15 may 2018-ci il
5
OĞUZ YURDU
Azərbaycan Respublikasının Pre-
zidenti İlham Əliyevin “Azərbaycan
Xalq Cümhuriyyətinin 100 illlik yubi-
leyi haqqında” Sərəncamına və 2018-
ci ilin “Azərbaycan Xalq Cüm- huriy-
yəti ili” elan olunmasına uyğun olaraq
ölkəmizin hər yerində müxtəlif tədbir-
lər həyata keçirilir, maarifləndirmə iş-
ləri aparılır.
Zaqafqaziya Seyminin buraxılma-
sından sonra, 1918-ci il mayın 27-də
Müsəlman Fraksiyasının üzvləri də
ayrıca iclas keçirdilər və Azərbayca-
nın müstəqilliyini elan etmək qərarına
gəldilər. Bu məqsədlə Zaqafqaziya
Müsəlman Şurası özünü Azərbaycan
Milli Şurası elan etdi. Bununla Azər-
baycan tarixində ilk parlament yaran-
dı və Şərqdə ilk parlamentli respub-
likanın bünövrəsi qoyuldu. Həmin ic-
lasda M.Ə.Rəsulzadə Milli Şuranın
sədri, Fətəli xan Xoyski icraiyyə or-
qanının sədri seçildi. Mayın 28-də
Həsən bəy Ağayevin sədrliyi ilə Azər-
baycan Milli Şurasının tarixi iclası
keçirildi. Qəbul edilmiş 6 bənddən
ibarət İstiqlal Bəyannaməsi bütün
türk-müsəlman dünyasında, ümumiy-
yətlə, bütün Şərqdə, ilk dəfə olaraq
Azərbaycanda ən demokratik respub-
lika idarə üsulunun-parlamentli res-
publikanın yaradılacağından xəbər
verirdi.
Beləliklə, Azərbaycan Xalq Cüm-
huriyyətinin ilk Parlamenti-Azərbay-
can Milli Şurası özünün ilk addımla-
rını atmağa başladı. 1813-cü ildən
sonra ilk dəfə olaraq Azərbaycanın
müstəqil idarə olunmaq yoluna qə-
dəm qoydu. Təcili olaraq müstəqil
Azərbaycanın dövlət quruculuğuna
başlandı. Hökumət yaranmış vəziy-
yətdən çıxmaq üçün ilk günlərdən qə-
ti tədbirlərə əl atdı və onları ardıcıl şə-
kildə davam etdirdi.
Ümummilli lider Heydər Əliyev
Azərbaycan Respublikasının yeni
Konstitusiya layihəsini hazırlayan ko-
missiyanın 5 iyun 1995-ci il tarixli ic-
lasındakı nitqində demişdir: «Azər-
baycan Respublikasının ilk demokra-
tik dövlətinin, 1918-ci il mayın 28-də
yaranmış demokratik respublikasının
Konstitusiyası olmayıb. Ancaq bu hö-
kumət, bu dövlət fəaliyyət göstərdiyi
dövrdə Konstitusiya xarakteri daşıyan
bir neçə aktlar, qərarlar qəbul etmiş
və onların əsasında işləmişdir. Ona
görə də onları, demək olar ki, müəy-
yən qədər Konstitusiya quruculuğu-
nun başlanğıcı kimi qiymətləndirmək
olar».
Azərbaycan Milli Şurasının 1918-ci
il noyabrın 19-da keçirilən iclasında
Azərbaycan Parlamentçiliyi tarixinin
çox mühüm qərarları qəbul olundu. O
zaman Azərbaycan Xalq Cümhuriy-
yətinin fövqəladə dərəcədə çətin və
mürəkkəb şəraitdə fəaliyyət göstər-
məsinə baxmayaraq Azərbaycan
Xalq Cümhuriyyəti son dərəcə de-
mokratik inkişaf yolu tutdu. 19 noyabr
tarixli həmin iclasda qeyd olundu ki,
Azərbaycanın əhalisi yalnız azərbay-
canlılardan ibarət olmadığı üçün
Azərbaycan Milli Şurasında qeyri
millətlər də təmsil olunmalıdır, daha
doğrusu Azərbaycan ərazisində yaşa-
yan bütün millətlər parlamentdə təm-
sil olunmalıdır. Azərbaycan Milli Şura-
sı ölkə əhalisinin (2 milyon 750 min
nəfər) hər 24 min nəfərinə 1 nəfər nü-
mayəndə hesabı ilə 120 nəfərdən
ibarət olmalı idi. Onlardan 80 nəfər
müsəlmanları, 21 nəfər erməniləri, 10
nəfər rusları, 1 nəfər almanları və 1
nəfər yəhudiləri təmsil etməli idi. Say-
ları çox az olduğu üçün, parlament
seçkilərində iştirak etmək hüquqları
olmadığı halda, gürcülər və polyaklar
da hərəsi bir deputatla parlamentdə
təmsil olunmalı idilər. Azərbaycan
Milli Şurasının 19 noyabr 1918-ci il
tarixli iclasının qərarına əsasən hələ
1917-ci ilin sonlarında Ümumrusiya
Müəssislər Məclisinə seçilmiş 44 nə-
fər türk-müsəlman nümayəndə birba-
şa yeni yaradılacaq parlamentin tərki-
binə daxil edilirdi. Müsəlmanlardan
qalan 36 deputat və başqa millətlərin
nümayəndələri yenidən seçilməli idi.
