13-bob. O‘zPFL komissarining Musobaqalardagi faoliyati 13.1. Uchrashuvni tashkil etish va o‘tkazishni nazorat qilish uchun O‘zPFL
komissari tayinlanadi.
13.2. Uchrashuvni boshlash yoki uni o‘tkazmaslik masalasi bevosita O‘zPFL
komissari tomonidan hal qilinadi.
13.3. O‘zPFL komissarlari ro‘yxati maxsus o‘quv-seminarida ishtirok etib,
uning yakuniga ko‘ra tavsiya etilgan O‘FA, O‘zPFL hamda O‘zPFLning hududiy
vakillari orasidan shakllantiriladi hamda O‘zPFL bosh direktori tomonidan
tasdiqlanadi.
13.4. O‘zPFL komissarini uchrashuvga tayinlash O‘zPFL bosh direktori
tomonidan amalga oshiriladi.
13.5. O‘zPFL komissari Musobaqa startidan 60 daqiqa avval zaxira hakami va
klub rasmiysi bilan birgalikda uchrashuv qaydnomasiga futbolchilarning ismi-
familiyasi, ampluasi va raqamlarini (o‘sish tartibida), shuningdek, rasmiy shaxslarni
lavozimini ko‘rsatgan holda kiritishi kerak.
13.6. O‘zPFL komissari uchrashuvni mazkur Reglamentga muvofiq tashkil
etish, xavfsiz o‘tkazilishini nazorat qilish, xuquq-tartibot organlari, stadion va
klublar rasmiylari, futbolchilar, tomoshabinlar harakatlarini baholash uchun mas’ul
hisoblanadi.
13.7. O‘zPFL komissari uchrashuvga tayyorgarlik ko‘rish va o‘tkazish borasida
bahsli masalalar yuzaga kelgan hollarda xal etuvchi ovozga ega.
13.8. Nazoratchi va hakamlar brigadasi O‘zPFL komissariga bo‘ysunadi.
13.9. O‘zPFL komissarlari “Futbol yaxlitligini himoya qilish bo‘yicha
deklaratsiya”ni imzolaganidan keyingina Musobaqaga qo‘yiladi.
13.10. O‘zPFL komissari bilan bog‘liq majburiyatlar va komissarlikka oid
vakolatlar “Komissar yo‘riqnomasi”da aks etadi.
14-bob. Musobaqalarda hakamlik qilish
22
14.1. Hakamlik mazkur Reglament, “Futbol o‘yini qoidalari” (2020/2021-
yillarda chiqarilgan), shuningdek, IFAB tomonidan qabul qilingan o‘zgartish va
qo‘shimchalar asosida amalga oshiriladi.