166
1. Determinizm prinsipi.
2. Ong va faoliyat birligi prinsipi.
3. Psixikani faoliyatda taraqqiyo etish prinsipi kiradi.
Yordamchi prinsiplarga esa tarixiylik prinsipi, nazariya va
amaliyot birligi prinsipi, monizm prinsipi va hokazolar kiradi.
Determinizm nima? Determinizm so'zi sabab va
oqibatning o'zaro birligini ifodalaydi. Bu prinsipga ko'ra
sababsiz oqibat bo'lmaydi. Determinizm prinsipiga ko'ra
psixika taraqqiyoti individning yashash muhiti bilan
belgilanadi, ya'ni muhit o'zgarishi bilan psixika ham o'zgaradi.
Masalan: qishloqda yaxshi dars o'ta olmaydigan qoloq bir
maktabning o'quvchisi bilan shaharda maxsus chuqur ta'lim
beriladigan lisey o'quvchisi tafakkuri o'rtasida farq bo'lishi
tabiiy. Farqning sababi mavjud. Sababi muhit, shart-
sharoitdir.
Agar muhit o'rtasidagi farq qanchalik kam bo'lsa, psixik
xususiyatlarning rivojlanishi va shakllanishida ham farq kam
bo'ladi. Aksincha esa farq katta bo'ladi.
Determinizm prinsipi nima uchun prinsip sifatida qabul
qilingan? Psixologik voqeliklarni tadqiq etishda, ularni
baholashda va rivojlantirishda determinizm prinsipiga amal
qilinadi.
Ong va faoliyat birligi prinsipi. Bu prinsipga ko'ra ong
va faoliyat o'zaro uzviy bog'liq hodisa hisoblanadi. Ya'ni biri
ikkinchisini taqozo etadi. Mashhur rus psixologi Sergey
Leonidovich Rubenshteyn psixologiyada ong va faoliyat birligi
prinsipining asoschisi hisoblanadi. Dastlab bolada ongning
shakllanishi uchun tug'ma imokniyatlar mavjud bo'ladi.
Ammo uning shakllanishi bevosita faoliyatning shakllanishi
bilan tarkib topadi. Ayni vaqtda faoliyat ongning shakllanishi
va rivojlanishining negizi, o'z mohiyati manbai bo'lib xizmat
qiladi. Ongsiz faoliyat bo'lmaydi, faoliyatsiz ong bo'lmaydi.
Psixikani faoliyatda taraqqiy etish prinsipi. Bu
prinsipga ko'ra inson shaxsi va uning psixologik xususiyatlari
faoliyatda
taraqqiy
etadi.
Bu
prisipning
asoschisi
psixologiyada faolyait nazariyasining asoschisi hisoblangan
A.N.Leontyevdir. Leontyev o'zining «Psixika taraqqiyoti
muammolari» nomli asarida quyidagi fikrni keltirgan: «Inson
167
shaxsi va ongi faoliyatda shakllanadi, faoliyatd taraqqiy etadi
va aynan shu faoliyatda namoyon bo'ladi».
Shu prinsiplarga asoslanib psixologik qonuniyatlar
amalga oshiriladi va tegishli xulosalar chiqariladi.
Tarixiylik prinsipi. Psixologiyada biror voqelikni tadqiq
etishni uning ayni paytgacha o'rganilish tarixi, jarayoni, ijobiy
va salbiy jihatlari inobatga olinadi hamda tadqiqotchi
tomonidan avval o'rganilmagan jihatlari yangilik sifatida kashf
etiladi. Bu prinsipga asosan ilmiy tadqiqiy ishlarni amalga
oshirishda foydalaniladi.
Nazariya va amaliyot birligi prinsipi. Nazariyada
yaratilgan kashfiyotlar, tadqiqotlar amaliyotda joriy etilishi va
aksincha amaliyotda tekshirilgan, kuzatilgan hodisalarni
nazariy jihatdan asoslashni taqozo etadi.
Monizm prinsipi. Biror bir voqelikni tadqiq etishda
alohida shaxsga taalluqli jihatlarni asos qilib olish va shu
asosda xulosalar chiqarishni nazarda tutadi. Monizm so'zi
bitta alohida ma'nosini anglatadi.
Psixologiyaning sohalari. Psixologiya fani ijtimoiy
hayotning barcha sohalarida amal qiladi. Chunki qayerda
inson faoliyat ko'rsatar ekan, o'sha yerda inson ruhiyati bilan
bog'liq muammolar yuzaga chiqadi.
Hozirgi kunda psixologiyaning 70 dan ziyod sohalari
faoliyat ko'rsatmoqda. Masalan: umumiy psixologiya,
medisina psixologiyasi, sport, muhandislik, oila, harbiy,
yuridik, aviasiya, kosmik, yosh davrlar psixologiyasi,
pedagogik, etnopsixologiya, differensial psixologiya va
hokazolar.
tibbiyot psixologiyasi-shifokor faoliyati psixologiyasini,
bemor xulq-atvorining psixologik jihatlarini o'rganadi.
