki unas əsarəti nöqteyi – nəzərindən fələc
tutmuş bir bədənə bənzədirlər ki, olduqca doğrudur və həyati – ictimaiyyə və
milliyəmizi təsvir üçün bundan daha gözəl bir təşəbbüsə bulunamaz. Arvadlar
arasında hər hankı bir hərəkəti – ictimaiyyə zühuru iştə bu fələcin rəfinə bir əlamət
olduğu nöqteyi – nəzərindən müsəlman millətlərinin intibah və təcəddüdünü arzu
edilərcə, fövqıladə bir qiymətə malikdir‖ (―İqbal‖ qəzeti, 1914,
№ 798
).
Tədqiq etdiyimiz dövrdə Şəfiqə xanım Əfəndizadə mətbuat səhifələrində
qadınlıq şərəfini, qadınlıq ləyaqətini yorulmadan müdafiə edən qələm ustalarından
biri idi. O, qadınların hüququ, ictimai vəziyyəti və məişəti haqqında bir neçə
məqalə yazmışdır. Məqalələrində qadınların cəmiyyətdəki mövqeyinə böyük
əhəmiyyət vermiş, qadının ictimai həyatda fəal iştirak etməsinə tərəfdar olduğunu
bildirmişdir. Şəfiqə xanım qadına adi qadın kimi deyil, həm də bir ana, bir
tərbiyəçi kimi baxırdı. O göstərirdi ki, layiqli ana olmaq üçün qadınlar və qızlar öz
27
– özlərini tərbiyə etməli, səviyyələrini daim artırmalı, qadınlar uşaqlarını milli
ruhda böyütməlidirlər. O, qadın məsələsini elə bir ucalığa qaldırır ki, hətta bu
məsələni həll etmədən millətin irəli gedə bilməyəcəyini iddia edir. Qadınlara
münasibət dəyişməsə, qadınlar həmənki kimi hüquqsuz yaşasa, millilik zərər çəkər.
Çünki gələcək millətpərvərlər ilk tərbiyəni ana qucağında alırlar. Hər qadın diriliyi
anlamalıdır və anladığı diriliyi uşağına, övladına aşılamalıdır: ―Qadınlıq
yüksəlmədikcə milliyyət tənəzzül edər. Hər qadına diriliyin və varlığın həqiqətinə
vaqif olmaq lazımdır.‖ (―Dirilik‖ məcmuəsi, 1914,
№ 3
).
Şəfiqə xanım Əfəndizadənin digər məqaləsi ―Qadınlarda dirilik və
nöqsanat‖ adlanır. O, qadının cəmiyyətdə tutduğu mövqe barəsində maraqlı fikirlər
söyləyir. Qadının cəmiyyətdə fəal mövqe tutmasına tərəf çıxır. Qadın gərək ictimai
həyatda iştirak etsin, elm və bilik dalınca qaçsın. Azərbaycan qadınları da xalqın
həyatında iştirak etməyə can atırlar. Xalqın iqtisadi və mədəni yüksəlişinə
əllərindən gələni əsirgəmirlər. Müəllifin yazısında nikbinlik və gələcəyə inam
vardır. ―...bu axır vəqtlərdə qadınlarımızın arasında oxumaq və oxutdurmağa, sənət
və iqtisada cəmiyyətlərdə işləməyə mail bir fikri – intibah, bir cunbuş, bir dirilik
halları görülməkdədir.‖ (―Dirilik‖ məcmuəsi, 1914,
№ 7
).
Bununla yanaşı qadınların nöqsanları barəsində də fikir söyləməkdən
çəkinməmişdir. Nöqsanların olması isə təbiidir, ona görə ki, avropalılarla
müqayisədə ―biz daha ibtidai bir haldayıq‖. Şəfiqə xanım Azərbaycan qadınlarını
iki qrupa ayırır: urəfa və cahil. Məqalədən aydın görünür ki, urəfa xanımlar Bakıda
və ya digər iri şəhərlərdə ali təhsil görmüş qadınlardır. Onlar əcnəbicə təhsil
almışlar. Əcnəbi deyəndə, çox güman ki, rus dili nəzərdə tutulur. Şəfiqə xanım
ümumiyyətlə, əcnəbicə təhsil almağın əleyhinə deyildir. Əksinə, bir çox
məqamlarda hətta əcnəbicə təhsilin məziyyətindən bəhs edir, məsələn, urəfa
xanımlara işarə edərək deyir ki, ―əcnəbi dildə aldıqları təlim və tərbiyə sayəsində
özlərinin hal və məişətlərində bir qədər rahatlıq və sərbəstlik tərəqqiləri
görülməkdədir. Bu hallar pəsənd edilir‖ (yenə orada).
Demək, Şəfiqə xanım əcnəbicə təhsil almağın əleyhinə deyildir, sadəcə
olaraq əcnəbicə təhsildən milli dil və milli mədəniyyət zərər çəkməməlidir. O,
savadlı qadınlarımızın nöqsanından danışarkən yazır: ―qəlbən, ruhən milli
lisanlarını tərk edib əcnəbi lisanında qonuşmalarıdır. Böylələrinin külfətləri
arasında öz ana dilləri büsbütün unudulub, tərk olmaqdadır... Hələ əziz övladlarını
- istər qız, istər oğlan – milli dil, milli tərbiyə ilə dimağlarını qüvvətləndirəcəkləri
yerdə, biləks, daha dil açmamışdan əcnəbi mürəbbilərinin qucaqlarına təslim
edirlər... bu da ürəfa xanımlarımızın nöqsanlarıdır‖ (yenə orada).
Cahil qadınlarımız isə elmsiz, biliksiz və savadsız qadınlardır. Şəfiqə xanım
Əfəndizadə təəssüf hissilə bildirir ki, bu cür qadınlarımız çoxdur. Onların heç nəyə
marağı olmur. Həyatda acizdirlər, nə istədiklərini özləri də bilmirlər. Ona görə də
―şəhərimizdə, küçələrdə binlərcə möhtac, aciz arvadlar dilənçilik edirlər.‖ O
göstərir ki, bunun qarşısını almaq üçün qadınlarımız uşaqlıqdan bir sənətə