NAXÇIVAN MUXTAR RESPUBLİKASININ XARİCİ İQTİSADİ
ƏLAQƏLƏRİNİN İNKİŞAFI, TƏHLÜKƏSİZLİYİ VƏ
İXTİSASLAŞMA İSTİQAM
ƏTLƏRİ
967
2001-2008-ci illərdə bölgəmizdə xarici ticarət dövriyyəsinin artan
dinamikası davam etmişdir ki, bu da muxtar respublikanın sosial-iqtisadi
inkişafı, dünyaya açılması, yerli istehsal məhsullarının xarici bazarlara yol
açması, xarici iş adamlarının maraq dairəsinə düşməsi, yerli sahibkarlığın
daha da inkişaf etməsi ilə səciyyələnir. Statistik məlumatlara görə, müqayisə
dövrünün əvvəlində muxtar respublikanın xarici ticarət dövriyyəsi 31,9
milyon ABŞ dolları həcmində olduğu halda, 8 il sonra bu göstərici 3,3 dəfə
artaraq 103,7 milyon ABŞ dollarına bərabər olmuşdur (3, s. 59).
2009-cu ildən başlayaraq müasir istehsal avadanlıqları ilə təchiz
olunmaqla yaradılan rəqabətədavamlı, ixracyönümlü məhsul istehsal edən
müəssisələrin formalaşması ixracın idxalı üstələməsinə imkan vermiş və
sonrakı illərdə bu proses artım dinamikası ilə davam etdirilmişdir. Belə ki,
2009-cu ildə Naxçıvan Muxtar Respublikasının xarici ticarət dövriyyəsi 220
milyon ABŞ dolları olduğu halda, 2013-cü ildə bu göstərici 512 milyon ABŞ
dolları təşkil etmişdir ki, bu da 2,3 dəfə artım deməkdir. Bu dövrdə ixracın
həcmi 3,6 dəfə artdığı halda, idxalın həcmi cəmi 1,7 faiz artmışdır.
2014-cü ildə xarici ticarət dövriyyəsindəki artım dinamikası davam etmiş
və il ərzində 517,4 milyon ABŞ dolları həcmində xarici ticarət dövriyyəsi
aparılmışdır. Bu, bir il öncəki göstəricini 1,1 faiz üstələmişdir. İxracın həcmi
1,5 faiz artaraq 408,6 milyon ABŞ dollarını ötmüş və xarici ticarət üzrə 299,9
milyon ABŞ dolları həcmində müsbət saldo yaranmışdır. İxracın tərkibinin
313,5 milyon manatını sənaye məhsulları, 95,1 milyon manatını isə tələbatdan
artıq istehsal edilmiş kənd təsərrüfatı məhsulları, xüsusilə meyvə-tərəvəz
məhsulları təşkil etmişdir. İdxalın həcmi isə bir il öncəyə nisbətən azalmışdır.
Bütövlükdə, son 20 il ərzində muxtar respublikada xarici ticarət dövriyyəsi
27,2 dəfə, o cümlədən ixracın həcmi iki yüz dəfədən çox artmışdır (3, s. 92).
2015-ci ilin ötən dövründə xarici ticarət dövriyyəsinin həcmi 493 milyon
667 min ABŞ dolları həcmində olmuşdur. Ticarət əməliyyatlarının 412
milyon 920 mini ixracın, 80 milyon 747 mini idxalın payına düşür. İxracın
idxalı üstələmə tendensiyası bu il də qorunub saxlanmış, müsbət saldo 332
milyon 173 min ABŞ dolları təşkil etmişdir.
Son illərdə Naxçıvan Muxtar Respublikasının xarici ticarət əlaqələrinin
coğrafiyası genişlənmiş və dövriyyəsində iştirak edən dövlətlərin sayı 56-ı
ötmüşdür. Özəl sektor və fiziki şəxslərin xarici ticarət dövriyyəsindəki payı
968
ASƏF Q
ƏRİBOV
2015-ci ilin sonuna 83,2 faiz təşkil etmişdir. Hazırda Naxçıvan Muxtar
Respublikasının dünyanın ən inkişaf etmiş dövlətləri olan ABŞ, Fransa, Çin,
Türkiyə, Rusiya, Hindistan, eləcə də Gürcüstan, Macarıstan, Bolqarıstan və
digər ölkələrlə ticarət əlaqələri mövcuddur. Muxtar respublikada xarici
ticarətin inkişaf etdirilməsi və onun əhatə dairəsinin genişlənməsi daxili
bazarın qorunması əsas götürülməklə həyata keçirilir və aparılan nəhəng
quruculuq işləri idxalın həcminin müəyyən hədd daxilində artması ilə dövlət
büdcəsinə nəzərdə tutulmuş gömrük ödənişlərinin çoxalması ilə müşahidə
olunur. Belə ki, dövlət büdcəsinə yığılan gömrük rüsumu və vergilərin həcmi
1992-ci ildə cəmi 7 min 326 manat olduğu halda, bu göstərici 2013-cü ildə 8
milyon 355 min manat olmuş, artım yüz dəfələrlə ölçülmüşdür (8, s. 29).
Bu gün muxtar respublikada sahibkarlığın inkişafına göstərilən dövlət
qayğısının və qonşu dövlətlərlə ticarət əlaqələrinin genişlənməsinə yönəlmiş
iqtisadi-sosial siyasətin nəticəsidir ki, artıq naxçıvanlı sahibkarlar xarici
ticarət dövriyyəsini artırmaqla yanaşı, digər dövlətlərdə Naxçıvan markası
altında iri ticarət şəbəkələrinin fəaliyyət göstərilməsinə nail olmuşlar. Xarici
ticarət dövriyyəsindəki indiki dinamika daimi xarakter almışdır ki, bu da
muxtar respublikada aparılan məqsədyönlü, düşünülmüş, regionun
reallıqlarına əsaslanan sosial-iqtisadi siyasətin məntiqi nəticəsidir.
Qeyd edək ki, xarici iqtisadi əlaqələrin dövlət tərəfindən aktiv şəkildə
tənzimlənməsi və müəyyən edilmiş strategiyaya uyğunlaşdırılması dövlətin
xarici iqtisadi siyasətinin əsas məqsədini təşkil edir. Xarici iqtisadi siyasət
ölkənin iqtisadi potensialından tam səmərəli şəkildə istifadə etməklə dünyada
baş verən iqtisadi qloballaşma prosesindən maksimum faydalanmaq məqsədi
daşıyır. Beləliklə, xarici iqtisadi siyasət dövlətin öz potensialını (siyasi,
iqtisadi, hərbi, sosial, ekoloji, elmi-texniki və s.) möhkəmləndirməsi və dünya
iqtisadiy-yatında səmərəli iştirak etməsi üçün xarici iqtisadi əlaqələrin
formalaşdırılması və istifadəsi üzrə həyata keçirdiyi məqsədəuyğun tədbirlər
sistemi kimi, xarici iqtisadi siyasət vasitəsilə xarici ticarət və istehsal amilləri
axınının istiqaməti, tərkibi və həcminə təsir göstərmək imkanına malik olur.
Xarici iqtisadi əlaqələrin inkişafı hər bir ölkə və rayonun təbii ehtiyatlarla
zəngin olmasından, çoxsahəli istehsalın inkişafından, müasir standartlara
uyğun məhsul istehsalından daha çox asılıdır. Ölkənin xarici iqtisadi fəaliyyəti
iqtisadi təhlükəsizliyin qiymətləndirilməsi baxımından tədiyyə balansının