O’zbekiston Respublikasi Xalq

 
Mustahkamlash uchun savollar: 
1.
Darslikning asosiy komponentlari nimalardan iborat? 
2.
Zoologiya darsligi botanika darsligidan nimalari bilan tafovut qiladi? 
3.
Zoologiya darsligida bilimlarni yoritish qanday prinsipga asoslangan? 
4.
Odam va uning salomatlik darsligining yutuq kamchiliklari nimalardan 
iborat? 
5.
9-sinf biologiya darsligida qanday asosiy mavzular yoritilgan? 
 
 
 

---

52 
8-§ BIOLOGIYA DARSLIKLARINING TAHLILI
1.Maktab darsligi haqida umumiy tushuncha. 
Maktab biologiya kursini о‘qitishda qо‘llaniladigan vositalar orasida darslik 
alohida о‘rin tutadi. Darslik о‘quvchilarning mustaqil bilim olishini asosiy manbai 
hisoblanadi. Har bir darslik о‘quv qо‘llanmadan farqli ravishda о‘quv dasturi 
asosida yoziladi. О‘qitishning maqsadi va vazifalariga, о‘quvchilarning yosh 
xususiyatlariga, tayyorgarlik darajasiga qarab darslik xajmi va bilimlar sistemasi 
belgilanadi.
2.Maktab darsligiga qо‘yilgan asosiy talablar. 
Birinchidan, maktab darsligi ilmiy bо‘lishi, ya’ni fanning rivojlanishini, 
sо‘nggi yutuqlarini о‘zida ifoda etmog‘i;
Ikkinchidan, u о‘quvchilar uchun tushunarli, ya’ni ularning yoshiga, 
tayyorgarlik darajasiga mos bо‘lishi; 
Uchinchidan, darslik о‘quvchi uchun qiziqarli bо‘lishi, unda har bir 
mavzuga mos rangli rasmlar, sxemalar, jadvallar, qо‘shimcha qiziqarli 
ma’lumotlar, topshirilar, savollar о‘rin olmog‘i; 
Tо‘rtinchidan, darslik о‘quvchilarning mustaqil bilim olishiga, ijodiy 
rivojlanishiga, mantiqiy tafakkurini о‘stirishga qaratilgan bо‘lishi; 
Beshinchidan, darslik milliy istiqlol mafkurasini о‘quvchilar ongiga 
singdirish uchun yо‘naltirilgan bо‘lishi; 
Oltinchidan, darslik mahalliy sharoitda keng tarqalgan о‘simliklar, 
hayvonlar, odamlarning tashqi va ichki tuzilishi, hayot faoliyati yoritishi; 
Yettinchidan, darslik о‘quvchi salomatligini saqlashga qaratilishi; 
Sakkizinchidan, tabiatni muhofaza qilish, tabiiy resurslardan tejab tergab 
foydalanishga о‘quvchilarni о‘rgatishga qaratilishi kerak.