biləcəkləri sahələr və ya ixtisasların siyahısını müəyyən edir. İmmiqrantların ölkə daxilində
istənilən hərəkəti, ixtisaslarının dəyişdirilməsi, iş yerlərinin dəyişdirilməsi üçün əlavə icazə
almaq tələb olunur. Əlbəttə ki, qeyri-leqal immiqrasiya da qadağan edilir və bu zaman heç
də hər zaman effektiv olmayan polis metodlarından istifadə edilir.
9.
Milli-coğrafi prioritetlər. İmmiqrantları qəbul edən ölkələrin demək olar ki hamısı
qanunvericiliklə immiqrantların coğrafi və milli strukturlarını müəyyən edirlər. O adətən
ölkələr üzrə immiqrantların sayına qoyulan kvotalarla tənzimlənir. Üstünlük verilən
immiqrasiya regionları müəyyən edilir. 1924-cü ildə ABŞ Konqresi tərəfindən müəyyən
edilən immiqrasiya kvotalarının strukturu Şimali-Qərbi Avropa əhalisi üçün əlverişli idi.
1965-ci ildə həyata keçirilən immiqrasiya qanunvericiliyinin islahatı Asiya və Latın
Amerikası ölkələrindən miqrant axınını stimullaşdırdı. Lakin 1990-cı ildən etibarən
qüvvədə olan yeni immiqrasiya qanunu Avropa ölkələrindən olan ixtisaslı mütəxəssislər
üçün geniş imkanlar yaradır. Bəzən ayrı-seçkilikdə və insan hüquqlarının pozulmasında
ittiham edilməmək üçün ölkələr coğrafi kvotalar mərçivəsində bir coğrafi regionda
yerləçən müxtəlif ölkələrin nümayəndələri arasında immiqrasiya hüququnun əldə edilməsi
üzrə lotereya keçirirlər.
10.
Qeyri-qanuni işçi-miqrantlara, qeyri-qanuni işçi qüvvəsi idxalı ilə məşğul olan şəxslərə,
işçi-miqrantlardan qeyri-qanuni istifadə edən işəgötürənlərə münasibətdə tətbiq edilən
sanksiyalar sistemi. İmmiqrasiya qaydalarının pozulmasına görə qanunvericiliklə
sanksiyalar müəyyən edilir. Burada müxtəlif həcmdə cərimələrdən tutmuş müxtəlif
müddətlərə azadlıqdan məhrumetməyə qədər müxtəlif cəzaların tətbiq edilməsi nəzərdə
tutulur. Onlar həm miqrantların özlərinə, həm onların qeyri-qanuni surətdə ölkəyə daxil
olmasına köməklik göstərənlərə, həm də onları işə götürənlərə qarşı yönəldilə bilər. Ölkəyə
qeyri-qanuni daxil olma cinayət hesab edilir. Buna görə deportasiyaŞ pul cərimələri və/və
ya həbs qəti imkan tədbiri nəzərdə tutulur.
Dövlətlərin praktikasında işçi-miqrantların ölkədən çıxıb getməsinə yönəlmiş repatriasiya
proqramlarından geniş istifadə edilir. Adətən reemiqrasiyanın stimullaşdırılmasına yönəldilmiş bu
tədbirlər sırasında aşağıdakıları qeyd etmək olar.
Reemiqrasiyanın
stimullaşdırılması
proqramları.
Bu
proqramlar
qeyri-qanuni
immiqrantların məcburi repatriasiyasından tutmuş vətənə qayıtmaq istəyən immiqrantlara
maddi yardım göstərilməsinə qədər geniş tədbirlər planını əhatə edir. Qərbi Avropa
ölkələrində (Almaniya, Fransa, Niderland) immiqrantların könüllü surətdə vətənlərinə
qayıtdıqları halda onlara maddi yardımlar göstərilməsi üzrə proqramlar qəbul edilib. Bu cür
maddi yardım alan immiqrantlar bir də bu ölkəyə qayıtmaq hüququndan məhrum olurlar.
