16
uchrashuvga uzrsiz sabablarga ko‘ra yetib kelmagan jamoa O‘zPFL Ijroqo‘mi qarori
bilan musobaqalardan chetlashtiriladi.
8.9.
Musobaqalardan chetlashtirilgan jamoa agar uchrashuvlarning 50 foizi
va undan kamini o‘tkazgan bo‘lsa, uning natijalari bekor qilinadi. Ogohlantirish va
chetlashtirishlar o‘z kuchini saqlab qoladi. Agar jamoa uchrashuvlarning 50 foizdan
ko‘pini o‘tkazgan bo‘lsa, bunday jamoaga qolgan uchrashuvlar uchun texnik
mag‘lubiyat (-:+), raqib jamoalarga esa texnik g‘alaba (+:-) yoziladi. Ogohlantirish va
chetlashtirishlar o‘z kuchini saqlab qoladi. Fors-major
holati sabab musobaqa
formatiga o‘zgartirish kiritilgan bo‘lsa, o‘yinlar foizini aniqlash shu o‘zgarishga
asosan hisoblanadi.
8.10.
Agar klub mazkur Reglamentga ko‘ra O‘zPFL tomonidan musobaqadan
chiqarib yuborilsa, ammo faoliyatini davom ettirsa, u holda mazkur klubga O‘zPFL
Ijroqo‘mi qarori bilan kelasi mavsumni bitta quyi ligadan boshlash imkoniyati
berilishi mumkin.
8.11.
Agar
klub faoliyatini tugatsa, u O‘zPFL qatnashchilari safidan
chetlashtiriladi. Har qanday boshqa klub shu klubning nomi, har qanday atributlari,
belgilari, ramzlari va tarixidan foydalanishiga yo‘l qo‘yilmaydi.
Agar mazkur klub
faoliyatini qayta tiklasa, u holda o‘z ishtirokini HA tomonidan o‘tkaziladigan Ikkinchi
liga musobaqasidan boshlashi kerak.
8.12.
Professional futbol klubi O‘zbekiston Respublikasi qonunchiligi asosida
o‘z nomi yoki tashkiliy-huquqiy shakli o‘zgarsa, yangi klub avvalgi klubning huquqiy
vorisi hisoblanadi va futbolchilar,
murabbiylar, klubning boshqa xodimlari oldida
oylik ish haqi hamda boshqa to‘lovlar bo‘yicha hisob-kitoblardagi buzilishlar uchun
to‘liq javobgar bo‘ladi. Shuningdek, u O‘FA, O‘zPFL va O‘zbekiston Respublikasi soliq
organlari oldidagi qarzdorlikni to‘lash uchun javobgar hisoblanadi.
Keyinchalik
ushbu klubning O‘zPFL o‘tkazadigan musobaqalarda ishtirok etishiga ruxsat O‘FA
Ijroiya qo‘mitasi Byurosining qarori bilan beriladi. Mazkur holatda klubning yangi
egasi qarzdorlik masalasini hal qilish uchun javobgarlikni o‘z zimmasiga olib, biroq
qarzlardan qutulishga yangi mavsum startiga qadar ulgurmasa,
u holda viloyat
hokimining rasmiy kafolati ostida mazkur klubga musobaqada ishtirok etish uchun
ruxsat berilishi mumkin.
8.13.
Superliga va Pro liga klublari O‘zPFL tomonidan o‘tkaziladigan barcha
Musobaqalarda futbolchilarning funksional holatini masofadan turib monitoring
qilish imkonini beruvchi moslamadan foydalanishi
hamda bu boradagi hisobotni
O‘FA texnik boshqarmasining ilmiy-uslubiy guruhiga taqdim etishi shart. Klub ushbu
moslamalarga ega bo‘lmasa, O‘FA texnik boshqarmasining ilmiy-uslubiy guruhi
mazkur klub futbolchilarini jismoniy tayyorgarlik bo‘yicha testdan o‘tkazadi.
8.14.
Stadionning yoritish tizimi “Stadionlar to‘g‘risidagi nizom”da keltirilgan
talablarga javob bermasa va shu stadiondagi uchrashuvda quyosh nurida o‘yinni
tashkil qilish havo haroratidan kelib chiqib futbolchilar salomatligiga salbiy ta’sir
ko‘rsatsa (“Meditsina Reglamenti”ga asosan), O‘zPFL mazkur uchrashuvni yoritish
17
tizimi talabga javob beradigan boshqa maydonda o‘tkazish bo‘yicha
qaror
chiqarishga haqli. Bu holatda mezbonlik bilan bog‘liq mazkur Reglamentda
ko‘rsatilgan barcha majburiyatlar mezbon klubning o‘zida qoladi.
8.15.
Ayollar Oliy ligasida maydonga chiqayotgan futbolchi 2006
yil yoki
undan katta bo‘lishi shart. Ayollar Birinchi ligasida maydonga chiqayotgan futbolchi
2007 yil yoki undan katta bo‘lishi shart.
Dostları ilə paylaş: