O‘zbekiston respublikasi temir yo’llaridan texnikaviy foydalanish qoidalari

Olib qo’yiladigan qo’zg’aluvchan birliklarning harakati


282. Olib qo’yladigan qo’zg’aluvchan birliklarning harakati, ularga peregonni egallash xuquqini beruvchi poezd hujjatlarini topshirmasdan amalga oshiriladi. Er osti yo’llari yoki katta ko’priklar, shuningdek, reja va profilning qiyin sharoitlari bo’lgan peregonlarda olib qo’yiladigan qo’zg’aluvchan birliklarning harakat tartibi DATK boshgaruvi raisi tomonidan o‘rnatiladi. Olib qo’yiladigan birliklarning harakati grafik bo’yicha harakatlanayotgan poezdlarning xarakatini buzmasligi kerak.
Barcha olib qo’yiladigan qo’zg’aluvchan birliklar elektr izolyasiyali o’qlarga ega bo’lishi kerak.
Olib qo’yiladigan qo’zg’aluvchan birliklarining harakatlanish tartibi O’zbekiston Respublikasi poezdlar harakati va manevr ishlari bo’yicha Yo’riqnomada o‘rnatiladi.


5-BO”LIM. O’ZBEKISTON RESPUBLIKASI TEMIR YO’LLARIDAN TEXNIKAVIY FOYDALANISH QOIDALARIDA QO’LLANILGAN ATAMALAR


Avtomatik lokomotiv signalizatsiya - signalizatsiya va aloqaning mustaqil vositasi sifatida (автоматическая локомотивная сигнализация как самостоятельное средство сигнализации и связи (АЛСО)). Poezdlarning peregondagi harakati lokomotiv svetoforlari signallari orqali amalga oshiriladigan tizim, blok-postlarning belgilangan chegaralari ajratilgan punktlar hisoblanadi.
Blok-uchastka (блок-участок). Avtoblokirovka yoki signalizatsiya va aloqaning mustaqil vositasi sifatida qo’llanadigan avtomatik lokomotiv signalizatsiyada o’tish svetoforlari (blok-uchastka chegaralari) yoki o’tish svetofori (blok-uchastka chegarasi) va stansiya bilan chegaralangan stansiyalararo peregonning bir qismi.
Yon yo’l (боковой путь). Harakat tarkibi bu yo’ldan harakatlanayotganida o’tkazuvchi strelka bo’yicha chetga chiqadi.
Poezdni alohida hushyorlik bilan boshqarish (ведение поезда с особой бдительностью). Lokomotiv brigadasining poezd harakatlanish sharoitlariga doimiy e’tiborda bo’lishi.
Yuk vagonlari (вагоны грузовые). Yuk tashishga mo’ljallangan vagonlar. Ularga yopiq vagonlar, yarim vagonlar, platformalar, sisternalar, yuk tashish uchun ixtisoslashtirilgan vagonlar: bunker turidagi vagonlar, termoslar, refrijerator vagonlar, ARV lar, don tashigichlar, transporterlar, konteyner tashigichlar, shuningdek, yuk vagoni turidagi maxsus vagonlar kiradi