95
Müəllim bilməlidir ki, onun fəaliyyətini səciyyələndirən ötəri, keçici
hallar deyil, daim təkrarlanan, davamlı olan hallardır. Məhz bu cür davamlı
təkrarlanan
hadisələr;
səbəb-nəticə
arasında
təkrarlanan
asılılıqlar
qanunauyğunluq formasına düşür, qanunauyğunluq hesab edilir. Bunu nəzərə
alan Milli pedaqogika təlimin qanunauyğunluğu məfhumunun mahiyyətini
belə ifadə etmişdir: “Təlim hadisələrindəki səbəb və nəticə arasında davamlı
təkrar olunan asılılığın mahiyyətinin aydın və dəqiq ifadəsi təlimin
qanunauyğunluğudur. Onun yığcam ifadəsi isə qanun adlanır”.
Sual olunur: təlimin qanunauyğunluğunun nə demək olduğunu
müəllimin bilməsi ona nə verir? Əvvəla, bu bilik onun elmi səviyyəsinin
yüksəlməsinə səbəb olur; ikincisi, öz pedaqoji fəaliyyətini elmi əsasda
öyrənməsinə, təhlil etməsinə, nöqsanlarını və müvəфfəqiyyətini araşdırmağa
şərait yaradır və, nəhayət, pedaqoji elmdə, xüsusən Milli pedaqogikada üzə
çıxarılmış pedaqoji qanunauyğunluqları öz fəaliyyətində nəzərə almaq imkanı
verir.
Bu
məqsədlə
Milli
pedaqogikada
on
iki
qanunauyğunluq
müəyyənləşdirilmişdir. Həmin qanunauyğunluqlardan yalnız üçünü burada
səciyyələndirək.
2. Təlim zamanı müəllim fəaliyyəti ilə şagird fəaliyyətinin bir-birini
şərtləndirməsində qanunauyğunluq və bunu bilməyin praktik əhəmiyyəti
Hamıya məlumdur ki, təlim müəllim və şagirdlərin birgə fəaliyyətindən
ibarətdir. O da məlumdur ki, onların fəaliyyətləri bir-birini şərtləndirir.
Təcrübə aydın şəkildə göstərir ki, təlim zamanı müəllimin atdığı bütün metodik
addımların sürəti və keyfiyyəti sinifdəki şagirdlərin mənimsəmə səviyyəsindən
asılı olur. Məsələn, müəllim dərsdə yeni tədris mövzusuna keçməzdən əvvəl
onun mənimsənilməsinə xidmət edəcək bilikləri şagirdlərə xatırlatmalı olur.
Unutqanlıq halları çox olduqda müəllim məcburiyyət qarşısında qalıb, əlavə
vaxt sərf etməli, yaddan çıxanları yada saldırmalı və yalnız bundan sonra yeni
mövzunun tədrisinə keçməli olur. Belə hallarda, adətən, yeni mövzunun şüurlu
və möhkəm mənimsənilməsini təmin etməyə az vaxt qalır. Məktəb
təcrübəsində bunun əksi də müşahidə olunur: öyrənilmiş mövzu ilə yeni mövzu
arasında körpü yaratmaq məqsədilə əvvəlki biliklərin xatırlanmasında
vəziyyətin normal olduğunu yəqin edən müəllim əlavə vaxt sərf etmədən yeni
mövzunun öyrənilməsini normal təşkil edir.
Burada nümayiş etdirdiyimiz birinci təcrübədə müəllimin dərsdə
ləngiməsinin səbəbi keçilmiş mövzunun şagirdlərin əksəriyyəti tərəfindən
unudulması ilə əlaqədar idi. İkinci təcrübədə isə müəllimin ləngimədən
irəliləməsinin səbəbi isə təkrarlamağa, unudulmuşların bərpasına ehtiyacın
yaranmaması idi; çünki bir anda məlum oldu ki, sinif yeni mövzunun
qavranması və başa düşülməsinə hazırdır.
Deməli, təcrübədən alınan faktlardan irəli gələn ilk nəticə belədir:
təlimdə müəllimin irəliləmə sürəti şagirdlərin dərsdə qavrama səviyyəsindən
asılı olur.