Har bir soha o'zining o'rganish predmetiga, vazifalariga,
maqsadiga va metodlariga ega.
Sosiologiya fani ham yangicha ijtimoiy munosabatlar sharoitida
o'z taraqqiyotining muhim bosqichiga o'tgan ekan, psixologiya ushbu
fan erishgan yutuqlardan ham foydalanadi, ham ularning ko'lami
kengayishiga baholi qudrat xizmat qiladi. Ayniqsa, psixologiyadan
mustaqil ravishda ajralib chiqqan, bugungi taraqqiyot davrimizda
alohida ahamiyat kasb etgan ijtimoiy psixologiyaning sosiologiya bilan
aloqasi uzviy bo'lib, ular jamiyatda ijtimoiy taraqqiyot va progressni
ta'minlash ishiga xitzmat qiladi. Qolaversa, huquqiy, demokratik davlat
168
qurish ishini sobitqadamlik bilan amalga oshirayotgan O'zbekiston
aholisining xuquqiy madaniyatini va demokratik o'zgarishlarga
psixologik jihatdan tayyorligini amalda ta'minlash, bu sohada
muntazam tarzda ijtimoiy fikr va insonlar dunyoqarashlaridagi
o'zgarishlarni o'z vaqtida o'rganish, bashorat qilish va taraqqiyot
mezonlarini ishlab chiqishda ikkala fanlar metodologiyasi va
metodlarini birlashtirish tadbiqiy ahamiyat kasb etadi.
Pedagogika bilan psixologiyaning o'zaro hamkorligi va aloqasi
an'anaviy hamla azaliy bo'lib, ularning yosh avlod tarbiyasini zamon
talablari ruhida amalga oshirishdagi roli va nufuzi o'ziga xosdir.
Respublikamizda amalga oshirilayotgan yangi «Ta'lim to'g'risidagi
Qonun» hamda «Kadrlar tayyorlash milliy Dasturi»ni amalga oshirish
ham ikki fan hamkorligi va o'zaro aloqasini har qachongidan ham
dolzarb qilib qo'ydi. Milliy dasturda e'tirof etilgan yangicha modeldagi
shaxsni kamol toptirish, uning chuqur bilimlar sohibi bo'lib yetishishi,
barkamolligini kafolotlovchi shart-sharoitlar orasida yangi pedagogik
texnologiyalarini ta'lim va tarbiya jarayonlariga tadbiq etishda
pedagogikaning o'z uslub va qoidalari yetarli bo'lmaydi. Shuning
uchun ham psixologiya u bilan hamkorlikda yosh avlod ongining ta'lim
olish davrlaridagi rivojlanish tendensiyalaridan tortib, toki yangicha
o'qitish texnologiyalarini bola tomonidan o'zlashtirilishi va undagi aqliy
hamda intelektual qobiliyatlarga nechog'lik ta'sir ko'rsatayotganligini
o'rganish asosida ta'lim-tarbiya ishini tashkil etish psixologiyadagi
metodlarni didaktik metodlar bilan uyg'ynlashtirishni taqozo etadi.
Tabiiy fanlar: biologiya, fiziologiya, ximiya, fizika va b.q.
psixik xodisalar va jarayonlarning tabiiy fiziologik mexanizmlarini
tushunish va shu orqali ularning kechishi qonuniyatlarini ob'yektiv
o'rganish uchun material beradi. Ayniqsa, bosh miyaning hamda
markaziy asab sistemasining psixik faoliyatlarini boshqarishda va
ularni muvofiqlashtirishdagi rolini e'tirof etgan holda psixologiya fani
taibiiy fanlar erishgan yutuqlar va ulardagi tadqiqot uslublaridan
omilkorona foydalanadi.
Kibernetika fani sohasidagi erishilgan yutuqlar psixologiya
uchun ham ahamiyat va zurur bo'lib, u inson shaxsining o'z-o'zini
boshqarish, psixik jarayonlarni takomillashtirish borasia axborotlar
texnologiyasi va kibernetika tomonidan qo'lga kiritilgan yutuqlar va
tadqiqot metodlari, maxsus dasturdan o'z o'rnida foydalanadi.
Texnika fanlari bilan psixologiyaning o'zaro aloqasi va
hamkorligi ayniqsa, asr oxiriga kelib yaqqol sezilmoqda. Bir tomondan
murakkab texnikani boshqaruvchi inson ongi muammosini yechishda,
ikkinchi tomondan, psixik hayotning murakkab qirralarini ochishda
maxsus texnik vositalardan foydalanish zarurati bu ikki yo'nalishning
erishgan yutuqlarini birlashtirishni nazarda tutadi.
Dostları ilə paylaş: |