5. Hansı hallarda təhsili davam etdirmək üçün çağırışa möhlət verilir?
•
Mülkiyyət formasından aslı olmayaraq qeydiyyatdan keçmiş və xüsusi razılıq (lisenziya) almış
təhsil müəssisələrində və onların filiallarında təhsili davam etdirmək üçün aşağıdakı
çağırışçılara möhlət verilir:
•
Orta ümum təhsil məktəblərində əyani və ya axşam orta təhil alan, 20 yaşınadək
çağırışçılara,
•
Peşə təhsili müəssisələrində təhsil alan, bu məktəblərə daxil olana qədər orta təhsil almamış
20 yaşınadək çağırışçılara,
•
Orta ixtisas məktəblərində təhsil alan, bu məktəblərə daxil olana qədər orta təhsil almamış 22
yaşınadək çağırışçılara,
•
Dövlət, qanunvericiliklə müəyyən olunmuş qaydada dövlət qeydiyyatından keçmiş və xüsusi
razılıq (lisenziya) almış qeyri-dövlət ali təhsil müəssisələrinin əyani formada təhsil
müəssisələrinin əyani formada təhsil alan tələbələrinə və xarici ölkədə əyani formada ali təhsil
alan tələbələrə-təhsilini bitirənədək. Ali təhsil müəssisələrindən xaric edilmiş şəxslər
çağırışdan möhlət hüquqlarını itirirlər və ümumi əsaslarla həqiqi hərbi xidmətə çağırılırlar,
•
Dövlət, qanunvericilikdə müəyyən olunmuş qaydada dövlət qeydiyyatından keçmiş və xüsusi
razılıq (lisenziya) almış qeyri -dövlət ali təhsil müəssisələrini bitirəndən sonra əyani formada
magistiraturada, aspiranturada davam etdirən şəxslərə -təhsilini bitirənədək.
•
Təhsilini davam etdirmək üçün çağırışdan möhlət almış, həmçinin müxtəlif səbəblərə görə
qanunvericiliklə müəyyən edilmiş müddətdə həqiqi hərbi xidmətə çağırılmamış çağırışçılar 35
yaşına çatanadək həqiqi hərbi xidmətə çağırılırlar.
16. Miqrasiya xıdməti
1. Əcnəbilərə və vətəndaşlığı olmayan şəxslərə Azərbaycan Respublikası ərazisində haqqı
ödənilən əmək fəaliyyəti ilə məşğul olmaları üçün fərdi icazələrin verilməsi ilə əlaqədar hansı
sənədlər tələb olunur?
Ərizə-anket və ərizədə aşağıdakılar öz əksini tapmalıdır:
hüquqi şəxslər üçün — hüquqi şəxsin adı, təşkilati-hüquqi forması, hüquqi ünvanı;
fiziki şəxslər üçün — adı, atasının adı, soyadı, şəxsiyyəti təsdiq edən sənəd haqqında məlumatlar
(seriya, nömrə, nə vaxt və kim tərəfindən verilmişdir, ünvanı);
əcnəbinin adı, atasının adı, soyadı, vətəndaşlığı, daimi yaşayış yerinin ünvanı, doğulduğu tarix və
ölkə, cinsi, ixtisası, son beş ildə əmək fəaliyyəti haqqında məlumat, işləyəcəyi vəzifə və iş yerinin
ünvanı.
•
əcnəbi işçinin nəzərdə tutulan işi yerinə yetirmək üçün tələb edilən ixtisasa malik olduğunu
təsdiq edən sənədin notariat qaydada təsdiq olunmuş surəti;
•
nəzərdə tutulan hər bir iş yeri üçün əcnəbi işçinin cəlb edilməsi zəruriliyini əsaslandıran arayış;
•
Azərbaycan Respublikası ərazisində başqa əsaslarla olan əcnəbinin Azərbaycan Respublikası
ərazisində qalmasına hüquq verən müvafiq sənədin surəti.
İşəgötürən hüquqi şəxs olduqda – hüquqi şəxsin nizamnaməsinin və dövlət qeydiyyatı haqqında
şəhadətnaməsinin notarial qaydada təsdiq edilmiş surətləri, fiziki şəxs olduqda isə fiziki şəxsin
şəxsiyyətini təsdiq edən sənədinin və fiziki şəxsə verilmiş vergi ödəyicisinin uçota alınması
haqqında şəhadətnamənin notarial qaydada təsdiq edilmiş surətləri.
36
Azərbaycan Respublikasına gələn əcnəbilərə və vətəndaşlığı olmayan şəxslərə ölkə ərazisində
qanuni əsaslarla yaşamaları və haqqı ödənilən əmək fəaliyyəti ilə məşğul olmaları üçün müvafiq
icazələrin verilməsi, onların yaşayış yeri üzrə qeydiyyata alınması məsələləri 20 iş günü ərzində
həyata keçirilir.
