119
rounnahr va Turkistonni obod qildi, balki bo‘ysundirilgan mam-
lakatlarning shaharlarini ham qayta qurdirdi. Bag‘dod, Darband
va Baylakon shaharlari shular jumlasidandir. Karvon yo‘llarida
rabotlar, qal’alar, ko‘priklar, shaharlarda masjid va madrasalar
hamda bog‘-u bo‘stonlar barpo etdi. eng muhimi eron, Ozar-
bayjon va Iroqdagi tarqoqlik va boshboshdoqlikka barham berib,
Sharq bilan G‘arbni bog‘lovchi qadimiy karvon yo‘llarini tikla-
di. Bu bilan nafaqat Movarounnahr, balki Uzoq va Yaqin Sharq
mamlakatlarining iqtisodiy va madaniy taraqqiyotiga, xalqlar va
mamlakatlarni bir-biri bilan yaqinlashtirishga ulkan hissa qo‘shdi.
Amir Temur Yevropaning Fransiya, Angliya va Kastiliya kabi
yirik qirolliklari bilan bevosita savdo va diplomatik aloqalar
o‘rnatdi.
Siyosiy tarqoqlik tugatilib, markazlashgan davlatning tash-
kil topishi katta ijobiy oqibatlarga olib keldi. Mamlakat ishlab
chiqarish kuchlarini va mo‘g‘ullarning bir yarim asrlik hukm-
ronligi natijasida tanazzulga uchragan iqtisodni tiklash uchun
qulay sharoit vujudga keldi. Ayni vaqtda xo‘jalikning asosi
bo‘lgan sug‘orma dehqonchilikda muayyan siljishlar ro‘y berdi.
Yangi-yangi kanallar qazilib, sug‘orma dehqonchilik maydonlari
kengaydi. Hunarmandchilik, ichki va tashqi savdo rivojlandi, fan
va madaniyat ravnaq topib, shaharlar obodlashdi va gavjumlashdi.
Sohibqiron Amir Temur mashhur davlat arbobi, mohir sarkar-
da sifatida O‘zbekistonda davlatchilikning yuksalishida muhim
o‘rin tutadi. Tarixiy manbalarda Amir Temur Sohibqiron nomi
bilan bir qatorda «Sohibi jahon» hamda «Sohibi adl» – «Adolat
sohibi» nomlari bilan ulug‘lanadi. Xalqaro UNeSKO tashkiloti-
ning tashabbusi bilan 1996-yilda Amir Temurning tavallud kuni
keng miqyosda nishonlandi va shu yil «Amir Temur yili» deb
e’lon qilindi.
1. Amir Temur mamlakat xavfsizligi yo‘lida qanday tadbirlarni
amalga oshirdi?
2. Amir Temur nima sababdan Oltin O‘rdaga qarshi yurishlar
qildi?
3. Amir Temurning uch, besh, yetti yillik urushlarining natija-
lari haqida so‘zlab bering.
4. Anqara jangi qachon sodir bo‘ldi va qanday yakunlandi?
5. Amir Temurning Sulton Boyazid ustidan qozongan g‘alabasi
Yevropa taqdirida qanday rol o‘ynadi?
120
32-§. AMIR TEMUR SALTANATINING MA’MURIY VA
HARBIY TUZILISHI
Tayanch tushunchalar: Saltanat boshqaruvi; Suyurg‘ol yerlar;
Qo‘shin tuzilmasi; «Temur tuzuklari»
Sohibqiron Amir Temur o‘z zamonasi-
ning talab-ehtiyojlaridan kelib chiqib
davlat boshqaruvini takomillashtirdi, un-
ga yan gicha ruh va mazmun berdi. Davlatning tarkibiy tuzilishi
harbiy-siyosiy tartiblarga asoslangan bo‘lsa-da, jamiyat rivoji,
barcha ijtimoiy tabaqalarning manfaatlarini ta’minlash nazarda
tutilgan edi.
Amir Temur saltanatida davlat boshqaruvi ikki idoradan:
dargoh va vazirlik (devon)dan iborat bo‘lgan. Dargohni Oliy
hukmdorning o‘zi boshqargan. Ijroiya hokimiyat – devonni de-
vonbegi (bosh vazir) boshqargan. Devonda harbiy vazir, mulkchi-
lik va soliq ishlari vaziri, moliya vaziri faoliyat yuritgan. Bular-
dan tashqari sarhadlar va tobe mamlakatlarning boshqaruvi bilan
shug‘ullanuvchi yana uch vazir bo‘lib, ular devonbegiga hisobot
berib turgan.