Maddi yardım immiqrantı işə götürən müəssisənin sosial sığorta və ya pensiya fondlarına
köçürmələri əsasında yığılmış vəsaitlər hesabına həyata keçirilir. Bu cür
maliyyələşdirmənin büdcənin xərclər hissəsinə əlavə yük olmadığı hesab edilsə də,
praktikada bu istiqamətə ayrılan büdcə xərcləri də kifayət qədər böyük olur. Büdcə xərcləri
əsasən immiqrantların qeydə alınması üzrə elektron sistemlərin yaradılmasına və onların
fəaliyyətinin dəstəklənməsinə sərf edilir. Remiqrasiyanın stimullaşdırılması proqramlarının
səmərəliliyi xeyli aşağıdır.
İmmiqrantların peşəkar hazırlığı proqramları. Ayır-ayrı ölkələrin (Fransa, Almaniya,
İsveçrə) hökumətləri immiqrantların peşəkar təhsili proqramlarına onları öz ölkələrinə
qayıtmağa sövq edən vasitə kimi baxırlar. Bu proqramların məntiqinə görə, inkişaf etmiş
ölkədə təhsil alan immiqrantlar öz ölkələrində daha yüksək əmək haqqı verilən və prestijli
olan işlərə iddia edə bilərlər ki, bu da onları öz vətənlərinə qayıtmağa sövq edə bilər. Lakin
immiqrantlar bu cür proqramlara çox az maraq göstərirlər. Məsələ burasındadır ki, hər
hansı bir ixtisasın əldə edilməsi hələ vətəndə həmin ixtisas üzrə iş tapıldığı demək deyil.
Buna görə də immiqrantlar reemiqrasiya etmək və vətəndə daha yaxşı iş tapmaq
ehtimalındansa artıq işlədikləri iş yerini (əmək haqqı aşağı olsa da) əllərində saxlamağa
üstünlük verirlər.
Kütləvi emiqrasiya mərkəzi olan ölkələrə iqtisadi yardım proqramları. Inkişaf etmiş ölkələr
iş qüvvəsini ixrac edən ölkələrlə sazişlər imzalayırlar. Bu sazişlərə görə, müvafiq
investisiya qoyuluşları ilə reemiqrantlar üçün iş yeri olacaq yeni müəssisələr yaradılır. Bu
cür müəssisələr kooperativ, birgə müəssisələr, səhmdar cəmiyyət formalarında olurlar. Bu
forma daha çox Almaniya və Türkiyə arasında inkişaf edib. Bir sıra hallarda əsasən alman
sərmayələri hesabına yaradılmış türk şirkətləri təkcə reemiqrantları cəlb etmir, həm də yeni
miqrasiya axınlarının qarşısını alırlar.
İnkişaf etmiş ölkələrin aktiv fəaliyyətinə baxmayaraq, reemiqrasiyanın stimullaşdırması
proqramlarının əksəriyyəti qarşıya qoyulmuş məqsədləri əldə etməmişdir. Əgər proqramlar həyata
keçirilən ilk dövrlərdə reemiqrasiya axını güclənirsə, proqramların maliyyələşdirilməsinin ixtisar
edilməsi ilə xarici işçilərin vətənlərinə qayıtmaları kəskin azalır. Lakin onların aşağı
səmərəliliyinin əsas səbəbi işçi qüvvəsini ixrac edən ölkələrin hökumətlərinin təkrar ixracda
maraqlı olmamaları və emiqrasiyanın ixtisarı üçün zəruri tədbirləri həyata keçirməmələri ilə
əlaqədardır.
Ümumilikdə hər bir ölkə işçi qüvvəsinin ixracı və idxalının tənzimlənməsi üzrə tədbirləri
özünün daxili iqtisadi vəziyyətindən çıxış edərək müəyyənləşdirir. Miqrasiya proseslərinin
tənzimlənməsinin xarakterik xüsusiyyəti ondan ibarətdir ki, bu sahədə prioritet milli dövlətlərin
tərəfində olur. Mübahisəli məsələlərin həllində məhz milli miqrasiya qanunvericiliyi əsas
götürülür.
5.6. Miqrasiya proseslərinin beynəlxalq tənzimlənməsi
İşçi qüvvəsinin beynəlxalq miqrasiyasının mənfi nəticələri və qeyri-leqal miqrasiyanın
yüksək səviyyəsi bu prosesin beynəlxalq səviyyədə də təmzinlənməsini zəruri edir.
