O`zbekiston respublikasi maktabgacha ta’lim vazirligi

Kutilayotgan natijalar:

• 
  K tovushining undosh tovush ekanligini, uning so‘z boshi, o‘rtasi va oxirida kelishini bilib oladilar.
  

• 
  “K” tovushli so‘zlar ayta oladilar.
  
• 
  Qo‘lni uzmasdan nuqta-chiziqchalarni birlashtirib rasm chizishni bilib oladilar.
  

Kerakli jihozlar:

• 
  “K” tovushi bor suratlar
  
• 
  Nuqta- chiziqchalar bilan tasvirlangan tasvir
  

Mashg‘ulotning borishi:
Tarbiyachi bolalarga o‘rganilgan tovushlar, ularning o‘ziga xos xususiyatlari haqida savollar yordamida eslatadi: Unli tovushlar qanday aytiladi? Ular nimadan hosil bo‘ladi? Ular nima hosil qiladi? (Bo‘g‘in hosil qiladi.) So‘zni bo‘g‘inga qanday bo‘lamiz? Bugun bolalar “K” tovushi bilan tanishamiz.
Ki- tob so‘zi necha bo‘g‘inli? Men aytaman, siz aniqlaysiz: kitob men shu so‘zni qayta aytaman, siz birinchi tovushni aytasiz: K-k-k-i-tob , Xattaxtaga bitta to‘rtburchak chizaman. Endi: 2- tovushni ayting: Ki-i-i-tob 2- to‘rtburchak chiziladi. 3-tovushni toping: Ki-t-t-tob 3- to‘rtburchak chiziladi: — Kitob so‘zining modeli hosil bo‘ladi: Bu so‘zda biz tanishmagan qaysi “K” tovushi bolalarga talaffuz qildirtiriladi.
“K” tovushining talaffuzi amaliy ko‘rsatiladi:
lablar biroz ochiq, harakatsiz, tishlar orasi bir oz ochiq, “K” tovushi unli “a”, “o”, “u”, “i” tovushlari bilan talaffuz etilganda til uchi pastga tushgan bo‘ladi va pastki kurak tishlarga bir oz etmay turadi. Tilning orqa kuragi yumshoq tanglay bilan birikadi. K tovushi ya, e, yo, unli tovushlari birikmasi bilan talaffuz etilganda, til uchi pastga tushadi va pastki kurak tishlarga tegib turadi, til kuragi esa qattiq tanglayga tegadi, yumshoq tanglay ko‘tarilgan va tomoqning orqa devoriga tiralgan bo‘ladi, buning natijasida burun yo‘llari yopilib, o‘pkadan chiqayotgan havo og‘izdan o‘tadi, tovush bog‘lamlari ochiq, tovush jaranglaydi.
“K” tovushining xususiyatlari quyidagi savollar asosida bolalardan so‘raladi:
“K” tovushi qanday tovush?
Undosh tovushlar qanday rang bilan belgilanadi?
“K” undosh tovush. Undosh tovush unli bilan birga bo‘g‘in hosil qiladi.
“K” tovushining talaffuzi o‘rgatiladi. “K” tovushining so‘z boshida (ki-tob,kap-tar,ka-lit), o‘rtasida ( tul-ki, kak-ku, ik-ki), oxirida (kak-lik, bi-lak, Malik, nok) kelishi; haqida so‘zlarni bo‘g‘inlarga bo‘lib aytishi, bo‘g‘inlardan tovushlarni ajratish, “K” tovushi so‘zning qaysi o‘rnida kelganini aniqlatish orqali tushuncha beriladi.