Yeni Parlamentin formalaşdırılması
1918-ci il dekabrın 3-də başa çatdı-
rılmalı idi. Göründüyü kimi, 1918-ci
ilin Mart soyqırımından hələ cəmi ya-
rım il keçməsinə baxmayaraq Azər-
baycan parlamentində 21 nəfər ermə-
ni nümayəndəsinin iştirakına yol açı-
lırdı. O zamankı tarixi şəraitdə atılan
bu addım Azərbaycan xalqının de-
mokratik təbiətinə, insan haqlarına nə
qədər dərin hörmətlə yanaşmasına
parlaq sübutdur.
Azərbaycan Xalq Cümhuriyyəti
dövründə parlamentçilik tariximiz iki
dövrə ayrılır: Birinci dövr-1918-ci il
mayın 27-dən noyabrın 19-dək da-
vam etmişdir. Bu altı ay ərzində Azər-
baycan Milli Şurası adı ilə fəaliyyət
göstərən və 44 nəfər müsəlman-türk
nümayəndədən ibarət olan ilk Azər-
baycan parlamenti çox mühüm tarixi
qərarlar qəbul etmişdir. İlk parlamen-
timiz 1918-ci il mayın 28-də Azərbay-
canın müstəqilliyini elan etmiş, ölkə-
nin idarə olunmasını öz üzərinə gö-
türmüş və tarixi İstiqlal Bəyannamə-
sini qəbul etmişdir. Azərbaycan Milli
Şurasının o zaman çox mürəkkəb və
həlledici bir tarixi məqamda Tiflisdə-
Qafqaz canişininin iqamətgahında
elan etdiyi İstiqlal Bəyannaməsi Azər-
baycan demokratiyası və parlamenta-
rizm ənənələri tarixinin ən parlaq
hüquqi sənədi olaraq bu gün də öz
tarixi və praktiki əhəmiyyətini saxla-
maqdadır. Milli Şura dövründə Azər-
baycan parlamentinin təsis toplantı-
sı ilə birlikdə cəmi 10 iclası keçiril-
mişdir. İlk iclas-1918-ci il mayın 27-də
Tiflisdə, son iclas-1918-ci il noyabrın
19-da Bakıda keçirilmişdir. Mayın 27-
də Azərbaycan Milli Şurası təsis olun-
muş, iyunun 17-də isə fəaliyyətini mü-
vəqqəti dayandırıb, 6 aydan gec ol-
mayaraq Müəssislər Məclisi çağrıl-
maq şərti ilə, bütün qanunverici və ic-
raedici hakimiyyəti Müvəqqəti höku-
mətə vermişdir. Xalq Cümhuriyyəti
hökuməti 1918-ci il sentyabrın 17-də
Bakıya köçdükdən sonra Azərbaycan
Milli Şurası noyabrın 16-da öz fəaliy-
yətini yenidən bərpa etmişdir. No-
yabrın 19-da Azərbaycan Milli Şurası
həmin il dekabrın 3-də Müəssislər
Məclisinin-geniştərkibli Azərbaycan
parlamentinin çağırılması haqqında
qanun qəbul etdi və öz fəaliyyətini
dayandırdı. Beləliklə, Azərbaycan
parlamenti öz fəaliyyətinin bu döv-
ründə, daha doğrusu, Milli Şura döv-
ründə Tiflisdə, Gəncədə və Bakıda
fəaliyyət göstərmişdir. Azərbaycan
Xalq Cümhuriyyətinin parlamentçilik
tarixində ikinci dövr və ya Bakı dövrü
1918-ci il dekabrın 7-dən 1920-ci il
aprelin 27-dək-cəmi 17 ay davam et-
mişdir. İlk iclas-1918-ci il dekabrın 7-
də, son iclas-1920-ci il aprelin 27-də
keçirilmişdir. Bu dövrdə Parlamentin
cəmi 145 iclası olmuşdur. Bütün bu
