6.
Endi odamlar –
otliq, piyoda, yosh-qari
- uchray boshladi.
Ushbu
gapdagi tinish belgilarini izohlang.
7.
Ajratilgan boʻlak kengayib, uyushib, gap oxirida kelsa, qanday
tinish belgisi bilan ajratiladi?
8.
Mening oʻz muhabbatim bor
– toza va musaffo
!
Ushbu gapda qaysi
boʻlaklar ajratilgan?
Foydalaniladigan adabiyotlar:
1. M.Hamroyev. Ona tili. Toshkent: “Sharq” nashriyot-matbaa
aksiyadorlik kompaniyasi bosh tahririyati. 2013. 25-40
2.M.Hamroyev. Ona tilidan lisoniy tahlil qoliplari. Toshkent: TDPU.
2019. 6-11
3. M.Hamroyev, D.Muhamedova, D.Shodmonqulova,X.Gʻulomova,
Sh.Yoʻldosheva. Ona tili. Toshkent, 2007-yil. - 300 bet.
4. R.Ikromova, D.Muhamedova, M.Hamrayev. Ona tilidan mashqlar
toʻplami. TDPU, Toshkent, 2009-yil. - 240 bet.
5. E.Qilichev. Hozirgi oʻzbek adabiy tili. 2005, “Talqin”
nashriyoti.
6. Sh.Rahmatullayev. Hozirgi adabiy oʻzbek tili. 2006,“Universitet”
nashriyoti.
51
11-mavzu: Gap boʻlaklari tartibi
Reja:
1. Gap boʻlaklarining odatdagi tartibi.
2. Gap boʻlaklarining oʻzgargan tartibi.
Tayanch tushunchalari:
gap boʻlaklarining tartibi, grammatik holat,
normativ tartib, yoyiq va yigʻiq gaplar.
Oʻzbek tilida gap boʻlaklarining tartibi, asosan, erkin. Ularning
oʻrnini almashtirish odatda grammatik holatni oʻzgartirmaydi.
Masalan: Oppoq bulutlar qishloq ustidan shoshilmay, toqqa qarab
oʻtib ketadi. (S.Ahmad). - Qishloq ustidan oppoq bulutlar shoshilmay
oʻtib ketadi toqqa qarab. - Oʻtib ketadi shoshilmay toqqa qarab oppoq
bulutlar qishloq ustidan. – Shoshilmay oʻtib ketadi qishoq ustidan
toqqa qarab oppoq bulutlar. Mazkur gaplarda gap boʻlaklarining
oʻrinlarini almashtirish grammatik holatni oʻzgartirmagan, ammo gap
mazmuniga ma’lum darajada ta’sir etgan, negaki har gal boshqa-
boshqa gap boʻlaklariga odatdagidan koʻproq ahamiyat berilgan.
Lekin, shunga qaramay, gap boʻlaklari ma’lum bir normativ tartibda
joylashish xususiyatiga ega.
Oʻzbek tilida ega, odatda, gap boshida, kesim gapning oxirida
keladi. Ikkinchi darajali boʻlaklar esa ega va kesim orasida joylashadi.
Bunday tartib, asosan, darak gaplarda boʻlib, u toʻgʻri yoki normativ
tartib deyiladi.
Har bir gap boʻlagiga nisbatan tartib quyidagicha boʻladi:
I. Ega, odatda, gap boshida keladi: Kishilar mirishkor raisni qarsaklar
bilan olqishladilar. (Y.Shukurov).
Yoyiq gaplarda ega ba’zan kesim oldida ham kelishi mumkin: Uning
yigirmataga yaqin qoʻy-echkisi borligini koʻp odam bilar edi.
(P.Qodirov).
Ba’zan ega gapning oxirida ham keladi: Gʻoʻza umriga zavol-ku u.
(J.Abdullaxonov).
II. Kesim odatda gapning oxirida keladi:
Bogʻda yetti-sakkiz tup mevali daraxt, ikki chinor, ikki tup
mirzaterak oʻsgan
edi.
(J.Abdullaxonov).
She’riyatda, ishoralarda kesim gapning boshida ham keladi:
Intilar borliqni inson Barkamol etmoq uchun.
Ne atab, insonni borliq Barkamol etgan emas. (E.Vohidov.)
52
III. Vositasiz toʻldiruvchi odatda fe’l kesim oldida keladi. Masalan:
Mashina shamoli brezentning uchini hilpiratib, chakmonning
etaklarini tortqilaydi. (P.Qodirov).
Ba’zan vositasiz toʻldiruvchi gapning boshida keladi: YOmonlik oʻtini
faqat yaxshilik oʻchiradi. («Oz-oz oʻrganib dono boʻlur»).
Vositali toʻldiruvchi ham koʻpincha kesimdan oldin keladi: Hayrli va
sababli ishlar insonni turli halokatlardan saqlaydi. (Hadis namunalari).
IV. Hol ham asosan kesimdan keladi:
1. Payt holi, odatda, gap boshida, ba’zan egadan keyin, ayrim hollarda
kesimdan oldin keladi. Masalan: Bugun vaxshiy togʻlar orasida u bilan
yuzma-yuz
keldi.
(S.Ahmad).
Tolibjon
dunyoda
nimalar
boʻlayotganidan bexabar. Gazeta yoʻq, televizor hali ham ishlamaydi.
(S.Ahmad). Erali allaqachon juftakni rostlab qolgan edi. (S.Ahmad).
