nəslindən olan Ə’la ibn Əhməd ər-Rəvvadi əl-Əzdi isə Təbriz ətrafında möhkəm qala
divarları inşa etdirmişdi. IX əsrin birinci yarısında xürrəmi üsyanı vaxtı Muhəmməd
ibn Bəis əl-Əzdi sahib olduğu qala və istehkamları, o cümlədən Təbriz və Şahi
qalalarını, Babəkə təslim etmişdi
265
. Xilafətin xürrəmi üsyanını yatırmaqda əzmli
olduğunu görən Muhəmməd ibn Bəis 837-ci ildə Babəkin bir qrup silahdaşını təşkil
etdiyi ziyafətdə yaxalayıb Bağdada göndərmişdi
266
. Bu hadisədən sonra xürrəmilər
ardıcıl olaraq məğlubiyyətə uğramışdılar
267
. 859-cu ildə baş verən şiddətli zəlzələ
Təbrizi xarabalığa çevirmişdi. Lakin Tezliklə xəlifə Mütəvəkkilin (847-861) əmri ilə
Təbriz yenidən bərpa olunmuşdu
268
. 1042-ci ildə baş vermiş zəlzələ nəticəsində Təbrizin
bir hissəsi dağılmış, 40-50 min nəfər həlak olmuşdu. Əbu Mənsur Vəhsudan ibn
Məhəmməd ər-Rəvvadi əl-Əzdi Təbrizin yenidən bərpa edilib əvvəlki ehtişamını
qaytarmaq üçün böyük səy göstərmişdi
269
. Böyük Səlcuqluların hakimiyyəti illərində də
Təbriz bu oğuz imperatorluğunun böyük və abad şəhərlərindən biri olmuşdu. Orta
əsrlərdə Təbriz şəhəri özünün ən parlaq və ehtişamlı günlərini şübhəsiz ki, Azərbaycan
Atabəylərinin hakimiyyəti illərində yaşamışdı. Eldənizlərin darü’l-mülkü, yəni paytaxtı
olan Təbriz bu dövrdə müsəlman şərqinin elm, mədəniyyət, sənət və ticarət
mərkəzlərindən biri idi
270
. Elxanilərdən Mahmud Qazan xanın (1295-1304) əmri ilə
Təbrizin müdafiə sistemi yenilənmiş, şəhəri əhatə edən qala divarları genişləndirilərək
yenidən inşa edilmişdi. Əvvəllər şəhəri əhatə edən qala divarlarının uzunluğu 6000
addım idisə, Mahmud Qazan xanın inşa etdirdiyi qala divarlarının uzunluğu 25.000
addıma bərabər idi
271
. Moğol hücumları vaxtı bacarıqlı dövlət xadimi Şəmsəddin
Tuğrayinin səyi nəticəsində dağıntı və qətliamdan xilas olan Təbriz XIV əsrdə tatarların
təxribatına məruz qalmışdı. Qızıl Orda hökmdarı Toxtamış xanın ordusu 4 yanvar
1386-cı ildə Təbrizə hücum etmiş, lakin əhalinin ciddi müqavimətinə rast gələrək
hücumu dayandırmışdı. Əldə edilmiş sazişə əsasən Təbriz əhalisi 250 tümən qızıl pul
ödəyəcək və Toxtamış xan ordusunu şəhərdən uzaqlaşdıracaqdı. Toxtamış xan şəhər
265
Vladimir MİNORSKİY,
Tarixi-Təbriz, (Trc. Ə. Karəng), s. 10, Tehran 1337.
266
BÜNYADOV,
Azərbaycan VII-IX Əsrlərdə, s. 246; ONULLAHİ,
həmin əsər, s. 41.
267
Yenə orada.
268
ONULLAHİ,
həmin əsər, s. 42.
269
BAKUVİ,
Təlxisü’l-Asar, s. 87; ONULLAHİ,
həmin əsər, s. 42.
270
BÜNYADOV,
Azərbaycan Atabəyləri Dövləti, s. 198.
