Neft-qaz quyularinin tamamlanmasi əlavə material qazima vaxti dağ SÜxurlarinin dağidilmasi

Qoruyucu kəmər hissələri
Qoruyucu kəmərləri quyu lüləsinə buraxmaq üçün kəmər hissələrindən istifadə olunur. Bu hissələr qoruyucu kəməri quyu dibinə çatdırılması, baş verə biləcək mürəkkəbləşmə və qəzanın qarşısının alınması, kəmər arxasında sementləmənin aparılmasını təmin etmək, kəmər arxasındakı həlqəvi fəzada olan layları bir-birindən keyfiyyətli təcrid etmək üçün lazım olan texnoloji hissələrdir.

Keçiricilər – müxtəlif ölçülü qoruyucu kəmərləri, müxtəlif tip profilli boruları qazıma boruları ilə birləşməsi üçün istifadə olunur. Onlar standarta uyğun hazırlanır. Standartda 55 ədəd müxtəlif tipli və ölçülü keçirici nəzərdə tutulur. Bu keçiricilərin xarici və daxili diametrləri istifadə olunan qoruyucu kəmərin ölçülərinə uyğun olmalıdır. Keçiricilərin hazırlandığı polad material borunun möhkəmlik qruppasının eyni olmalıdır.