Miqrasiya proseslərinin beynəlxalq tənzimlənməsi sisteminə miqrantların əməyindən
istifadə və onların sosial-iqtisadi hüquqları barədə ikitərəfli və çoxtərəfli beynəlxalq sazişlər,
həmçinin bu işlə məşğul olan beynəlxalq iqtisadi təşkilatlar daxildir.
Beynəlxalq səviyyədə fəaliyyətləri miqrasiya proseslərinin qaydaya salınmasına
yönəldilmiş bir neçə təşkilat yaradılmışdır.
Beynəlxalq Əmək Təşkilatı (BƏT). 1919-cu ildə yaradılan bu təşkilat 1946-cı ildə BMT-
nin ixtisaslaşmış təşkilatı statusunu alıb. Hazırda BƏT-ə 177 ölkə daxildir. BƏT-in vəzifələri
aşağıdakılardır:
işçilər üçün sosial ədalətliliyin təmin edilməsinə dəstək;
əmək və həyat şəraitinin yaxşılaşdırılmasına yönəldilmiş beynəlxalq siyasətin və
proqramların işlənməsi;
milli hakimiyyətlər üçün əsas rolunu oynayacaq beynəlxalq əmək standartlarının
hazırlanması;
işçi qüvvəsi yığımının reqlamentləşdirilməsi;
işsizliklə mübarizə;
normal həyat səviyyəsini təmin edən əmək haqqına təminat;
peşəkar xəstəliklərdən və bədbəxt hadisələrdən müdafiə;
uşaq və qadınların müdafiəsi;
sosial sığorta və təminat məsələlərinin reqlamentləşdirilməsi;
peşəkar-texniki tədrisin təşkili; bu məqsədin reallaşdırılması üçün BƏT-in tərkibində
Cenevrədə yerləşən Beynəlxalq Əmək Problemləri İnstitutu və Turində (İtaliya)
yerləşən Yüksək Texniki və Peşəkar Hazırlıq üzrə Beynəlxalq Mərkəz faəliyyət
göstərir.
BƏT-in strukturuna daxildir:
Beynəlxalq Əmək Konfransı – BƏT-in ali orqanıdır və qanunvericilik funksiyalarını
yerinə yetirir;
İnzibati Şura – BƏT-in nəzdində olan müxtəlif komitə və komissiyaların fəaliyyətinə
rəhbərlik edir;
Beynəlxalq Əmək Bürosu – BƏT-in informasiya və məsləhət orqanıdır.
BƏT-i digər ümumdünya təşkilatlarından fərqləndirən əsas cəhətlərdən biri ondan ibarətdir
ki, onun siyasətinin hazırlanması zamanı sahibkarların və işçilərin təmsilçiləri hökumətlərin
təmsilçiləri ilə bərabər sayda səsə malik olurlar.
BƏT aşağıdakı istiqamətlər üzrə fəaliyyətini həyata keçirir:
1.
Əmək haqqında Konvensiya və Tövsiyələrin işlənməsi;
2.
Asiya, Afrika və Latın Amerikasının inkişaf etməkdə olan ölkələrinə texniki yardımın
göstərilməsi;
3.
BƏT fəaliyyət dairəsinə daxil olan məsələlər üzrə təhsilin və tədrisin təşkili.
BƏT-in əsas funksiyalarından biri əmək haqqı, iş gününün müddəti və iş şəraiti, işçilərin
əməyə görə mükafatlandırılması, sosial təminat, ödənilən məzuniyyət, əmək müdafiəsi kimi
sahələrdə beynəlxalq əmək standartlarının müəyyən edən Konvensiya və Tövsiyələrin qəbul
edilməsindən ibarətdir. Əsası qoyulandan bəri BƏT 172 konvensiya və 181 tövsiyə qəbul edib.
BƏT miqrasiya prosesinə qoşulan bütün ölkələrə məşğulluq sahəsində həyata keçirdikləri
siyasəti koordinasiya etməyi, miqrantlara tibbi və ictimai xidmətləri yaxşılaşdırmağı, “beyin
axını”na qarşı mübarizə aparmağı, miqrantların vətənə könüllü qayıdışını yüngəlləşdirməyi
tövsiyə edir.