271
QƏZVİNİ,
Nüzhətü’l-Qülub, s. 79.
müdafiəçilərinin bu razılaşmadan sonra döyüş yerlərini tərk etməsindən sui-istifadə
edərək şəhərə qoşun yeritmişdi. Bir həftə boyunca tatarlar Təbrizdə qətl və qarət
törətmişdilər. 12 gün sonra Toxtamış xanın ordusu ikinci dəfə Təbrizi zəbt etmişdi. Bu
iki hücum vaxtı əhalidən 10 min nəfər öldürülmüş və 100 min nəfərə yaxını əsir edilib
aparılmışdı
272
. Qaraqoyunlu hökmdarı Kəmaləddin Qara Yusif (1389-1421) də Təbrizi
paytaxt şəhəri kimi seçmişdi. Təbriz onun oğlu Cahanşahın (1438-1467) dövründə də
sərhədləri Xorasandan Şam diyarına, İran körfəzindən Qafqaza qədər olan Azərbaycan
dövlətinin paytaxtı olmuşdu. Elmi və mədəni tərəqqiyə böyük əhəmiyyət verən, Həqiqi
təxəllüsü ilə çox gözəl türkcə və farsca şerlər yazan Cahanşahın özü də yüksək intellekt
sahibj hömdar idi. O, Təbrizin tikilib abadlaşması üçün çox iş görmüş, Göy məscid və
mədrəsə kompleksini
273
və Müzəffəriyyə mədrəsələrini inşa etdirmişdi. Cahanşah
dövrün məşhur alimi Cəlaləddin Dəvvanini Müzəffəriyyə mədrəsəsinə müdərris təyin
etmişdi. Cahanşahın xanımı da Təbrizdə böyük bir məscid və mədrəsə inşa
etidirmişdi
274
. Azərbaycan Ağqoyunlu imperatorluğu dövründə də Təbriz müsəlman
şərqinin böyük elm və mədəniyyət mərkəzlərindən biri olmuşdu. Uzun Həsən
mücahidliyi ilə yanaşı elm, mədəniyyət və sənətə böyük diqqət yetirən hökmdar idi.
Cəlaləddin Dəvvani özünün ‚Əxlaqi-Cəlali‛ adlı əsərini imperator Uzun Həsənə ithaf
etmişdi. Alimin ‚Ərznamə‛ adlı risaləsi isə Ağqoyunlu dövləti ordusuna həsr
olunmuşdu. Tarixçi Əbu Bəkr Tehrani, riyaziyyatçı Mahmud Can, fəqih və ədib Qazi
Məsihəddin İsa Savəci, ilahiyyatçı Cəlaləddin Dəvvani, riyaziyyatçı Əli Quşçu, tarixçi
İdris Bidlisi, fizik Muhəmməd ibn Mənsur hökmdar Uzun Həsənin yaxın ətrafında olan
və Təbrizdə yaşamış dövrün məşhur alimləri idilər
275
.
Ağqoyunlular dövründə də Təbriz şəhərində çox sayıda ictimai və iaşə binaları,
mədrəsələr, məscidlər, karvansaraylar, hamamlar inşa edilmişdi. XVII əsrdə Təbrizdə
olmuş türk səyyahı Övliya Çələbi bu şəhərdə 47 mədrəsə, 7 darü’l-hədis və bir neçə
darü’l-qurranın fəaliyyət göstərdyini qeyd etmişdi
276
. Səyyah, Cahanşah mədrəsəsinin
272
ONULLAHİ,
həmin əsər, s. 67; MÜŞTƏRƏK,
Azərbaycan Tarixi, s. 350.
273
MİNORSKİY,
Tarixi-Təbriz, s. 85.
274
İsmail Hakkı UZUNÇARŞILI,
Anadolu Beylikleri ve Akkoyunlu, Karakoyunlu Devletleri, s. 181, 186, Ankara 1988.
275
UZUNÇARŞILI,
həmin əsər, s. 225.
276
ÖVLİYA ÇƏLƏBİ,
Səyahətnamə, s. 250.