iclaslarda Azərbaycan Xalq Cümhu-
riyyətinin parlamenti İstiqlal Bəyan-
naməsinin müəyyən etdiyi prinsiplərə
sadiq qalaraq və konkret tarixi şəraiti
nəzərə alaraq, ölkənin ərazi bütövlü-
yünü təmin etmək və müstəqilliyini
qoruyub saxlamaq, insan haqları və
azadlıqlarının dolğun təmin olundu-
ğu ən müasir hüquqi-demokratik döv-
lət yaratmaq məqsədi daşıyan çox
mühüm qanunlar və qərarlar qəbul et-
mişdi. Bütün bu qanunlar və qərarlar,
nəticə etibarilə, hakimiyyətin üç qolu-
nun-qanunvericilik, icra və məhkəmə
orqanlarının formalaşdırılmasına yö-
nəlmişdi. Çox mürəkkəb şəraitdə fəa-
liyyət göstərməsinə baxmayaraq, xal-
qımızın milli oyanışını əbədi etməyə
çalışan cümhuriyyət hökuməti və par-
lamenti elmin, təhsilin və xalq maari-
finin, səhiyyənin inkişafını diqqət mər-
kəzində saxlayırdı. Ölkənin hər yerin-
də müxtəlif pillədən olan məktəblər,
gimnaziyalar, qız məktəbləri, uşaq
bağçaları, qısamüddətli müəllim kurs-
ları, kitabxanalar açılır, kənd yerində
xəstəxana və feldşer məntəqələri şə-
bəkəsi yaradılır, yoluxucu xəstəliklərə
qarşı mübarizə aparılırdı. Bu baxım-
dan parlamentin 1919-cu il sentya-
brın 1-də Bakı Dövlət Universitetinin
təsis olunması haqqında qəbul etdiyi
qanunu xüsusi qeyd etmək lazımdır.
Milli universitetin açılması cümhuriy-
yət xadimlərinin doğma xalq qarşısın-
da çox mühüm tarixi xidməti idi. Son-
ralar Azərbaycan Xalq Cümhuriyyəti
süqut etsə də cümhuriyyət ideyaları-
nın yaşamasında və xalqımızın ye-
nidən müstəqilliyə qovuşmasında Ba-
kı Dövlət Universiteti misilsiz rol oy-
nadı. Ölkədə elm və təhsilin inki- şafı-
na xüsusi diqqət yetirən AXC höku-
məti və parlamenti vaxt itirmədən bu
sahədə milli kadrlar hazırlanmasının
sürətləndirilməsinə xüsusi səy göstə-
rirdi. Bu zaman Azərbaycan parla-
menti hökumətin təklifinə əsasən 100
nəfər azərbaycanlı gəncin dövlət he-
sabına təhsil almaq üçün xarici ölkə-
lərə göndərilməsi barədə qanun qə-
bul etmişdi.
Qeyd edək ki, müstəqil dövlətimizin
ədliyyə tarixinin ən şərəfli anları 1918-
ci ildə Azərbaycan Demokratik Res-
publikasının yaranması ilə başlanır.
Belə ki, Ədliyyə Nazirliyinin təsis edil-
məsinə xüsusi əhəmiyyət verilərək
1918-ci il may ayının 28-də- Azərbay-
can Demokratik Respublikasının elan
edildiyi gün Ədliyyə Nazirliyi də yara-
dılmışdır. Nazirlik öz işinə ilk növbədə
ədliyyə strukturlarının, məhkəmələrin
və istintaq sahələrinin bərpası ilə
başlamış, gərgin fəaliyyət nəticəsində
məhkəmə aparatları tədricən bərpa
edilmiş, binalar qaydaya salınmış, çə-
tinliklə də olsa hüquq ədəbiyyatı ki-
tabxanası yaradılmış və digər tədbir-
lər həyata keçirilmişdir.