2. Oʻrin holi, odatda, kesimdan oldin keladi, ba’zan esa gap boshida
keladi: ... mashina togʻ etagidagi ellik-oltmish hovlilik Oykoʻl
qishlogʻiga kirib bordi. (P.Qodirov). Tekislikka yoqqan yomgʻir togʻ
tepasiga qor boʻlib tushgan ekan. (P.Qodirov). Tekislikning uzoq
chetidan chiqib kelgan yuk mashinasi shu toqqa qarab jadallab
boryapti. (P.Qodirov).
3. Ravish holi, odatda, kesim oldida, ba’zan gap boshida keladi: ...
barglar orasiga toʻplanib qolgan oppoq yomgʻir
suvi oftobda yaltirab
,
tirqirab toʻkildi. (P.Qodirov). – Keling,- deb sovuqqina koʻrishdi.
(P.Qodirov). Qoʻqqisdan qorasovuq boshlanib, choʻponlarni
tashvishga solib qoʻydi. (M.Qoriev).
4. Miqdor-daraja holi ham kesim oldida keladi: Koʻp yurgan koʻp
koʻrar, koʻp oʻqigan koʻp uqar. (Maqol).
5. Sabab va maqsad hollari kesimdan oldin, gapning boshida yoki
oʻrtasida keladi: Aqlning eng katta gʻalabalari, ehtimol, ehtiroslar
tufayli roʻyobga chiqqandir. («Tafakkur gulshani»). Atay izlab
keldim, oq qoya, sen naqadar magʻrur va kibor. (Mirtemir). Endi
ularning xatosini tuzatish uchun hammamiz qancha mashaqqat
chekamiz. (P.Qodirov).
V. Aniqlovchi aniqlanmishdan oldin keladi. Agar bu tartib oʻzgarsa,
ularning grammatik holati ham oʻzgaradi.
1. Qaratuvchi qaralmishdan oldin keladi: Har bir kishining soʻzi oʻz
fazilatlari dalili va aqlining tarjimonidir. («Oz-oz oʻrganib dono
boʻlur»).
53
2. Sifatlovchi sifatlanmishdan oldin keladi: Havoda ... yongʻoq
hazonlarining oʻtkir hidi gurkirardi. (Oʻ.Hoshimov). Muvaffaqiyatli
tarbiyaning siri - oʻquvchiga hurmatda boʻlish. («Tafakkur gulshani»).
Gapda sifatlovchi birdan ortiq qoʻllansa, ularning tartibi quyidagicha
boʻladi:
1) sifatdosh bilan ifodalangan sifatlovchi + sifatlanmish: U atrofida
mavj urib turgan yashil daraxtlarga ... zavq bilan tikilardi.
(P.Qodirov).
2) sifatdosh bilan ifodalangan sifatlovchi + olmosh bilan ifodalangan
sifatlovchi + sifat bilan ifodalangan sifatlovchi + sifatlanmish:
Osmonning yarmigacha chiqib borgan bu bahaybat devorning u er -
bu erida choʻponlar yoqqan gulxanlar milt-milt qiladi. (P.Qodirov).
3) –dagi affiksli soʻz bilan ifodalangan sifatlovchi + sifat bilan
ifodalangan sifatlovchi + sifatlanmish: Hulkar chelakdagi tiniq suvdan
... olib kelib berdi. (P.Qodirov). ... koʻzi akasining chap qoʻlidagi
qoʻshaloq barmoqqa tushdi. (P.Qodirov).
4) miqdor tushunchasini bildiruvchi soʻz (son, olmosh, ravish) bilan
ifodangan sifatlovchi + sifat bilan ifodangan sifatlovchi +
sifatlanmish: ... suvdan bir chini kosa olib kelib berdi. (P.Qodirov).
5) sifatdosh bilan ifodalangan sifatlovchi + son bilan ifodalangan
sifatlovchi + sifatlanmish: Yomgʻirdan keyingi loyqada muhrlanib
qolgan ikkita izning nimasidir goʻdak tovonini eslatar edi.
(P.Qodirov).
Izohlovchi izohlanmishdan oldin yoki keyin keladi: Oʻshanda
Oxunboboev bilan quvalik temirchi Shakarxon Moʻminova degan
juvonning suvrati gazetada chiqqandi. (S.Ahmad). Norboy ota usta
Qambarga gap uqtirib ketdi. (P.Qodirov).
Agar gap boʻlaklarining normativ, toʻgʻri tartibi oʻzgarsa, inversiya
hodisasi roʻy beradi. Inversiya hodisasi koʻproq jonli tilda va
she’riyatda kuzatiladi. Inversiyada odatda gap boʻlaklarining
grammatik holati oʻzgarmaydi. Masalan: Gʻoʻza umriga zavol-ku u.
(J.Abdullaxonov). Zotiljam kasaliyu yurak siqilishi nimaligini
bilmaydi oʻsha xonadon ahli. (J.Abdullaxonov). (Ega, ega tarkibi gap
oxirida kesimdan soʻng kelgan). Chindan ham hayvonot bogʻI es
aboʻlarkan bu erni. (J.Abdullaxonov). (Vositasiz toʻldiruvchi
inversiyaga uchrab kesimdan keyin qoʻllangan.)
Temirjon uchun
barcha notanish, barcha begona ham. (J.Abdullaxonov). Qaysi bir
gazetada ota-bolaning koʻchat ekib turgandagi surati ham e’lon
54
qilingan edi bir yili. (J.Abdullaxonov). (Payt holi gap oxirida
kesimdan keyin kelgan.).
Dostları ilə paylaş: |