Makromarketing
— davlat va uning hududi miqyosida amalga
oshiriladigan marketing. Marketing faoliyati va jamiyat o‘rtasidagi o‘zaro
aloqalar makromarketing predmeti bo‘lib, hisoblanadi.
Markani maksimal tanishtirish
— konsepsiya; kompaniya, brend,
mahsulotlar, xizmatlar va siyosiy qarashlarni olg‘a harakatlantirishga oid
marketing tadbirlarining maksimal miqdori.
Marketing bo‘yicha direktor-
(marketing direktor)
— kompaniya
(firma, korxona) tuzilmasida reklama, mahsulot o‘tkazish va sotishni
rag‘batlantirish, tadqiqotlar va marketing majmuasi, boshqa elementlarini
qo‘shgan holda butun marketing faoliyatiga rahbarlik qiluvchi kishi.
Marketingni boshqarish (marketing-menejment)
— firma (kompaniya,
korxona) oldiga qo‘yilgan maqsadlarga erishish, tahlil, rejalashtirish,
hayotga joriy etish va nazorat qilish bosqichlarini o‘z ichiga olgan, uch
qismdan iborat bo‘lgan jarayon.
Marketing budjeti
— bozorlarni (konyunkturaviy, o‘rta va uzoq
muddatli) tadqiq etishga, tovarlarning raqobat qobiliyatini ta’minlashga,
xaridorlar bilan axborotli aloqa (reklama, sotishni rag‘batlantirish, ko‘r-
gazma va yarmarkalarda ishtirok etish va hokazo), tovar harakatlanishi
va sotish tarmoqlarini tashkil etishga ketadigan xarajatlar.
Marketing
budjeti —
muayyan davrda, odatda, bir yilda kompaniya marketing
faoliyati uchun mo‘ljallangan moliyaviy mablag‘lar taqsimotidir.
Marketing dasturi-
marketing rejasidan kelib chiqadigan asosiy
hujjat bo‘lib, u aynan kim, nimani, qachon, qayerda va qay tarzda xarid
qilishi lozimligini belgilab beradi. Marketing dasturlari firma chiqara-
yotgan mahsulot bo‘yicha ham, ishlab chiqarish va sotish qisqa muddatli
va uzoq muddatli istiqbolda yo‘lga qo‘yilishi mo‘ljallanayotgan yangi
tovarlar bo‘yicha ham ishlab chiqiladi. Marketing dasturi asosida yangi
maqsadli bozorlar, yangi iste’molchilar, yangi turdagi mahsulotlar,
an’anaviy mahsulotni ishlatishning yangi sohalarini doimiy izlash ishlari
olib boriladi.
|