M.Ə.Rəsulzadə Azərbaycan Xalq
Cümhuriyyəti parlamentinin fəaliyyəti-
nə belə qiymət verirdi: “Millət məclisi
məmləkətin bütün sinif və millətlərini
təmsil edib, dövlətin tamamən taleyi-
nə hakim idi. Onsuz heç bir əmr keç-
məz, heç bir məsrəf yapılmaz, heç bir
müharibə başlamaz, heç bir barışıq
imzalanmazdı. Hökumət məclisin eti-
madını qazananda qalır, itirəndə dü-
şürdü. Ortada hakim olacaq vasitə-
vəzifə yox idi. Parlament hakimi-müt-
ləq idi. Sovet Rusiyasının beynəlxalq
hüquq normalarını tapdalayan hərbi
müdaxiləsi və XI ordu hissələrinin
qanlı döyüş əməliyyatları nəticəsində
Şimali Azərbaycan yenidən Rusiya
tərkibinə qatılsa da, Azərbaycan Xalq
Cümhuriyyəti xalqımızın azadlıq hə-
rəkatı tarixində dərin iz qoydu. Cəmi
23 ay yaşamasına baxmayaraq,
Azərbaycan Xalq Cümhuriyyəti sübut
etdi ki, ən qəddar müstəmləkə və rep-
ressiya rejimləri belə Azərbaycan xal-
qının azadlıq ideallarını və müstəqil
dövlətçilik ənənələrini məhv etməyə
qadir deyildir.”
Məftun Şirəliyev,
Oğuz Rayon İcra və Probasiya
Şöbəsinin rəisi, I dərəcəli
ədliyyə qulluqçusu
Şərqdə ilk demokratik, hüquqi və
Şərqdə ilk demokratik, hüquqi və
dünyəvi dövlət
dünyəvi dövlət
G
örkəmli
oftalmoloq
alim, gözəl insan Zə-
rifə Əliyevanın ana-
dan olmasının 95 illiyi ilə əlaqə-
dar aprelin 26-da Oğuz Rayon
Mərkəzi Kitabxanasının oxucu-
lara xidmət şöbəsinin işçiləri
“Nurlu ağac” layihəsini həyata
keçirmək məqsədi ilə H.Babayev
adına şəhər 1 nömrəli tam orta
məktəbdə olmuşlar. Oxuculara
xidmət şöbəsinin müdiri N.Qası-
mova əvvəlcə şagirdlərə layihə
haqqında ətraflı məlumat verərək
Zərifə xanımın ömür yolundan,
elmi tədqiqatlarından, cərrahi
əməliyyatlar aparmasından, pe-
şəkar elmi kadrların yetişdirilmə-
sindəki böyük xidmətlərindən, ic-
timai fəaliyyətindən danışmış,
“Nurlu ağac” layihəsindən bəhs
etmişdir. Simvolik məna daşıyan
bu ağacın budaqlarında şagirdlər
tərəfindən Zərifə Əliyevanın hə-
yat və fəaliyyəti haqqında esse-
lər yerləşdiriləcəklər. İl boyu da-
vam edəcək layihə çərçivəsində
yaxşı esse yazan şagirdlər kitab-
xanamız tərəfindən mükafatlan-
dırılacaq.
Mehparə Bəkirova,
rayon mərkəzi kitabxanasının
informasiya-resurs şöbəsinin
müdiri
“ N u r l u a ğ a c ” l a y i h ə s i
“ N u r l u a ğ a c ” l a y i h ə s i
S
on illər ölkəmizdə ənə-
nəvi təsərrüfat sahələri-
nin inkişafına xüsusi
diqqət göstərilir. Artıq belə sahə-
lərdən biri olan baramaçılıq da
özünün yeni inkişaf mərhələsinə
qədəm qoymuşdur. Azərbaycan-
da baramaçılığın, ipəkçiliyin bö-
yük tarixi və bu sahəyə dövlət
dəstəyi var. Tarixi V əsrə gedib
çıxan, daha sonralar Böyük İpək
Yolu ilə dünyanın bir çox ölkələri-
nə gedib çıxmış Azərbaycan ipə-
yinin şöhrətini qaytarmaq üçün
tədbirlər görülür. Sovetlər dönə-
mində Azərbaycan dünyada ba-
rama istehsalına görə səkkizinci,
SSRİ-də isə Özbəkistandan son-
ra ikinci yeri tuturdu.