Aşağıda BƏT-in bir sıra Tövsiyələri sadalanmışdır:
Xarici işçilərlə münasibətlər haqqında (1919);
Gəmi göyərtəsində qadən-emiqrantların müdafiəsi haqqında (1926);
İşçi miqrantların tapılması, işə götürülməsi və iş şəraitləri haqqında (1939);
İşçi miqrantların az zəif inkişaf etmiş ölkələrdə müdafiəsi haqqında (1955).
BƏT-in işçi qüvvəsinin miqrasiyası problemlərinin həllinə yönəlmiş ilk normativ aktı
1935-ci ildə qəbul edilmiş və 1938-ci ildə qüvvəyə minmiş Konvensiya № 48 olub. Konvensiyaya
uyğun olaraq əlillikdən, yaşlılıqdan, ailə başçısının itirilməsindən irəli gələn hüquqların
qorunması üzrə beynəlxalq əməkdaşlıq sistemi müəyyən edilmişdir. Qaydalar təşkilatın bütün üzv
ölkələrində yaşayan xaricilərə (vətəndaşlığından asılı olmayaraq) aid edilir.
1949-cu ildə işçi miqrantlar haqqında Konvensiya № 97 qəbul edilmişdir. Konvensiyanın
müddəaları bu günə qədər aktuallığını qoruyub saxlamışdır.
Konvensiyanın iki müddəasına diqqət yetirək:
1)
konvensiya ölkə ərazisində qanuni əsasda yaşayan immiqrantlara aiddir;
2)
konvensiyada işçi miqrantlara müəyyən iş müddətindən sonra emiqrasiya etdikləri ölkədə
daimi yaşayış hüququ əldə etmək imkanı verilir.
1955-ci ildə BƏT daha bir vacib sənədi – inkişaf etməkdə olan ölkələrin işçi miqrantlarının
müdafiəsi haqqında Tövsiyyə № 100-ü qəbul etmişdir. Bu sənəd inkişaf etməkdə olan ölkələrin
iqtisadi və sosial inkişaf maraqlarından, bu ölkələr üçün əmək resurslarının arzuolunmaz itkisinin
məhdudlaşdırılmasından çıxış etməklə miqrasiyanın tənzimlənməsinə yönəldilmişdir.
Tövsiyyə ilə təklif edilən tədbirlər sırasında emiqrasiya ölkələrində iqtisadi inkişaf üzrə
xüsusi proqramlardan tutmuş yeni iş yerlərinin yaradılmasına qədər çeşidli tədbirlərə rast gəlmək
olar.
1974 və 1975-ci illərdə işçi miqrantlar haqqında iki sənəd - Konvensiya № 143 və Tövsiyyə
№ 151 qəbul edilmişdir. Bu sənədlər üzv dövlətlərə qeyri-leqal miqrasiyanın və qeyri-qanuni işə
götürmənin qarşısının alınması üçün inzibati tədbirlərdən tutmuş həbs cəzasına qədər müxtəlif
vasitələrdən istifadə etməyi təklif edir. Qeyd olunan sənədlərdə mahiyyət baxımından prinsipial
və yeni olan bir müddəa da öz əksini tapmışdır. Belə ki, ölkədə qanuni əsasda fəaliyyət göstərən
işçi miqrant işini itirmişsə ona ölkədə qeyri-leqal yaşayan kimi baxmaq olmaz və malik olduğu
hüquqlardan istifadəni davam etdirməlidir.
BƏT-in normaları miqrantların hüquqlarının müəyyən edilməsi ilə yanaşı immiqrasiya
ölkələrinin sosial xidmətlərinin öhdəliklərini də müəyyən edir.
İmmiqrasiya ölkələrinin sosial xidmətləri işçi-miqrantlara və onların ailə üzvlərinə
münasibətdə bir sıra sosial funksiyaları həyata keçirirlər:
ölkənin iqtisadi, sosial və mədəni şəraitinə uyğunlaşmaqda kömək göstərmək;
səlahiyyətli orqanlardan informasiya və məsləhət alınmasına yardım etmək;
təhsil, peşəkar hazırlıq, dil öyrənilməsi, səhiyyə, mənzil şəraiti və s. sahələr üzrə təqdim
edilən imkanlardan tam istifadə üzrə köməklik göstərmək və s.
