98
hukmni bekor qilish yoki o‘zgartirish asoslari sifatida qo‘shimcha kiritish
lozim bo‘ladi.
15.
Qonunchilikda prokuror aybga iqrorlik to‘g‘risida kelishuv tuzish haqidagi
iltimosnomani ko‘rib chiqib, aybga iqrorlik to‘g‘risida kelishuv tuzish
haqidagi iltimosnomani qanoatlantirish yoki rad qilishi to‘g‘risida qarorlar
qabul qilishi, iltimosnomaning rad qilinishi gumon qilinuvchi, ayblanuvchi
va uning himoyachisini ushbu masala yuzasidan takroran iltimosnoma berish
huquqidan mahrum etmasligi belgilangan. Shuni ta'kidlash joizki, hozirda
tergovchilarning aksariyati yosh mutaxassis ekanligi, prokurorlarning tergov
faoliyatidagi malakasi yetarli bo‘lmaganligi,
qilmishni kvalifikatsiya
qilinishida bir xil amaliyot mavjud emasligi sababli tergovda qarorlar qabul
qilishda yuqori turuvchi prokuraturaning tegishli bo‘limlaridan maslahat
olish amaliyoti mavjud. Shundan kelib chiqib,
prokuror aybga iqrorlik
to‘g‘risida kelishuv tuzish haqidagi iltimosnomani ko‘rib chiqib, rad qilishi
to‘g‘risida qarorlar qabul qilganida, ushbu qarordan norozi bo‘lib gumon
qilinuvchi, ayblanuvchi, uning himoyachisi
yuqori turuvchi prokurorga
shikoyat berishi va shu prokuror tomonidan shikoyatning ko‘rib chiqish
hamda kelishuv tuzish tartibini JPKga kiritish maqsadga muvofiq bo‘ladi.
Dostları ilə paylaş: