3.3.
Milliy qonunchilikdagi “Aybga iqrorlik to‘g‘risida kelishuv”
institutini yanada takomillashtirish masalalari
Har qanday jamiyat betakror bo‘lib, mamlakatimiz huquqiy tizimi doirasida
foydalanish uchun rivojlanish boshqa modelinining har qanday institutlari mos
kelavermaydi. Biroq maqbul holat imkoniyatlarini aniqlash va tizim qoidalariga
rioya qilish orqali, munosabatlarni tashkil etishning bo‘lg‘usi shakliga chiqish
vaqtini qisqartirish mumkin va bu bosqichma-bosqich tadrijiy rivojlanish yo‘lidagi
ortiqcha burilishlarni chetlab o‘tishga yordam beradi. Shuni qayd etish lozimki,
jamiyatning turli tiplari, tegishli madaniyatlarning serqirraligi shaxs va davlat
o‘rtasidagi munosabatlarni rivojlantirishning bir-biridan farq qildigan tiplari,
shakllari va ko‘rinishlarini nazarda tutadi. Bu holni har bir davlatning qonun
chiqaruvchisi muayyan huquqiy institutni yaratish va takomillashtirishda, hech
shubhasiz, hisobga oladi. Huquqiy massiv juda katta, murakkab va tizimlashtirilgan
bo‘lib, bularning barchasi eskirgan va aktual bo‘lmagan huquqiy institutlarni
tizimdan chiqarib tashlashda qiyinchiliklar tug‘diradi. Taklif qilinayotgan
novatsiyalar yuzaga kelgan munosabatlar mohiyatini aks ettirish bilan bir qatorda,
bir-birini uyg‘un to‘ldirishi ham kerak. Huquqiy tizimni tarkibiy elementlarning
qarama-qarshiligigina emas, balki (bitta alohida olingan yo‘nalishda) qo‘yilgan
maqsadlarga erishishda shoshqaloqlik ham vayron qilishi mumkin.
Shunday qilib, qonunchiligimizga yangi kiritilgan “aybga iqrorlik to‘g‘risida
kelishuv” instituti yanada takomillashtirish mamlakatimiz huquqiy muhitiga o‘zi
bilan birga keltirib chiqarishi mumkin bo‘lgan progressiv g‘oyalar hozirgi zamon
jamiyati uchun muhimdir. Biroq, shuni unutmaslik kerakki, tadqiq etilayotgan
huquqiy institut – o‘ziga xos qadriyatlar va ma’naviy sohada qo‘yilgan maqsadlar
tizimiga ega bo‘lgan huquqiy madaniyat mahsulidir. Demak huquqiy bazadagi
“aybga iqrorlik to‘g‘risida kelishuv” institutini mamlakatimizning axloqiy va
ma’naviy qadriyatlar tizimidagi holatlarni hisobga olib takomillashtirish maqsadga
muvofiq.
86
Amaldagi qonunchilikka ko‘ra “aybga iqrorlik to‘g‘risida kelishuv” jinoyat ishini
yuritishni o‘ziga nisbatan qo‘yilgan gumonga, ayblovga rozi bo‘lgan, jinoyatning
ochilishiga faol ko‘maklashgan va keltirilgan zararni bartaraf etgan gumon
qilinuvchining yoki ayblanuvchining iltimosnomasiga asosan nazorat qiluvchi
prokuror bilan ijtimoiy xavfi katta bo‘lmagan, uncha og‘ir bo‘lmagan va og‘ir
jinoyatlar bo‘yicha tuziladigan kelishuvdir
.
Demak, aybga iqrorlik to‘g‘risida
kelishuv gumon qilinuvchi va ayblanuvchiga ayblov e’lon qilinib, ish bo‘yicha
ayblov xulosasi tuzilguncha bo‘lgan davda tuziladigan kelishuvdir.