BƏT-in hər bir üzv dövləti aşağıdakılara əməl etməlidir:
işçi miqrantlar, onların ailə üzvləri ilə öz vətəndaşları arasında bərabər imkanlar prinsipinin
tətbiq edilməsini təmin etmək, bu prinsipə əməl edilməməsi üzrə şikayətləri öyrənmək;
sahibkarlar və ya difər şəxslər və ya təşkilatlar tərəfindən qanunvericiliyin pozulması
zamanı inzibati, mülki və cinayət cəzalarını tətbiq etmək;
miqrantların hüquqları üzrə milli qanunvericiliyin və beynəlxalq normaların uyğunluğunu
təmin etmək;
ailələrin tezliklə birləşməsinə köməkik göstərmək, bunun üçün ikitərəfli və çoxtərəfli
sazişlər imzalamaq və s.
Beynəlxalq Miqrasiya Təşkilatı (BMqT). 1949-cu ildə Qaçqınların İşi üzrə Beynəlxalq
Təşkilat kimi yaradılmış bu qurumun səlahiyyətləri zaman keçdikcə genişləndi və onun adı 1989-
cu ildə BMiqT-yə dəyişdirildi. BMqT-yə 131 dövlət daxildir ki, onun 102-i üzv, 29-u
müşahidəçidir. Bu təşkilat çərçivəsində miqrasiya axınlarının tənzimlənməsi sahəsində
uzunmüddətli proqramların işlənməsi həyata keçirilir, miqrasiyanın təşkili, texniki əməkdaşlıq,
“beyin axını”nın qarşısının alınması, reemiqrasiya, ekspert xidmətlərinin göstərilməsi və s.
sahələrdə yardım edilir. Nizamnaməyə görə, BMqT-nin əsas funksiyaları aşağıdakılardır:
vətəndaşların qaydaya salınmış və planlaşdırılmış miqrasiyasının həyata keçirilməsi;
qəbul edən ölkənin inkişafına yardım göstərə biləcək ixtisaslı işçi qüvvəsinin (ailə
üzvləri də daxil olmaqla) hərəkətinin təşkili;
qaçqınların hərəkətinin təşkili;
dövlətlər arasında bilik, təcrübə mübadiləsinə və əməkdaşlığa şərait yaratmaq
məqsədilə müxtəlif tədbirlər həyata keçirmək.
Hazırda BMqT əsasən miqrasiyanın kəmiyyət tərəfini tənzimləyir. BMiqT həmçinin
qaçqınlara ən müxtəlif yardımlar göstərir. BMiqT beynəlxalq miqrasiyanın əsas məqsədləri kimi
aşağıdakıları göstərir: işəgötürmə; ailələrin qovuşması; təhsilin alınması; qısamüddətli turizm,
ailəvi, işgüzar səfərlər (3 ay müddətinə); siyasi qaçqın statusunun alınması (Cenevrə Konvensiyası
üzrə); vətəndaşların vətənə, özünün etnik kökünə qayıdışı; daimi yaşayış yerinə getmə.
BMqT qlobal səlahiyyətlərə malik, amma BMT sisteminə daxil olamayan yeganə
təşkilatdır.
BMT nəzdində fəaliyyət göstərən Ali Komissarlığın Qaçqınların İşi üzrə İdarəsi
qaçqınların müdafiəsi, uzunmüddətli qərarların reallaşdırılması, ilk növbədə isə repatriasiya
məsələləri ilə məşğul olur.
İƏİT nəzdində fəaliyyət göstərən Miqrasiya üzrə Daimi Müşahidə Sistemi milli
immiqrasiya idarələrinin fəaliyyətini koordinasiya edir.
Beləliklə,
işçi
qüvvəsinin
beynəlxalq
miqrasiyası
təsərrüfat
həyatının
beynəlmiləlləşməsinin vacib və ən mürəkkəb aspektlərindən biridir. İşçi qüvvəsinin beynəlxalq
miqrasiyası bir tərəfdən ölkələrin ehtiyaclarına uyğun olara əmək resurslarının yenidən bölgüsünü
təmin edir və yeni rayonların mənimsənilməsinə şərait yaradır, digər tərəfdən isə iqtisadi və sosial
ziddiyyətlərin kəskinləşməsinə gətirib çıxarır.
Dostları ilə paylaş: |