Obligatsiyalar va qarz majburiyatlari

Investitsiyalarni qoplashning soddaligi (obligatsiyalardan qutilish)
Kompaniyalarning muvaffaqiyatga erishishida katta imkoniyatlarga ega bo’lishi uchun aksiyalarning ommaviy emissiyasini amalga oshirishlari va bu ishni amalga oshirishda fond bozori listingiga kirishlari lozim. Shu orqali ommaviy obligatsiyalarga kiritilgan pullar obligatsiyalarni bozorda sotish hisobiga qoplanishi mumkin. (Masalan, Anvar fond bozori listingidan o’tgan kompaniyaning obligatsiyalarini sotib olgan deylik. U xohlagan paytda obligatsiyalarini qayta sotishi va pullarini qaytarib olishi mumkin, chunki obligatsiyalar fond bozorida 121 listingdan o’tgan va uni sotishda hech qanday qiyinchiliklar yuzaga kelmaydi.)
Obligatsiyalar va daromad solig’i
Obligatsiya egalariga kelib tushadigan foizlar daromad solig’iga tortiladi. Kapitalning o’sishi ham o’z navbatida soliqqa tortiladi. Obligatsiyadan olinadigan daromadlarning deyarli barchasi foiz ko’rinishida bo’lganligi sababli, kapitalning o’sishi katta ahamiyatga ega bo’lmaydi.
Nazorat darajasi
Obligatsiyalarga tegishli to’lovlarni undirish va kompaniya shartnoma bo’yicha majburiyatlarini bajarmagan holda, boshqa bir tomonlama majburiyatlarining bajarilishini ta‘minlash imkoniyatidan tashqari obligatsiyalar o’z egalariga kompaniya ustidan hech qanday nazorat huquqini bermaydi.


Yevroobligatsiyalar
Yevroobligatsiyalar yoki yevrobondlar (Eurobonds), emitent kompaniya milliy valyutasidan boshqa valyutada baholangan, ta‘minlanmagan obligatsiyalardir. Bu chet el valyutasida berilgan qarz. Kompaniyalar yevrobondlarni chet el investitsiyalari jalb qilishni ko’paytirish maqsadida chiqaradilar. Bundan tashqari, yevrobondlar kreditorlar uchun ham, emitentlar uchun ham yanada jozibador bo’lgan yangi xususiyatlarni taklif qilishi mumkin. Chunki yevrobondlar tartibga solinmaydigan bozorda muomalada bo’ladi. Yevrobondlarda misol sifatida 2004-yilgi yillik hisobotiga ko’ra, katta miqdorda (300 million funt sterling) qarz olgan Britaniyaning ―Boats Group plcˮ kimyo kompaniyasini ko’rsatish mumkin.