|
O’zbekiston respublikasi oliy va o’rta maxsus ta’lim vazirligi toshkent davlat iqtisodiyot universitetiPersonalni jalb etish (ishga qabul qilish)ni rejalashtirishdaA. B. Xayitov, A. M. Akbarov personalni (1)Personalni jalb etish (ishga qabul qilish)ni rejalashtirishda
quyidagilar
hisobga olinishi lozim:
—
talab etilayotgan miqdor, jalb etish muddatlari;
—
taklifdagi alohida muammolar va ularni bartaraf etish vositalari;
—
jalb etish dasturi.
Personalni jalb etishda ikki imkoniyatdan foydalaniladi:
1. Kompaniya yoki firmaning o’z xodimlarini jalb etish. Ular ish vaqtiga
qo’shimcha vaqtda ishga jalb etilishi, malaka jihatdan rivojlantirilishi, boshqa ishga
o’tkazilishi mumkin. Bu usul samarali hisoblanadi. Chunki, personal bu holda o’z
korxonasida qobiliyati, malakasi, bilimi, tajribasini to’laroq namoyon etishi, xizmat
lavozimida ko’tarilish imkoniyatiga egaligidan o’z ishiga, xizmat vazifasiga yanada
mas’uliyatliroq, tashabbuskorlik bilan yondashadi. Natijada, ularning ish va xizmat
vazifasidan qoniqishi ortadi, bu mehnat unumdorligini oshirishga, kadrlar
qo’nimsizligini kamaytirishga xizmat qiladi.
2. Xodimlarni chetdan jalb etish. Bu masalada korxona personali xizmati
bandlikka ko’maklashish markazlari bilan qalin hamkorlikda faoliyat ko’rsatishlari
talab etiladi. Shuningdek, ta’lim muassasalari o’quvchi yoshlari ham bo’lajak ishchi
kuchi manbai hisoblanadilar.
Personaldan foydalanishni va uni qisqartirishni rejalashtirish.
Buning
uchun bo’sh turgan shtat lavozimlarini to’ldirish dasturini ishlab chiqish kerak. Bu
ishda xodimlar malakasi, tajribasi bilan bir qatorda ularning psixologik, jismoniy
imkoniyatlarini e’tiborga olish kerak bo’ladi. Ana shu masalalarni yodda tutish kasb
kasalliklari, ishlab chiqarish jarohatlari, nogironlikning oldini olishda muhim
ahamiyatga ega.
Personaldan foydalanishni rejalashtirishda yoshlar, keksalar hamda mehnat
faoliyati cheklangan insonlarni ish bilan ta’minlash masalasi diqqat markazida turishi
darkor. Buning uchun tashkilotda ushbu toifa personaliga ular imkoniyatlaridan kelib
chiqqan holda tegishli ish joylari zaxiralarini yaratish lozim bo’ladi.
Mazkur turdagi rejalashtirishda personalni qisqartirish masalasini ham hal
etish talab qilinadi. Eng avvalo, kim, qaerdan va qachon qisqartirilishi belgilab
olinishi kerak. Ayni paytda, qisqartirilgan xodimga yangi ish topishda ko’maklashish
chora-tadbirlari ko’rilishi lozim. Bunday ishdan qisqartirilgan xodimlarga amaldagi
mehnat qonunchiligi va me’yoriy xujjatlarga asosan tegishli to’lovlarni amalga
oshirish, qisqartirishni kasaba uyushmalari, boshqa tashkilotlar bilan kelishish ham
talab etiladi.
|
|
|