Markaziy hokimiyat tizimida shayx ulislom, qozikalon, sadri
a’zam, dodxoh, yasovul, muhassil, tavochi, muhtasib va boshqa
amaldorlar xizmat qilgan.
Dargohda bosh hojib, xazinabon, xonsolar, qo‘shchi, bako-
vul, kotiblar, bitikchilar, tabiblar, sozandalar, dasturxonchilar
xizmatda bo‘lgan.
Amir Temur ulkan saltanat tasarrufidagi
o‘lkalarni o‘g‘illari, nabiralari va xizmat
ko‘rsatgan amirlarga suyurg‘ol tarzida in’om qilib, ular orqali
boshqardi. Movarounnahrdan tashqari o‘z tasarrufidagi barcha
viloyat va mamlakatlarni Amir Temur o‘limidan biroz avval
o‘g‘il va nabiralari orasida bunday taqsimlaydi: Ozarbayjon,
G‘arbiy eron, Iroq, Armaniston, Gurjistonni – Mirzo Umar ibn
Mironshohga, Forsni – Pirmuhammad ibn Umar Shayxga,
Xuroson, Mozandaron, Ray va Seistonni – Shohrux Mirzoga,
Sulton Mahmud G‘aznaviy mulkini Kobul va Qandahordan Shi-
moliy Hindistongacha Sind daryosi havzasi bilan birga – Pirmu-
hammad Jahongirga, Toshkent, Sayram, O‘tror va Ashparadan
Saltanat
boshqaruvi
Suyurg‘ol yerlar
121
to Xitoy chegarasigacha – Ulug‘bekka, Farg‘ona, Tarozdan to
Xo‘tangacha, ya’ni Sharqiy Turkistonning janubi g‘arbini – Ib-
rohim Sultonga berdi.
Uluslar markaziy hukumatga itoat etsalar-da, ammo ular
ma’lum mustaqillikka ega edilar. Ulus hukmdorlarining alohida
davlat devonxonasi, qo‘shini mavjud edi. Ularning markaziy
hukumatga tobeligi xirojning bir qismini Samarqandga yuborib
turish va oliy hukmdor harbiy yurishlarida o‘z qo‘shini bilan qat-
nashish yoki talab qilingan askarni yuborib turishdan iborat edi.
Amir Temur davlat mustaqilligi va mu-
hofaza yo‘lidagi ichki va tashqi siyosati-
da asosan qo‘shinga suyanar edi. Shuning uchun ham u qo‘shin
boshliqlarini tanlash va ularni tarbiyalash, harbiy qismlar va
ularning joylashish tartibi, navkar va sarbozlarning qurollanishi
hamda ichki intizom masalalariga nihoyatda katta ahamiyat be-
rardi.
Amir Temur qo‘shini o‘ntalik askariy birikmalar asosida tuzil-
gan harbiy qismlardan iborat edi. Lashkar tuman – o‘n minglik,
hazora – minglik, qo‘shun – yuzlik va ayl – o‘nlik birikma-
lariga bo‘lingan. Amir Temur o‘n minglik askarni boshqarish
uchun tuman og‘asi, minglik bo‘linmalar uchun mirihazora,
yuzliklar uchun qo‘shunboshi va o‘nliklar uchun esa aylboshi
kabi harbiy mansablarni ta’sis etadi. Ularning haq-huquqlari oylik
maoshining darajasiga mos ravishda belgilab beriladi. Janglarda
bahodirlik ko‘rsatib, g‘alaba qozongan amir uchun in’omlar ham
belgilab qo‘yilgan. Biron qo‘shinni yenggan, biror mamlakat yoki
viloyatni zabt etgan amir bahodirlik martabasi, davlat kengash-
lariga bemalol kirish huquqi hamda biron sarhadning noibligi
bilan siylangan.
* Xonsolar – dasturxonchi. Hukmdor huzurida ovqat
tortish ishlarini boshqaruvchi shaxs
* Bakovul – hukmdorga va lashkarga ovqat tayyor-
lash ustidan nazorat qilib turuvchi harbiy mansabdor.
Lashkarga maosh va oziq-ovqat taqsimlash ham bako-
vullar zimmasiga yuklatilgan
* Bitikchilar – xon va mahalliy hokimlarning barcha
yozuv ishlarini olib boruvchi mansabdor
Qo‘shin tuzilishi
Dostları ilə paylaş: |