İşə düzələrkən müəyyən edilmiş qaydaları pozmasına görə əcnəbilər və vətəndaşlığı olmayan
şəxslər Azərbaycan Respublikasının İnzibati Xətalar Məcəlləsinin 339.1.3-cü maddəsinə əsasən,
Dövlət Miqrasiya Xidməti tərəfindən Azərbaycan Respublikasının hüdudlarından kənara inzibati
qaydada çıxarılmaqla və ya çıxarılmamaqla 300 (üç yüz) manatdan 400 (dörd yüz) manatadək
məbləğdə cərimə edilirlər.
Azərbaycan Respublikasının İnzibati Xətalar Məcəlləsinin 53.8-ci bəndində nəzərdə tutulmuş hal
müəyyən edildikdə isə işəgötürən tərəfindən qanunvericiliyin tələbləri pozulmaqla fərdi icazə
alınmadan əcnəbinin və ya vətəndaşlığı olmayan şəxsin işə cəlb edilməsinə görə Əmək və Əhalinin
Sosial Müdafiəsi Nazirliyi tərəfindən 30.000 (otuz min) manatdan 35.000 (otuz beş min) manatadək
məbləğdə cərimə tətbiq edilir.
2. Hansı hallarda Azərbaycan Respublikasının vətəndaşlığını əldə etmək mümkündür?
Azərbaycan Respublikasının vətəndaşlığına qəbul ilə əlaqədar tələb olunan sənədlər:
Azərbaycan Respublikası ərazisində son beş il ərzində fasiləsiz olaraq qanuni əsaslarla daimi
yaşayan, qanuni gəlir mənbəyi olan, Azərbaycan Respublikasının Konstitusiyasına və qanunlarına
riayət olunması barədə öhdəlik götürən, habelə Azərbaycan Respublikasının dövlət dilini bilməsi
haqqında sənəd təqdim edən əcnəbi və vətəndaşlığı olmayan şəxs mənşəyindən, irqi və milli
mənsubiyyətindən, cinsindən, təhsilindən, dinə münasibətindən, siyasi və başqa əqidələrindən asılı
olmayaraq qanunvericiliyə müvafiq surətdə öz vəsatəti ilə Azərbaycan Respublikası vətəndaşlığına
qəbul edilə bilər.
Bunun üçün əcnəbi və vətəndaşlığı olmayan şəxs Azərbaycan Respublikası Prezidentinin adına
yazılmış, nümunəsi Azərbaycan Respublikası Prezidenti tərəfindən təsdiq edilən ərizə-anketlə
Azərbaycan Respublikası Dövlət Miqrasiya Xidmətinə müraciət etməlidir.
Vətəndaşlığa qəbul ilə bağlı tələb olunan sənədlər:
•
Azərbaycan Respublikasının Prezidentinin adına ərizə (səbəbini göstərmək şərti ilə);
•
tərcümeyi-hal;
•
şəxsiyyəti təsdiq edən sənədin surəti (notarial qaydada təsdiq olunmuş);
•
Azərbaycan Respublikasının ərazisində daimi yaşamaq üçün icazə vəsiqəsinin surəti;
•
Azərbaycan Respublikasının vətəndaşı olan yaxın qohumunun şəxsiyyətini təsdiq edən
sənədinin surəti;
•
Azərbaycan Respublikasında son beş il ərzində yaşaması barədə yaşayış yerindən arayış;
•
ailə tərkibi haqqında arayış;
•
Azərbaycan Respublikasının dövlət dilini bilməsi barədə Təhsil Nazirliyindən arayış;
•
4 ədəd fotoşəkil (3x4 sm ölçüdə);
•
qanuni gəlir mənbəyi olduğunu təsdiq edən sənəd (iş yerindən arayış, pensiya, təqaüd və ya
sosial yardım alınması haqqında arayış, aliment alınması haqqında arayış, himayəçiliyində olan
şəxslərin gəlirləri haqqında arayış, vərəsəlik şəhadətnaməsi, qanunla qadağan edilməyən
fəaliyyətdən əldə edilən gəlirlər haqqında hər hansı digər sənəd);
•
«Azərbaycan Respublikasının vətəndaşlığı haqqında» Azərbaycan Respublikası Qanununun 14-
cü maddəsinin dördüncü hissəsinin 1-ci bəndində nəzərdə tutulmuş elm, texnika, mədəniyyət və
ya idman sahələrində yüksək nailiyyətləri olan şəxslər üçün — onu Azərbaycan Respublikasına
dəvət edən dövlət orqanının əsaslandırılmış vəsatəti;
•
dövlət rüsumunun ödənilməsi haqqında qəbz (110 manat).
37