|
Professional futbol ligasi tomonidan-bob.
Xorijlik futbolchilar va mutaxassislarni ro‘yxatdan o‘tkazish uchunPFL-Musobaqalar otkazish reglamenti 202111-bob.
Xorijlik futbolchilar va mutaxassislarni ro‘yxatdan o‘tkazish uchun
alohida shartlar
11.1.
O‘zPFL musobaqalari uchun 5 nafargacha xorijlik futbolchini (keyingi
o‘rinlarda — legioner) ro‘yxatdan o‘tkazish mumkin. Bunda ulardan biri (yoki
hammasi) OFKga a’zo mamlakat fuqarosi bo‘lishi shart (4+1). OFKga a’zo davlatdan
legioner mavjud bo‘lmagan taqdirda klub ariza varaqasiga 4 nafardan ortiq chet
ellik futbolchini kirita olmaydi.
11.2.
Legioner futbolchi xizmatidan foydalanish uchun yilda bir marta
legioner futbolchini ro‘yxatdan o‘tkazganlik uchun to‘lov amalga oshiriladi. Mazkur
to‘lov futbolchini mavsum uchun birinchi bor ro‘yxatdan o‘tkazgan klub tomonidan
to‘lab beriladi.
11.3.
Pro liga klubining legioner futbolchini ro‘yxatdan o‘tkazganlik uchun
to‘lovi Superliga klublariga belgilangan to‘lov miqdorining teng yarmini tashkil
qiladi.
11.4.
Ayol legioner futbolchilarni hamda Birinchi liga klublari uchun legioner
futbolchilarni ro‘yxatdan o‘tkazish uchun to‘lov talab etilmaydi.
11.5.
Agar Pro liga klubi safida ro‘yxatdan o‘tgan legioner futbolchi transfer
oynasida Superliga klubi tarkibida qayta ro‘yxatdan o‘tkazilsa, shu bobning 11.2-
bandidan istisno tariqasida mazkur legioner uchun to‘lov yangi klub tomonidan
Superliga klublari uchun belgilangan to‘lovning 50 foizi miqdorida qo‘shimcha
amalga oshiriladi.
Birinchi liga klubi safidan ro‘yxatdan o‘tgan legioner futbolchi transfer
oynasida Superliga yoki Pro liga klubi tarkibida qayta ro‘yxatdan o‘tkazilsa, yangi
klub mazkur legionerni ro‘yxatdan o‘tkazish uchun o‘zi ishtirok etadigan ligaga
belgilangan to‘lovni amalga oshirishi kerak.
11.6.
Agar legioner futbolchi uzluksiz ketma-ket to‘rt mavsumni O‘zbekiston
klublarida o‘tkazgan bo‘lsa va 2021-yilgi mavsum tartib bo‘yicha uning ketma-ket
beshinchi mavsumi bo‘lsa, mazkur legioner uchun to‘lov amalga oshirilmaydi.
11.7.
Agar legioner futbolchi bir klub safida ketma-ket ikkinchi mavsum
uchun ham ro‘yxatdan o‘tkazilsa, mazkur futbolchi uchun belgilangan to‘lov 50
foizga qisqartiriladi.
Dostları ilə paylaş: |
|
|