Italiya, Ispaniya, Germaniya, Rossiya JPKga ko‘ra “aybga iqrorlik to‘g‘risida
kelishuv” tuzish to‘g‘risidagi iltimosnoma bilan dastlabki tergov yakunlanganidan
so‘ng yoki sud muhokamasiga tayyorlov qismida murojaat qilinadi. 1988-yili qabul
qilingan Italiya JPKda sodir etilgan jinoyat uchun uch yildan ortiq bo‘lmagan
ozodlikdan mahrum qilish tariqasidagi jazo nazarda tutilgan bo‘lsa, taraflarning jazo
masalasini o‘zaro hal qilishni so‘rab yozgan arizalari bo‘lsa, sud tergovi olib
bormasligi qayd etilgan. Iltimosnoma jinoyat ishini sudda ko‘rish uchun tayyorlov
qismida va albatta himoyachining ishtirokida amalga oshirilishi kerak. Agarda
ushbu holatga prokuror va jabrlanuvchi rozi bo‘lsa, sudya sudlanuvchini sodir etgan
jinoyati uchun jinoyat kodeksida belgilangan ozodlikdan mahrum qilish tariqasidagi
jazoni eng ko‘p qismidan uchdan ikki qismidan ko‘p bo‘lmagan muddatga jazo
muddatini belgilashi mumkin. Milliy qonunchiligimizda esa aybga iqrorlik
to‘g‘risida kelishuv tuzilgan jinoyat ishlarida tayinlanishi lozim bo‘lgan jazo
miqdori Jinoyat kodeksining 57
2
-moddasiga ko‘ra, aybga iqrorlik to‘g‘risida
kelishuv tuzilgan jinoyatlar bo‘yicha tayinlanadigan jazoning muddati yoki miqdori
Kodeks Maxsus qismining tegishli moddasida (qismida) nazarda tutilgan eng ko‘p
jazoning yarmidan oshmasligi kerak deb belgilangan. Bunda kelib chiqadiki, aybga
iqrorlik to‘g‘risida kelishuv tuzilgan ishlar bo‘yicha jazo tayinlash bilan bog‘liq
normalarda insonparvarlik prinsipiga juda katta e’tibor qaratilgan. O‘zbekiston
Respublikasi qonunchiligida aybga iqrorlik to‘g‘risida kelishuv tuzilgan ishlar
87
bo‘yicha tayinlanadigan jazo turi va miqdori boshqa xorijiy davlatlarda
tayinlanadigan jazo miqdori va turidan ancha kam va yengilroqdir.
Gumon qilinuvchi va ayblanuvchi aybga iqrorlik to‘g‘risida kelishuv tuzishga
o‘z roziliklarini berganliklaridan qat’i nazar ayblov to‘plangan maqbul dalillar bilan
o‘z tasdig‘ini topgan bo‘lishi kerak. Mazkur institutni faqatgina ya’ni gumon
qilinuvchi va ayblanuvchining roziligi bilan amalga oshirilishini va bu uning huquq
va majburiyatlari sifatida kiritilsa, maqsadga muvofiq bo‘lar edi. Shu sababdan
O‘zbekiston Respublikasi JPKning 46- va 48-moddalariga, ya’ni gumon qilinuvchi
va ayblanuvchining huquqlariga “aybga iqrorlik to‘g‘risida kelishuv tuzish haqidagi
iltimosnoma berish” huquqini kiritish taklif etiladi.
Bundan tashqari, qonunchiligimizda aybga iqrorlik to‘g‘risida kelishuv
voyaga yetmagan gumon qilinuvchi va ayblanuvchilar bilan tuzilishi tartibi hali-
hanuz aniqlashtirilmaganligi bois O‘zbekiston Respublikasi Jinoyat-protsessual
kodeksining 586
1
-moddaning 1-qismiga aybga iqrorlik to‘g‘risidagi kelishuv tuzish
jinoyat ishini yuritishni o‘ziga nisbatan qo‘yilgan gumonga, ayblovga rozi bo‘lgan,
jinoyatning ochilishiga faol ko‘maklashgan va keltirilgan zararni bartaraf etgan
voyaga yetmagan gumon qilinuvchi va ayblanuvchining iltimosnomasiga asosan
nazorat qiluvchi prokuror bilan ijtimoiy xavfi katta bo‘lmagan, uncha og‘ir
bo‘lmagan, og‘ir jinoyatlar bo‘yicha tuziladigan kelishuv ekanligi alohida
kiritilishini taklif etamiz. Ushbu normaning kiritilishi bilan amaliyotda vujudga
kelishi mumkin bo‘lgan bir qancha tushunmovchiliklarni va noaniqliklarni oldini
olgan bo‘lar edi.