2016-cı ildən başlayaraq res-
publikamızda ipəkçiliyin müasir
infrastrukturunun yaradılması is-
tiqamətində tədbirlər həyata keçi-
rilməyə başlanılmışdır. Azərbay-
can Respublikası Prezidenti bu
məsələ ilə bağlı bir neçə Sərən-
cam vermişdir. "Azərbaycan
Respublikasında ipəkçiliyin inki-
şafına dövlət dəstəyi haqqında"
2016-cı il 15 sentyabr tarixli,
"İpəkçiliyin və fındıqçılığın inkişa-
fına dövlət dəstəyinin gücləndi-
rilməsi ilə bağlı əlavə tədbirlər
haqqında" 2016-cı il 16 noyabr
tarixli, "Azərbaycan Respublika-
sında ipəkçiliyin maddi-texniki
bazasının yaxşılaşdırılması ilə
bağlı əlavə tədbirlər haqqında"
2017-ci il 19 may tarixli və "İpək-
çiliyin inkişafına dövlət dəstəyi -
nin davam etdirilməsi ilə bağlı
tədbirlər haqqında" 2017-ci il 6
oktyabr tarixli sərəncamları küm-
darların qarşısında yeni səhifə
açmışdır. Ötən ilin noyabrında
“Azərbaycan Respublikasında
baramaçılığın və ipəkçiliyin inki-
şafına dair 2018-2025-ci illər
üçün Dövlət Proqramı” qəbul
edilmişdir. Görülən tədbirlər nəti-
cəsində Azərbaycanda 2025-ci
ilədək yaş barama istehsalının 6
min tona çatdırılması nəzərdə tu-
tulur.
Sahənin inkişafı üçün onun
yem bazasının möhkəmləndiril-
məsi də diqqətdə saxlanılır. Belə
ki, baramaçılığın yem bazasının
möhkəmləndirilməsi məqsədilə
2016-cı ilin dekabr ayında Çin-
dən 1,5 milyon, 2017-ci ilin so-
nunda isə 1 milyon ting gətirilib.
Görülən tədbirlər nəticəsində
ötən il ölkədə 245 ton barama is-
tehsal olunub.
Rayonumuzda da baramaçılı-
ğa diqqət artıb. 2016-cı ildə ipək-
çiliyin yem bazasını möhkəmlət-
mək üçün 28 min ədəd, 2017-ci
ildə 58 min ədəd çəkil tingi əki-
lib. Ötən il 2524 kiloqram bara-
ma istehsal edilib. Bu il barama
istehsalını daha da artırmaq nə-
zərdə tutulub. Bu məqsədlə 156
qutu, başqa sözlə 2 kiloqram 964
qram ipəkqurdu toxumu gətirilib
və kümçülərə paylanıb. Rayonun
ayrı-ayrı kəndlərinin kümçüləri bu
işdə fərqlənirlər. Kümçülər Xaç-
maz kəndində 250 qram, Kərimli
kəndində 229 qram, Qumlaq
kəndində 223 qram, Yaqublu
kəndində 100 qram ipəkqurdu
götürmüşlər. Hazırda ipəkqurd-
larının yemləndirilməsi aparılır.
Oğuzlu kümdarlar iş başındadırlar
Oğuzlu kümdarlar iş başındadırlar
C
ari mövsümdə rayonu-
muzda tütün əkini sa-
hələrinin əvvəlki illə
müqayisədə 60 hektar artırılaraq
250 hektara çatdırılması nəzərdə
tutulur. Əkin sahələrinin 180 hek-
tarına “Virciniya” növlü ətirli, 70
hektarına isə digər tütün sortları
əkiləcək. Xeyli vaxtdır ki, təsər-
rüfatlarda tütün şitillərinin sahələ-
rə köçürülməsinə başlanılıb.
Fermerlər indiyədək 45 hektar
sahəyə şitil köçürüblər və bu iş
mütəşəkkil şəkildə davam et-
dirilir. Tütün əkininə 200 nəfərdən
çox mövsümi işçi cəlb edilib.
Rayon icra hakimiyyətindən
verilən məlumata görə Bucaq
kəndindən olan fermer Rəftar
Əhmədli tütünçülüklə bir ildir ki,
məşğul olur. Fermer ötən il ilk
dəfə 43 hektar sahədə tütün
yetişdirib, 44 tona yaxın quru
tütün istehsal edib. Təsərrüfat
rəhbəri tütünçülüyün çox gəlirli
sahə olduğunu və bu il əkin sa-
hələrini daha da artıraraq 50 hek-
tara çatdırmağı planlaşdırdığını
bildirib. Fermerin rəhbərlik etdiyi
təsərrüfatda artıq tütün əkininə
başlanılıb. Qısa müddətdə 10
hektar sahədə “Virciniya” növlü
ətirli tütün əkilib. Hazırda onun
təsərrüfatında 40 işçi tütün şitil-
lərinin sahələrə köçürülməsi ilə
məşğuldur.
Tütün əkininə 200 nəfərdən çox işçi
cəlb olunub