96
Yenə sual yaranır: bəs dərsdə şagirdlərin qavrama və başa düşmə
səviyyəsi nədən asılıdır? Bir daha təcrübəyə müraciət edək. Təcrübədən alınan
faktlardan görünür ki, təlimdə şagirdlərin biliyinin şüurluluq və davamlılıq
səviyyəsi müəllimin pedaqoji hazırlıq, pedaqoji səriştəlilik, pedaqoji ustalıq,
qayğıkeşlik dərəcəsindən də asılıdır. Dərs zmanı şagirdlərin necə
düşündüklərinə, necə dinlədiklərinə, nə dərəcədə diqqətli olduqlarına, necə
işlədiklərinə laqeyd qalan müəllim təlimdə müvəfəqiyyət qazana bilmir.
Əksinə, şagirdlərdən hər birinin fərdi xüsusiyyətlərinə ətraflı bələd olan, dərs
zamanı bütün şagirdləri diqqət mərkəzində saxlayan, diqqətin yayınması
hallarına qətiyyən imkan verməyən, şagirdlərin hamısını işlədən, köməyə
ehtiyacı olanlara yerindəcə yardım əlini uzadan müəllimin şagirdlərində
irəliləyiş gündən-günə artır.
Bu iki cür təcrübə faktlarından irəli gələn nəticə belədir: təlimdə
şagirdlərin müvəfəqiyyət qazanmasının səviyyəsi bir çox halda müəllimin
peşəyə hazırlıq səviyyəsindən, öz pedaqoji ustalığını artırmaq səviyyəsindən
asılı olur.
Şərh etdiyimiz bütün faktları yekunlaşdırmalı olsaq etiraf etməliyik ki,
müəllimin tədris fəaliyyətinin necəliyi şagirdlərin mənimsəmə fəaliyyətinin
necəliyini şərtləndirdiyi kimi, şagirdlərin mənimsəmə xüsusiyyətləri də
müəllimin tədris imkanlarını şərtləndirir. Göründüyü kimi, bu qarşılıqlı
asılılıqda
müəyyən
qanunauyğunluq
olduğu
duyulur.
Həmin
qanunauyğunluğun mahiyyəti belədir: təlim zamanı müəllim şagirdlərin
mənimsəmə xüsusiyyətlərini nə qədər ətraflı və diqqətlə nəzərə alırsa, onlar bir
o qədər müvəfəqiyyətlə oxuyurlar; şagirdlər təlimdə nə qədər uğurla
oxuyurlarsa, müəllim də bir o qədər səmərəli işləməli olur.
Bu qanunauyğunluğun qanun formasında ifadəsi belədir: təlimdə
müəllim fəaliyyətinin və şagird fəaliyyətinin bir-birini şərtləndirməsi qanunu.
Soruşulur:
bu
qanunauyğunluğun
mövcudluğunu
bilmək
sinif
müəlliminə nə verər? Onu bilən, öyrənən, lakin öz əməli işində nəzərə almayan
müəllimin işində, aydındır ki, heç bir yenilik baş verməz. Lakin həmin
qanunauyğunluğun mahiyyətini dərk edən və öz gündəlik təlim işində onu
nəzərə alan müəllimin fəaliyyətində, əlbətdə, irəliləyiş baş verəcək. Məktəb
təcrübəsində bu ideya sınaqdan da çıxarılmışdır.
Qanunauyğunluğu nəzərə almağın səmərəli olduğunu hər bir müəllim öz
təcrübəsində sınaqdan keçirə bilər. Bundan ötrü azacıq təşəbbüs göstərmək
kifayət edir.
3. Dərsdə müəllim fəallığı və şagird fəallığı arasındakı nisbətdə
qanunauyğunluq : bunu bilməyin əhəmiyyəti.
Məktəb tərübəsində müəyyən edilmişdir ki, dərs zamanı müəllimin
fəallığı ilə şagirdlərin fəallığı arasındakı nisbət müəllimdən müəllimə xeyli
fərqlənir. Bu fərqlərə baxmayaraq onları üç qrupa ayırmaq mümkün
olmuşdur: dərsdə adətən şagirdləri passiv, özləri isə fəal olan müəllimlər; özləri
az fəal, şagirdləri isə daha fəal olan müəllimlər; özləri də, şagirdləri də orta
səviyyədə fəal olan müəllimlər.
Dostları ilə paylaş: |