Agar voyaga yetmagan gumon qilinuvchi va ayblanuvchi bilan aybga iqrorlik
to‘g‘risida kelishuv tuzish masalasi yuqoridagi norma bilan aniq yoritilsa, o‘z-
o‘zidan voyaga yetmagan gumon qilinuvchi va ayblanuvchiga nisbatan
tayinlanadigan jazo muddati va miqdori haqidagi normaning ham kiritilishiga
zarurat tug‘iladi. Shunga ko‘ra, O‘zbekiston Respublikasi Jinoyat kodeksining 57
2
-
moddasi quyidagi mazmundagi 2-qism bilan to‘ldirilishi taklif etiladi: “Voyaga
yetmaganlar bilan aybga iqrorlik to‘g‘risida kelishuv tuzilgan jinoyatlar bo‘yicha
88
tayinlanadigan jazoning muddati yoki miqdori ushbu Kodeks XV bobda nazarda
tutilgan jazoning yarmidan oshmasligi kerak”. Ushbu normaning kiritilishi bilan
voyaga yetmagan gumon qilinuvchi va ayblanuvchi bilan aybga iqrorlik
to‘g‘risidagi kelishuv tuzilganda ularga nisbatan jazo miqdori va muddatini
tayinlashda alohida rag‘batlantiruvchi normaning qo‘llanilishiga sabab bo‘ladi.
Natijada, voyaga yetmagan gumon qilinuvchi va ayblanuvchiga nisbatan
tayinlanadigan jazo miqdori va muddati voyaga yetgan gumon qilinuvchi va
ayblanuvchilarga tayinlanadigan jazodan ancha yengilroq jazo tayinlanishiga olib
keladi.
Shuni alohida ta’kidlab o‘tish joizki, voyaga yetmagan gumon qilinuvchi va
ayblanuvchi bilan aybga iqrorlik to‘g‘risida kelishuv tuzish tartib-taomili o‘zgacha
xarakterga egadir, ya’ni ushbu jarayonda voyaga yetmagan gumon qilinuvchi va
ayblanuvchining huquq va manfaatlarini himoya qilish, kelishuv, haqiqattan ham,
voyaga yetmagan shaxsning o‘z xohish-irodasi bilan tuzilishi va qonunchilikdagi
barcha normalarga og‘ishmay amal qilish huquqni muhofaza qiluvchi organlar
faoliyatida ustuvor vazifalardan biridir. Shuning uchun ham O‘zbekiston
Respublikasi Jinoyat-protsessual kodeksining 586
2
-moddasi quyidagi mazmundagi
ikkinchi qism bilan to‘ldirilishi taklif etiladi: “Voyaga yetmagan gumon qilinuvchi,
ayblanuvchi aybga iqrorlik to‘g‘risida kelishuv tuzish haqidagi iltimosnomani
surishtiruvning va dastlabki tergovning istalgan bosqichida himoyachi, qonuniy
vakil yoki katta yoshdagi yaqin qarindoshi, pedagog va (yoki) psixolog ishtirokida
berishi shart”. Voyaga yetmagan gumon qilinuvchi va ayblanuvchi bilan aybga
iqrorlik to‘g‘risida kelishuv tuzish haqida iltimosnoma kiritilayotganga uning
himoyachisi, qonuniy vakili yoki katta yoshdagi qarindoshi, pedagog va psixolog
ishtirok etishi voyaga yetmagan shaxsning huquq va manfaatlari himoya
qilinishining kafolati hisoblanadi. Ushbu jarayonda pedagog va psixologning
ishtirok etishi alohida ahamiyatga ega bo‘lib, ular voyaga yetmagan gumon
qilinuvchi va ayblanuvchining psixologik holati haqida xabardor bo‘lib, ushbu
shaxsga psixologik yordam kerak bo‘lgan paytda ushbu protsess ishtirokchilari
89
voyaga yetmagan shaxsning psixologik va fiziologik normal holatini nazorat qilib
turish imkoniyatiga ega bo‘ladi.
“Aybga iqrorlik to‘g‘risida kelishuv”ni tuzish jarayonida gumon qilinuvchi va
ayblanuvchining bevosita ishtiroki muhim ahamiyatga ega, shuning uchun ham
O‘zbekiston Respublikasi Jinoyat-protsessual kodeksining 365-moddasida keltirib
o‘tilgan qidiruv e’lon qilinishi lozim bo‘lgan shaxslar doirasi gumon qilinuvchi bilan
kengaytirilishi haqidagi normaning kiritilishi ham maqsadga muvofiq. Chunki
aybga iqrorlik to‘g‘risida kelishuv tuzilgandan keyin ish sudga yuborilishga tayyor
paytda gumon qilinuvchining turgan joyi noma’lum bo‘lganda tergovchi uning
turgan joyini aniqlash uchun zarur bo‘lgan barcha choralarni ko‘rishi, zarur hollarda
esa, unga nisbatan qidiruv e’lon qilishi uchun qidiruv e’lon qilish shart bo‘lgan
shaxslar doirasiga gumon qilinuvchini ham kiritish maqsadga muvofiqdir.
Yana bir takliflarimizdan biri bu O‘zbekiston Respublikasi Jinoyat-
protsessual kodeksining 586
1
-moddaning 1-qismidagi aybga iqrorlik to‘g‘risida
kelishuvni jinoyat ishini yuritishni o‘ziga nisbatan qo‘yilgan gumonga, ayblovga
rozi bo‘lgan, jinoyatning ochilishiga faol ko‘maklashgan va keltirilgan zararni
bartaraf etgan gumon qilinuvchining yoki ayblanuvchining, shuningdek, voyaga
yetmagan gumon qilinuvchi va ayblanuvchining iltimosnomasiga asosan nazorat
qiluvchi prokuror bilan ijtimoiy xavfi katta bo‘lmagan, uncha og‘ir bo‘lmagan
jinoyatlar bo‘yicha tuziladigan kelishuv ekanligi haqidagi normadir.
Xususan, aybga
iqrorlik to‘g‘risida kelishuvni faqatgina ijtimoiy xavfi katta bo‘lmagan va uncha
og‘ir bo‘lmagan jinoyatlar bo‘yicha tuzilishi Fransiya, Italiya va Germaniya kabi
xorijiy davlatlar sud va tergov amaliyotida mavjud. Aslida, aybga iqrorlik bo‘yicha
kelishuvni
qonunchilikka
implementatsiya
qilinishidan
maqsad
ham
surishtiruv,tergov va sud organlarining asosiy e’tiborini va vaqtini og‘ir va o‘ta og‘ir
jinoyatlarni fosh etishga sarafbar etishdan iboratdir.
O‘zbekiston Respublikasi Jinoyat-protsessual kodeksining 586
2
- va 586
3
-
moddalarni tahlil qiladigan bo‘lsak, ushbu normalarda gumon qilinuvchi va
ayblanuvchi tomonidan surishtiruv va dastlabki tergovda berilgan iltimosnomada
90
gumon qilinuvchi va ayblanuvchining zimmasiga yuklatilgan majburiyatlar hamda
JPK 586
3
-moddasida ko‘rsatilib o‘tilgan iltimosnomaning prokuror tomonidan
ko‘rib chiqilishi tartibi haqidagi normada tafovut mavjud bo‘lib, JPK 586
3
- moddani
586
2
- modda bilan birxillashtirish zarur deb hisoblaymiz. Shunga ko‘ra, JPKning
586
3
- moddasining 5-qismini 586
2
- moddasining 3-qismiga quyidagicha
moslashtirishni taklif etamiz:
“Shundan keyin prokuror, agar kelishuvga asosan hukm chiqarilib, jazo
tayinlanganidan keyin gumon qilinuvchi, ayblanuvchi surishtiruv va dastlabki
tergovda qo‘yilgan gumonni yoki ayblovni tan olmasligi, dalillarni inkor qilishi,
jinoyatni tergov qilishga ko‘maklashmaganligi, jinoyat natijasida olingan mol-
mulkning topilishi uchun harakatlarni amalga oshirmaganligi, jinoyatga aloqador
boshqa axborotni taqdim etishga doir majburiyatlarini hamda jinoyat oqibatida
yetkazilgan zarar bartaraf etmaganligi va kelishuvda nazarda tutilgan boshqa
shartlar va majburiyatlarni bajarmaganligi aniqlansa, hukm qayta ko‘rib chiqilishi
mumkinligini aybga iqrorlik to‘g‘risida kelishuv tuzish haqida iltimosnoma bergan
gumon qilinuvchiga, ayblanuvchiga tushuntiradi”.
Jinoyat-protsessual qonunchiligini yanada takomillashtirish maqsadida aybga
iqrorlik to‘g‘risida kelishuv tuzish haqidagi iltimosnomada ko‘rsatilishi lozim
bo‘lgan holatlar qatoriga jinoyatlarni tergov qilishda ko‘maklashishda gumon
qilinuvchi, ayblanuvchi tomonidan
Dostları ilə paylaş: |